Proba itzazu IKEA-ren errezetak

IKEA-rekin janaria prestatzen: barazki-bolak jogurt-saltsa eta erremolatxarekin

Prestatzeko denbora: 30 min

Itxarote-denbora: 120 min

Osagaiak 4 mahaikiderentzat

HUVUDROLL barazki-bolen poltsa bat
30 ml oliba-olio birjina
Gatz xehea

Saltsa egiteko:

4 pepino
500 g jogurt-saltsa
1 sorta mendafin
1 g piperbeltz beltz
2 lima
1 baratxuri-ale

Hornigaia egiteko:

1 sorta albaka fresko
4 erremolatxa
32 cherry tomate
5 g ezkata-gatz

Prestatzeko modua

1. Berotu labea aurretik 200°ºC-tan.

2. Nahi duzun tenperatura lortu ondoren, jarri cherry tomateak labeko erretiluan, utzi 15 bat minutuz erretzen eta gorde geroko.

3. Orain erremolatxaren txanda da. Hartu bakoitza banan-banan eta bil itzazu aluminiozko paperarekin.

4. Jarri bildutako 4 erremolatxak labean eta utzi ordubetez erretzen lehenengo tenperatura berean (200 ºC). Prest daudenean, gorde itzazu geroko.

Saltsa prestatzeko:

5. Zuritu luzoker guztiak eta birrindu. Bota itzazu iragazki batean eta gazitu.

6. Utzi xukatzen 30 bat minutuz eta, denbora hori igaro ondoren, ondo lehortu sukaldeko zapi baten laguntzarekin.

7. Birrindu baratxuri-alea.

8. Katilu batean, nahasi saltsaren osagai guztiak: luzoker xukatua, jogurt grekoa, baratxuri birrindua, 2 limen zukua, mendafina eta piperbeltza. Utzi jalkitzen.

Hornigaiaren olioa prestatzeko:

9. Albaka-olioa egiteko: bota olioa eta albaka sorta irabiagailuaren ontzira (gorde pixka bat geroko) eta txikitu dena ondo hostoen zatitxo guztiak desagertu arte. Utzi jalkitzen.

Zerbitzatzeko modua

10. Kozinatu barazki-bolak labean 10-12 minutuz 200 ºC-tan.

11. Moztu erremolatxa erreak erditik.

12. Ondu platera nahierara lehen prestatu dugun olioarekin, gatzarekin eta piperbeltz beltz apur batekin.

13. Gogoratzen zara lehen gorde duzun albakaz? Hura erabiltzeko unea da, barazki-bola gozo-gozo hauek zerbitzatzeko. Kokatu platerean eta kito!

Ezagutu sukaldaria eta lortu errezeta honi buruzko aholku gehiago.

IKEA-rekin janaria prestatzen: entsalada sardinzar marinatuekin

Prestaketa denbora: 25 minutu

Osagaiak 4 mahaikiderentzat

2 poto SILL DILL sardinzar marinatu
1 OST PRÄST gazta zati
2 patata handi
2 entsalada-tomate
Uraza-aukeraren poltsa bat
1 lata pipermorro erre (zerrendatan edo eskuz moztuta)
1 baratxuri-ale
Ardo zuria
Oliba-olio birjina estra
Ardo zuriaren ozpina
SENAP GROV ziapea
Kuminoa
Gatza
Azukrea

Prestatzeko modua

1. Egosi bi patatak lapiko batean. Gogoan izan garbi-garbi eta zuritu gabe sartu behar dituzula.
2. Bien bitartean, prestatu ontzi bat olio pixka batekin.
3. Txikitu baratxuri-ale bat eta sar ezazu ontzian hura txigortzeko.
4. Gehitu pipermorro errearen zerrendak olioa eta baratxuria dituen ontzian, eta gorri itzazu pixka bat. Gogoan izan osagaiak irabiatu behar dituzula zaporeak ondo nahasteko.
5. Ondoren, gehitu gatz pixka bat eta, gutxi gorabehera, azukre kopuru bera pipermorroen garraztasuna gutxitzeko.
6. Bota ardo zuri zurrusta bat eta utzi alkohola lurruntzen osagai guztiak prestatzen diren bitartean.

Ozpin-olioa prestatzeko

7. Hartu sardinzar-xerra pare bat sardinzar marinatuen pototik.
8. Ondoren, gorri itzazu pixka bat soplete batekin. Nahikoa da segundo batzuez txigortzea alde bakoitzetik. Ez kezkatu! Urrats hau ere egin dezakezu betiko zartagina erabilita.
9. Xerrak prestatu ostean, sar itzazu beirazko kaiku batean eta birrin itzazu sardexka batekin.
10. Kaiku berean, gehitu ziape koilarakadatxo bat, eta ondo nahasi guztia.
11. Bota bi parte oliba-olio eta parte bat ozpin.
12. Azken ukitu gisa, gehitu kumino pixka bat.
13. Emultsionatu guztia.

Osagarriak

14. Moztu tomatea xerratan (zeuk hautatu xerren lodiera) eta gorde itzazu.
15. Egin gauza bera gaztarekin. Motz ezazu triangelutan eta moztu triangelu horiek erditik.
16. Gogoan izan lapikotik atera behar dituzula patatak haiek egosi ostean; ondoren, motz itzazu xerratan gainerako osagaiekin egin duzun modura.

Zerbitzatzeko modua

17. Garbitu uraza-aukera eta ipin ezazu plater zapal batean.
18. Urazaren gainean, prestatu patata-oinarri bat.
19. Gehitu tomate-xerrak, gaztaren zatitxoak, pipermorroen zerrendak eta poteko gainerako sardinzar marinatu guztiak.
20. Orain errezetaren ukitu bereizgarriaren txanda da. Óscarrek sopletea berriro erabiltzea proposatzen du xerrak pixka bat txigortzeko. Flanbeatuak egiteko sopleterik ez baduzu, xerrak zartaginean txigor ditzakezu entsaladara bota baino lehen.
Azkenik, gehitu gordeta zenuen ozpin-olioa.

Ezagutu sukaldaria eta lortu errezeta honi buruzko aholku gehiago.

IKEA-rekin janaria prestatzen: entsalada ganbekin eta laranjazko chutneyarekin

Osagaiak 4 mahaikiderentzat

SJÖRAPPORT ganba zuritu izoztuen poltsa bat(gogoan izan lehenbizi desizoztu behar dituzula)
KNÅDAOgi airisa prestatzeko poltsa bat
10 g currya
220 g laranjazko eta intsusa-lorezko marmelada
50 g errefau-saltsa mina
75 g jogurt greko
30 ml oliba-olio
5 g jengibre
70 g tipula gorri
30 ml sagar-ozpin
Piperbeltz beltzaren 5 ale
Martorriaren 5 ale
Martorria (nahierara)

1. Prestakinaren poltsa berean, gehitu 50 ml oliba-olio.
2. Ondoren, erabili sukaldeko pintzekin edo espatula batekin.
9. Guztiak prestatu ostean, atera itzazu zartaginetik eta jar itzazu plater batean. Ondoren, erabili hezetutako zapi edo sukaldeko zapi bat harrotuta manten daitezen.

Errefau-saltsa prestatzeko

10. Sukaldeko katilu batean, nahasi potean dagoen errefau-saltsa jogurtarekin.
11. Erabili koilara bat osagaiok ondo nahasteko.
12. Osagaiak ondo nahasi ostean, nahasketa sartuko dugu sukaldeko biberoi batean eta hozkailuan gordeko dugu biberoia entsalada zerbitzatu arte.

Laranjazko chutneya prestatzeko

13. Lehenbizi, zartagin batean gorrituko ditugu espeziak (piperbeltza eta martorria) su ertainean.
14. Moztu eta xehatu tipula gorria.
15. Halaber, zuritu jengibrea eta xeha ezazu. Errazagoa bada zuretzat, hura birrin dezakezu ere.
16. Espeziak txigortuta daudenean, gehitu oliba-olioa, tipula eta jengibrea.
17. Arin frijitu guztia su ertainean, tipula ia gardena dagoen arte.
18. Ondoren, gehitu laranja-marmelada eta sagar-ozpina.
19. Kozinatu osagai guztiak loditasuna hartu arte.

Zerbitzatzeko modua

20. Erabili ogi-atal bat oinarri gisa.
21. Jarri laranjazko chutneyaren geruza bat.
22. Gehitu ganba-eskukada txiki bat (gogoan izan desizoztuta egon behar dutela).
23. Ondoren, gehitu errefau-saltsa eta jogurta osagaien gainetik.
24. Amaitzeko, hautseztatu xehatutako martorri pixka bat.
25. Gainerako anoak egiteko, errepikatu azaldu dizugun prozesua.

Ezagutu sukaldaria eta lortu errezeta honi buruzko aholku gehiago.

IKEA-rekin janaria prestatzen: barazki-bolak kalabaza-kremarekin eta ricottarekin

Zailtasun-maila: txikia

Prestaketa denbora: 25 minutu

Osagaiak 4 mahaikiderentzat:

HUVUDROLL barazki-pakete bat

3 koilarakada oliba-olio birjina estra

½ porru

2 baratxuri-ale

800 g kalabaza

50 g jengibre

400 ml koko-esne

200 g anakardo

Lima baten zukua

3 g legamia fresko

Gatza

Prestatzeko modua

1. Lehenbizi, jarri anakardoak kaiku edo ontzi handi batean eta utz itzazu bi orduz uretan giro-tenperaturan.
2. Garbitu kalabaza eta motz ezazu zati txikitan.
3. Ondoren, arin frijitu kalabaza 5 minutuz oliba-olio pixka bat duen zartagin bero batean. Gorrituta dagoenean, atera eta gorde ezazu.

Krema beroa prestatzeko

4. Errezetan gehigarri gisa erabiliko dugun kremarako frijitukia prestatuko dugu lehenbizi. Horretarako, baratxuria, jengibrea eta porrua erabiliko ditugu.
5. Erabili ganibet bat hiru osagaiok xehatzeko (baratxuria, jengibrea eta porrua). Sukaldariaren aholkua: osagai guztiak birrinduko duzunez, ez duzu xehatu fin bat egin behar.
6. Bien bitartean, jarri oliba-olio pixka bat duen lapiko bat su ertainean.
7. Gehitu xehatutako 3 osagaiok eta nahas itzazu ondo.
8. Haiek gorritu ostean, gehitu gordeta zenuen kalabazaren zati bat. Gogoan izan kalabaza pixka bat gorde behar duzula platerari azken ukitua emateko.
9. Gutxitu suaren indarra pixka bat eta gehitu koko-esnea.
10. Jarri estalki bat eta kozinatu osagai guztiak 40 minutuz edo.
11. Jaki guztiak kozinatu ostean, birrin itzazu irabiagailu edo sukaldeko robot batekin.

Nola egin ricotta beganoa anakardoekin

12. Hartu uretan zenituen anakardoak eta xuka itzazu. Horretarako, erabili iragazki bat lana errazago izan dadin eta anakardorik ez galtzeko.
13. Ondoren, jar itzazu sukaldeko robot edo irabiagailu batean. Gehitu gatz pixka bat, 3 g legamia fresko eta lima baten zukua. Estali ontzia eta ondo birrindu osagaiok nahi duzun testura lortu arte.

14. Gorde guztia hozkailuan platera zerbitzatu arte.

Barazki-bolak prestatzeko

15. Frijitu barazki-bolak su ertainean eta desizoztu gabe, olio pixka bat duen zartagin batean. 10 minutuz, gutxi gorabehera.

Zerbitzatzeko modua

16. Erabili plater sakon bat.
17. Egin zirkulu bat bolekin.
18. Gehitu gordeta zenuen kalabaza plateraren erdi-erdian.
19. Bota krema beroa bolen erdiak estali arte.
20. Amaitzeko, gehitu anakardoekin eta ricottarekin prestatutako bolatxo bat goian.

Ezagutu sukaldaria eta lortu errezeta honi buruzko aholku gehiago.

IKEA-rekin janaria prestatzen: izokina laranja-saltsan

Zailtasun-maila: ertaina/txikia

Prestatzeko denbora: 30 minutu

Osagaiak 4 mahaikiderentzat:

1 pakete SJÖRAPPORT izokin-xerra

600 g patata berri (ertain-txikiak)

500 g gari-zainzuri

3 laranja, 200 g gurin

100 g azukre

200 ml ardo zuri

Tipulina edo perrexila

Aneta

Gatza eta piperbeltza

1. Alde batetik, egosi patatak eltze batean (garbituta eta zuritu gabe) 18 minutuz gutxi gorabehera.
2. Bestetik, patatak egosten diren bitartean, lana aurreratzen joango gara eta beste eltze batean gari-zainzuriak zurituko ditugu 3-4 minutuko irakinaldi bizkor bat emanda.
3. Guztia egositakoan, salteatu osagai guztiak batera wok batean. Gehitu gurin apur bat hainbeste gustatzen zaigun gorri-puntu hori lortzeko. Oharra: ez baduzu wokik, betiko zartagin bat erabil dezakezu.
4. Minutu batzuez salteatu eta gero, gatzaz eta piperraz ondu eta gehitu ezamihilu txikitua. Gorritu osagaiak beste apur bat, zapore guztia har ditzan, eta listo!

Nola prestatu izokina

5. Lehenik, jarri 4 xerra plater edo erretilu batean eta jarri gatz apur bat. Kontuz, ez bota gatz gehiegi.
6. Orain, arraina egingo dugun gunea prestatuko dugu.
7. Urtu gurin zatia zartagin batean su ertain-baxuan. Sukaldariaren aholkua: oliba-olioaren zorrotada txiki bat isuriz gero, gurina ez da erreko.
8. Bota berehala azukrea su ertain-baxuan, gehiegi ilundu ez dadin. 2-3 koilarakada nahikoa izango dira.
9. Frijitu izokin-xerrak “karamelu” horretan, minutu bat soilik utzita alde bakoitzetik. Ez dio axola erabat egiten ez badira; xerrak kozinatzen amaituko duzu laranja-zukua gehitu eta gero.
10. Kendu sutatik eta gorde itzazu saltsa egiten hasteko. Sukaldeko espatula bat erabiliz gero, errazago aterako dituzu xerrak apurtu gabe.

Laranja-saltsa

11. Gurina urtu eta xerrak frijitu dituzun zartagin berean, bota eta ongi nahasi tipulin txikitua.
12. Gehitu ardo zuri apur bat eta utzi lurruntzen.
13. Atera 3 laranjaren zukua, edalontzi bat bete arte. Zukua egin eta gero, bota ezazu zartagineko nahasketara.
14. Utzi guztia apur bat loditzen.

15. Gehitu gorde dituzun izokin-xerrak eta utzi guztia kozinatzen. Sukaldariaren aholkua: jarri zartaginaren estalkia azkarrago egiteko. 2-3 minuturen buruan jateko prest izango da. Ez egin arraina gehiegi, lehortu egiten baita.

Ezagutu sukaldaria eta lortu errezeta honi buruzko aholku gehiago.

IKEA-rekin janaria prestatzen: esne-gain, macadamia-intxaur eta platanoz betetako opil txikiak

Zailtasun-maila: txikia

Egiteko behar den denbora: 24 minutu

Itxarote-denbora: 10 minutu

Osagaiak 3 mahaikiderentzat

1 PANNKAKOR opil txiki

Esne-gaina espraian

110 g banilla-karamelu

100 g sukaldaritzarako esne-gain

1 platano

25 g macadamia-intxaur

1 laranja- eta txokolate-ogi

Karamelu-saltsa egiteko:

1. Sartu kozinatzeko esne-gain likidoa eltze edo lapiko batean.
2. Gehitu banilla-karamelu blokeak, desegin daitezen.
3. Irabiatu tarteka eskuzko irabiagailuarekin, dena ongi nahasteko eta saltsa eltzearen hondora ez itsasteko.
4. Urtu osagai guztiak saltsa lortu arte. Oharra: ezustekorik eta gorabeherarik ez izateko, jarri su baxuan. Horrela, esne-gaina ez da moztuko, eta ez da osagairik erreko.
5. Prest dagoenean, gorde saltsa sukaldeko biberoi batean platera zerbitzatzeko unean erabiltzeko.
6. Ondoren, prestatu platanoa eta intxaurrak: Moztu platanoa xerratan. Jarraian, moztu macadamia-intxaurrak.

Opil txikiak *

7. Aurretik berotu labea 160ºC-tan.
8. Hartu opil txiki bat mahaikide bakoitzarentzat. (Nahi duenak gero izango du errepikatzeko aukera).
9. Jar itzazu erretilu batean eta eduki labean 4 minuturen bueltan. Oharra: ez ahaztu laberako paper zatitxo bat jartzeaz, orea erretilura itsats ez dadin.

^{*Nahiago baduzu, zuk zeuk egin dezakezu opil txikien edo krepeen orea. Orea egiteko, arrautzak, gari-irina, esnea, legamia, gurina eta gatz pitin bat nahastea izango da kontua.}

Nola egin txokolatezko lurra

10. Utzi ogia deshidratatzen egun batzuez apur bat lehor dadin edo erre ezazu labean pixka bat (15 minutuz eta txikituta).
11. Birringailu batekin edo sukaldeko robot batekin, birrindu txokolate- eta laranja-ogia. Bestela, motrailua ere erabil dezakezu, beti egin izan den moduan. Oharra: ez da oso fin ere egin behar. Zatitxo handiagoak geratzen badira, testura kurruskariagoa emango dio opil txikiari. Irabiagailu edo robot bat erabili behar baduzu, birrindu ogia hainbat txandatan ogi kantitate gehiegi ez sartzeko eta gailua ez gainkargatzeko.
12. Labeko erretilu batean jarriko dugu ogi birrindua eta 160 ºC-tan erreko dugu 2 minutuz, gutxi gorabehera.

Zerbitzatzeko modua

13. Moldearen gainean, jarri aldez aurretik labean berotutako opil txikien orea, irekita. Hobe da opilak banaka-banaka egitea, orea ez zikintzeko.
14. Erabili pastelgintzako mahuka bat opilak esne-gain harrotuarekin betetzeko.
15. Halaber, gehitu mailakatutako platano-zatiak betegarrian.
16. Bota macadamia-intxaurren xerra meheak.
17. Gehitu karamelua esne-gain, platano eta intxaurrez osatutako betegarriaren gainean.
18. Itxi opila.
19. Bota berriro karamelu- eta banilla-saltsaren beste zorrotada bat.
20. Azkenik, bota txokolatezko eta laranjazko lur apur bat saltsaren gainean.

Ezagutu sukaldaria eta lortu errezeta honi buruzko aholku gehiago.

IKEA-rekin janaria prestatzen: izokin-bolen errezeta ziape gozo eta ezamihiluarekin

Zailtasun-maila: txikia

Prestatzeko denbora: 30 minutu

Itxarote-denbora: 3 ordu

Osagaiak 4 mahaikiderentzat:

HUVUDROLL izokin- eta bakailao-bolen poltsa bat

250 g ziape gozoa eta ezamihilua dituen saltsa

200 ml harrotzeko esne-gain

40 g gurin

150 g jogurt greko

1 baratxuri-ale

5 ml intsusa-lorearen ziropa

40 g tipula gorri

200 g luzoker

20 g landare-arraba gorri

Gatz pitin bat

40 g kakahuete

Piperbeltz ale batzuk

Ezamihilu freskoa nahieran

1. Hasteko, arrain-bolei laguntzeko saltsa prestatuko dugu. Harrotu esne-gaina (esne-gainak hotz egon behar du ongi harro dadin) eta, ondoren, gehitu ziape gozoaren eta ezamihiluaren saltsa mugimendu inguratzaileak eginez. Nahastu eta gero, gorde ezazu hozkailuan.
2. Salteatu izokin-bolak gurinarekin, ongi gorritu arte. Ondoren, gorde itzazu giro-tenperaturan.
3. Jarraian, luzoker-entsaladaren gozagarria prestatuko dugu. Katilu batean, nahastu jogurta, oso mehe txikitutako baratxuria, intsusa-lorearen ziropa, gatza eta piperbeltza.
4. Erabili azal-kentzeko bat luzoker-zerrendak eta tipula xerra mehetan ebazteko. Azkenik, nahastu dena egin duzun gozagarriarekin eta gorde hozkailuanzerbitzatu arte.

Zerbitzatzeko modua:

5. Egin oinarri bat gozatutako luzoker-entsaladarekin. Gero, gehitu 5 izokin-bola epel. Amaitzeko, bota ziape gozoaren eta ezamihiluaren saltsa, landare-arraba batzuk eta ezamihilu fresko apur bat.

Ezagutu sukaldaria eta lortu errezeta honi buruzko aholku gehiago.

IKEA-rekin janaria prestatzen: gofreak gazta-moussearekin

Zailtasun-maila: txikia

Prestatzeko denbora: 30 minutu

Itxarote-denbora: 20 minutu

Osagaiak 4 mahaikiderentzat

1 pakete VÅFFLOR gofre (haiek desizoztu behar dituzu lehenbizi)

1 botila DRYCK LINGON ahabia gorriekin egindako ziropa

150 g errulo formako ahuntz-gazta

75 g harrotzeko esne-gain

68 g lore-ezti

25 g BELÖNING txokolate zuri

Gazta-moussea prestatzeko

1. Berotu harrotzeko esne-gaina eskuzko irabiagailu bat osagarriok astiro nahasteko; horrela, ez dira erreko edo lapikoaren hondoan itsatsiko.
5. Gazta urtu ostean, gorde ezazu hozkailuan 20 minutuz.

Gofreak prestatzeko

6. Aurretik berotu labea 160º-tan.
7. Gofreak desizoztu ostean, jar itzazu laberako erretilu batean. Aholkua: gogoan izan laberako papera erabiltzea erretiluan itsats ez daitezen.
8. Laberatu 5 minutuz.

Zerbitzatzeko modua

9. Plater zapal batean, marraztu hari bat gazta-moussearekin.
10. Gainean, jarri gofre beroen errenkada bat.
11. Estali gofreak mousse-geruza batekin.
12. Ondoren, gehitu ahabia gorriekin egindako ziropa. Aholkua: errazago gehituko duzu ziropa sukaldeko biberoi bat erabiltzen baduzu.
13. Gehitu koilarakada bat lore-ezti.
14. Azkenik, erabili azal-kentzeko bat txokolate zuriaren zerrenda fin-finak mozteko.

Ezagutu sukaldaria eta lortu errezeta honi buruzko aholku gehiago.

Izokin-konfita mihilu eta alioliarekin

Su motelean eta kontu handiz egindako izokina, entsalada freskoarekin eta alioliarekin.

4 lagunentzat Denbora: 45 min

500 g SJÖRAPPORT izokin-xerra, 1,5 cm-ko kubotan moztuta
2 koilarakada gatz + bizigarritzeko zerbait
1 koilarakada azukre
4 ereinotz hosto
4 ezkai adartxo
1 koilarakada mihilu hazi
4 baratxuri-ale
100 ml oliba beltz
1 koilarakada martorri hazi
1/2 limoi, azal birrindua eta zukua
500 ml oliba-olio birjina estra
2 mihilu
12 bruselaza
1 eskukada errefau, hostoekin eta garbituta
4 aneta-adar, zati handitan moztuta
4 koilarakada kapar
1/2 limoiaren zukua
Aliolia

1. Xehatu apur bat gatza, azukrea, ezkaia, mihilu-haziak, baratxuria eta limo-azal birrindua almaiz batean.

2. Gaineratu kaparrak, errefauak, ereinotz-hostoak eta olibak. Jarri izokin-xerra laberako erretilu batean eta isuri nahastura haren gainean. Nahasi kontu handiz. Utzi pausatzen 20 minutuz giro-tenperaturan.

3. Berotu aurretik labea 120 ºC-tan behartutako airearen funtzioarekin eta berotu oliba-olioa 40 ºC-tan.

4. Bota olioa izokinaren gainean eta eragin kontu handiz, zati guztiak olioz estalita gera daitezen.

5. Erre labeko erdiko erretiluan 10 minutuz, sardexkarekin zulatzean izokina ia desegin bitarte. Atera erretilua labetik, eta utzi arraina oliotan.

6. Moztu ezkai-sustraia, fin-fin.

7. Kendu hostoak bruselazei eta ebaki bihotza zerrenda finetan.

8. Gaineratu kaparrak, limoi-zukua, limoi-azal birrindua, gatza eta piperbeltza hosto berdeei eta nahasi. Jarri bol polit batean. Kendu izokin-olioa eta zerbitzatu dena alioliarekin batera.

Hotzean ketutako izokin-tartarra erretako tipulekin

Tipulek tartarraren oinarri jangarri gisa funtzionatzen dute. Tipula-zapore leunagoa nahiago baduzu, erabili tipula zuriak. Mokadutxo ezin hobea da afaria prestatzen duzun bitartean zerbitzatzeko.

4 lagunentzat Denbora: 30 min

300 g SJÖRAPPORT izokin-xerra
hotzean ketua
3-4 tipula txiki, zilar-kolorekoak zein horiak
1 koilarakada ardo-ozpin
3 koilarakada gurin
1 eskukada txiki garraiska edo beste belarren bat
Gatza eta piperbeltza
Ogi-txigorkiak gurinetan berotuta
Ziape-haziak ozpinetan (ikusi jarrian dagoen informazioa)

Ziape-haziak ozpinetan
4 koilarakada ziape-hazi
150 ml ur
50 ml alkohol-ozpin
100 ml azukre

1. Zatitu izokina 3-4 mm inguruko kubotan. Bildu plastikoan eta gorde.

2. Azala kendu gabe, erdibitu tipulak luzetara, sustraietatik goiko parteraino. Margotu pintzel batekin ebakitako gainazalak, olioaz. Gorritu tipulak zartagin batean, moztutako aldeak behera begira daudela.

3. Jarri tipulak labean erabiltzeko moduko plater batean, ebakitako aldea gorantz dutela. Gehitu ozpina eta gurina bolatxo txikietan.

4. Erre labean 10 bat minutuz (175 °C), bigundu arte.

5. Kendu azala, sustraia eta goiko partea tipulei. Banatu kontuz-kontuz tipularen geruzak. Jarri tipularen «koparik» handienak azpil batean.

6. Nahasi izokin-kuboak garraiska zatituarekin eta gaineratu gatza eta piperbeltza, nahi beste. Jarri izokin-tartarra tipula-kopetan, eta bota ogi-txigorkiak eta ozpinetako ziape-haziak gainetik.

Ziape-haziak ozpinetan

1. Jarri egosten osagai guztiak eta nahasi azukrea disolbatu bitarte.

2. Sartu dena poto batean eta utzi hozten. Gorde potoa hozkailuan; haziak hainbat astez kontserbatuko dira.

Ganba-nahaskia txile eta baratxuriarekin

Zainzuri-entsalada alga-perlekin.

Olo/gari aleek entsaladari garrantzi handiagoa ematen diote, baina ez erabili nahi ez baduzu. Erabili zure espeziarik gogokoenen nahastea.

4 pertsonentzako Denbora: 30 min.

2 sorta (250 g bakoitzak) zainzuri berde
gatza
1 sorta tipulin
Frijitzeko olioa
100 mg ale, adibidez gari-baiak edo olo-aleak
1 koilarakada ozpin
2-3 koilarakada oliba-olio
IKEA PS espezia-nahasketaren apur bat, sagar eta mihiluarekin
50-100 ml crème fraîche
gutxi gorabehera. SJÖRAPPORT alga beltzen perlen ½ poto (40 g baino pixka bat gehiago)

1. Moztu eta jarri irakiten zainzuriak gatz pixka bat daukan uretan minutu batez; pixka bat kurruskari egon behar dira oraindik. Hoztu izotz-uretan, egosketa eteteko.

2. Moztu tipulinak eta frijitu oliotan zartagin batean, gorritzen hasi arte.

3. Prestatu bihiak paketearen argibideei jarraikiz. Kendu ura eta frijitu zartaginean olio apur batekin kurruskari gelditu arte.

4. Jarri zainzuriak eta tipulinak plater handi batean. Nahasi ozpina, olioa eta espezieak ozpin-olio batean eta zipriztindu. Hautseztatu bihiak gainetik. Gehitu krema fresko koilarakadak eta alga-perlak.

Ostrak tomatearekin

Tipulek tartarraren oinarri jangarri gisa funtzionatzen dute. Tipula-zapore leunagoa nahiago baduzu, erabili tipula zuriak. Mokadutxo ezin hobea da afaria prestatzen duzun bitartean zerbitzatzeko.

4 lagunentzat Denbora: 30 min

Belar-olioa (errezeta honekin kantitate handia lortuko duzu; soberan gelditzen dena erabiltzeko hainbat aholku aurkituko dituzu jarraian)
150 ml oliba-olio
50 ml aneta txikitu
50 ml perrexil txikitu
½ koilarakadatxo gatz
6–8 tomate (haziak soilik)
1 koilarakadatxo gatz
1 koilarakadatxo sagardo-ozpin
2 koilarakada ur
85 g SJÖRAPPORT alga beltzen perla
Aneta eta aneta-koroa, zerbitzatzeko

Belar-olioa: Nahasi ongi osagai guztiak eta jarri poto batean. Plater honetarako, koilarakada pare bat baino ez duzu beharko. Erabili gainerakoa edozein entsalada edo pasta-plater ontzeko, edo patata-pureari azken ukitu dotorea emateko.

1. Zatitu tomateak erditik edo laurdenetan (haien tamainaren arabera), eta atera haziak kontu handiz. Saiatu haziak elkarturik mantentzen. Errezeta honetan, haziak baino ez dira erabiltzen; gorde tomatearen gainerako zatiak pastari botatzeko saltsa bat edo antzeko zerbait prestatzeko

2. Banatu haziak uniformeki 8 edalontzi edo bol txikitan.

3. Nahasi gatza, ozpina, ura eta alga-perlak. Gehitu nahasketa hori tomate-haziz beteriko edalontzietara.

4. Azken ukitua emateko, gaineratu aneta eta aneta-koroa, eta zerbitzatu koilara batekin. Egin limoi-zukua eta zerbitzatu ogi xigortuarekin edo parrilan eginarekin.

Entsalada izokin min eta ahuakatearekin

Entsalada berdea lekekin eta lima-zaporeekin, errefau minez ondua.

4 lagunentzat Denbora: 25 min

500 g SJÖRAPPORT izokin-xerra
190 g SÅS PEPPARROT errefau-saltsa mina
150 g leka
1 koilarakadatxo piperrauts
1/2 koilarakadatxo txile-hauts
2 ahuakate
70 g entsalada berde misto eta lima baten zukua
1/2 dl oliba-olio birjina estra
Gatza eta piperbeltza

1. Jarri irakiten 1 litro ur gatz apur batekin. Egosi lekak 2 minutuz; gero, kendu uretatik eta pasatu ur hotzetatik, hozteko.

2. Jarri sutan zartagina edo parrila, oso bero egon arte. Maneatu izokina gatzarekin, piperbeltz beltzarekin, piperrautsarekin eta txile-hautsarekin. Egin izokina parrilan, 30 segundoz gutxi gorabehera. Jarri erretilu batean, hozteko, eta gorde gerorako.

3. Nahasi lekak eta entsalada-hostoak bol batean. Gehitu oliba-olioa, lima-zukua, gatza eta piperbeltza. Banatu entsalada lau plateretan.

4. Erdibitu ahuakateak, kendu hezurra, eta ebaki xerratan. Bota entsaladaren gainetik.

5. Zatitu izokina xerra finetan eta jarri entsaladaren gainean. Bota saltsa apur bat gainetik eta zerbitzatu berehala.

Barazki-bolak, apio-sustraiarekin eta gremolatarekin

Ia-ia bakarrik prestatzen den afari erraza!

4 lagunentzat Denbora: 1,5 min

40 un. ALLEMANSRÄTTEN barazki-bolak (640 g)
2 apio-sustrai txiki, ondo-ondo garbituta
2 koilarakada + 100 ml oliba-olio birjina estra
100 ml perrexil, zati handitan moztuta
1 limoiren zukua eta azal birrindua
1 baratxuri-ale, birrinduta
2 koilarakada Dijongo Ziape
Gatza eta piperbeltza

1. Berotu labea 185 ºC-tan.

2. Jarri apioa laberako erretilu batean, eta gaineratu 2 koilarakada oliba-olio, gatza eta piperbeltza. Egosi labean 40-60 minutuz, gutxi gorabehera, guztiz egiten diren arte eta azala gorritzen den arte.

3. Gremolata egiteko, nahasi perrexila, baratxuria eta limoi-azal birrindua bol batean, hatzez.

4. Irabiatu Dijongo ziapea limoi-zukuarekin eta gainerako oliba-olioarekin, ozpin-olioa prestatzeko. Ondu gatza eta piperbeltzarekin.

5. Frijitu barazki-bolak ontzian adierazita dagoen moduan.

6. Zatitu apioa zati txikiagoetan. Bota ozpin-olio apur bat plater handi batean, eta jarri apioa eta barazki-bolak gainean. Platerari azken ukitua emateko, bota gremoleta eta oliba-olio tanta batzuk.

Udako entsalada barazki-bolekin

Entsalada eder bat gutizia hutsa da udan.

4 lagunentzat Denbora: 25 min

40 un. ALLEMANSRÄTTEN barazki-bolak (640 g)
4 Chioggia erremolatxa (edo beste edozein erremolatxa mota)
12 zainzuri berde, moztuta
100 ml oliba-olio birjina estra
2 ahuakate
1 baratxuri-ale, birrinduta
1 limoiren zukua
4 azenario (ahal bada, hainbat koloretakoak)
12 errefau
100 g ilar berde gozo, luzetara bitan moztuak
70 g hosto berde garbituta (esate baterako, zerbak, espinakak eta uraza-bihotzak)
50 ml menda-hosto, zati handitan moztuta
Gatza eta piperbeltza

1. Jarri egosten 2 erremolatxa uretan, bigundu bitarte. Utzi hozten, zuritu eta moztu xerra finetan.

2. Jarri sutan zartagin arrunt bat edo parrila, oso bero egon arte. Bota koilarakada bat oliba-olio zainzuriei, eta egin itzazu parrilan, kolorea hartzen duten arte. Jarri plater batean, bota gatza, eta gorde.

3. Pasa ahuakateak irabiagailutik. Nahasi baratxuria, limoi-zukua eta gatza bol batean, eta gorde.

4. Zuritu gainerako erremolatxak, azenarioak eta garbitu errefauak. Moztu dena fin-fin. Nahastu hori egositako erremolatxekin, zainzuriekin, ilar berde gozoekin, mendarekin, oliba-olioarekin eta limoi-zukuarekin. Zerbitzatu guztia plater batean.

5. Frijitu barazki-bolak ontzian adierazita dagoen moduan, eta jarri entsaladaren gainean. Zerbitzatu alboan ahuakate-saltsa jarrita.

Erremolatxa erre krema, barazki-bolak eta naan ogia.

Ia-ia bakarrik prestatzen den afari erraza!

4-6 pertsonentzat Denbora: 2 ordu

20 un. ALLEMANSRÄTTEN barazki-bolak (320 g)
8 erremolatxa, garbituta
Itsas gatz lodia
1 naan ogi-anoa
1 koilarakada Jerezeko ozpin (edo ardo beltzez egindako ozpin)
2 koilarakada oliba-olio birjina estra
200 ml Turkiako jogurt, osagarri gisa zerbitzatzeko
2 koilarakada tipulina, txiki-txiki eginda

1. Berotu labea aurretik 165 ºC-tan.

2. Jarri erremolatxak labeko erretilu batean eta estali itsas gatzez. Ziurtatu erremolatxak guztiz estalita gelditzen direla.

3. Egin ordubetez, gutxi gorabehera, guztiz samurtuta egon arte. Utzi hozten.

4. Prestatu naan ogiak.

5. Zuritu erremolatxak eta egin zati txikiak; sukaldeko robota badaukazu, erabili nahasteko funtzioa.

6. Maneatu Jerez-ozpinarekin eta oliba-olioarekin.

7. Frijitu barazki-bolak ontzian adierazita dagoen moduan.

8. Jarri erremolatxa-krema, bat edo bi barazki-bola frijitu eta koilarakada bat jogurt ogi bakoitzaren gainean. Platerari azken ukitua emateko, jarri tipulina apur bat.

Naan ogia

Erretako erremolatxa gozoaren kremak, gatz apur batekin, primeran konbinatzen du naan ogiarekin.

12 lagunentzat Denbora: 40 min

250 g gari-irin
2 koilarakadatxo azukre
1/2 koilarakadatxo gatz
1/2 koilarakadatxo legamia kimiko
125 ml ur
2 koilarakada oliba-olio birjina estra

1. Nahasi osagai lehor guztiak bol batean.

2. Gaineratu ura eta oliba-olioa. Irabiatu zurezko koilara batekin, dena ondo nahasten den arte. Bota guztia sukalde-gainekoaren gainean eta oratu eskuz, leun gelditzen den arte.

3. Jarri berriro bolean. Estali film gardenarekin eta utzi pausatzen 15 minutuz.

4. Jarri berriro orea sukalde-gainekoan eta moztu 5 x 5 cm-ko karratu txikietan. Egin bolatxoak eta estali pixka bat irinarekin. Estali film gardenarekin eta utzi pausatzen 10 minutuz.

5. Berotu zartagin bat su ertain/bizian, ke pixka bat ateratzen den arte.

6. Zapaldu bolak, ahal bezain fin utzi arte. Jarri irin apur bat azpian, itsats ez daitezen. Frijitu banan-banan zartaginean, 30 segundotik minutu 1era bitarte alde bakoitzetik. Adi ibili, erraz erretzen baitira. Naan ogia prest egongo da itxura arina duenean eta zertxobait gorritu denean. Gorde ogia zapi baten azpian, bigun mantentzeko.

Barazki-bolak bruselazekin eta ozpinetako aza gorriarekin

Jaki begetariano ezin hobea, oso orekatua azaren eta belarren zaporeekin.

4 lagunentzat Denbora: 45 min

40 un. ALLEMANSRÄTTEN barazki-bolak (640 g)
300 g patata txiki
2+2 koilarakada oliba-olio birjina estra
1 aza gorri, osagarri gisa zerbitzatzeko
300 g bruselaza

Krema freskoa belar finduna
100 ml crème fraîche
1 koilarakada tipulina, txikituta
1 koilarakada perrexil, txikituta
1/2 limoiren zukua eta azal birrindua
Gatza eta piperbeltza

1. Berotu labea (200 ºC). Jarri patatak laberako erretilu batean, eta gaineratu 2 koilarakada oliba-olio eta gatza. Egin labean 25 minutuz, samurtzen eta gorritzen diren arte.

2. Prestatu ozpinetako aza gorria.

3. Garbitu bruselazak eta moztu erditik sustrairaino.

4. Frijitu barazki-bolak bruselazekin, 2 koilarakada oliba-oliotan, gorritu arte.

5. Nahasi esne-gain likidoa tipulin xehatuarekin, perrexilarekin eta limoi-zuku eta limoi-azal birrinduarekin. Ondu gatza eta piperbeltzarekin. Nahasi dena.

6. Jarri dena plater batean, eta eman azkena ozpinetako aza gorriarekin.

Ozpinetako aza gorria

1 ontzi betetzeko anoa
Denbora: 30 minutu + astebete mazeratzeko

200 ml ozpin
200 ml ur
50 ml azukre
1+1 koilarakadatxo gatz
2 ereinotz hosto
1 koilarakadatxo martorri-hazi
1/2 koilarakadatxo txile-maluta
400 g aza gorri

1. Jarri ozpina, ura, azukrea, 1 koilarakadatxo gatz eta espezieak eltze batean, irakiten. Kendu sutatik eta utzi 30 minutuz beratzen.

2. Moztu aza oso mehe mandolina edo aizto batekin eta jarri kaiku batean. Nahasi 1 koilarakada gatzekin eta utzi pausatzen 20 minutuz biguntzen den arte. Kendu azaren likidoa eta sartu ozpinetakoentzako poto batean.

3. Iragazi ozpin likidoa eta gaineratu azari. Jarri estalkia eta utzi hozkailuan gutxienez astebetez, mazeratzen, zerbitzatu aurretik.

Txikoria- eta intxaur-entsalada epela, haragi-bola begetalekin

Txikoria parrilan egiten baduzu, entsaladaren zaporea are biziagoa izango da eta primeran joango da intxaurrekin egindako saltsarekin.

4 lagunentzat Denbora: 50 min

40 un. ALLEMANSRÄTTEN barazki-bolak (640 g)
1 anoa intxaur-saltsa (ikusi erantsitako errezeta)
1 txikoria handi edo 2 txiki
1 + 2 koilarakada oliba-olio birjina estra
1 limoiren zukua
Gatza eta piperbeltza beltza

1. Prestatu intxaur-saltsa.

2. Ebaki txikoriak laurdenetan edo erditik, haien tamainaren arabera. Busti 1 koilarakada oliba-oliorekin. Egin itzazu parrilan edo frijitu su altuan, ia erretzen diren arte eta gorritzen diren arte.

3. Frijitu barazki-bolak ontzian adierazita dagoen moduan.

4. Moztu entsalada-hostoak malutatan eta jarri erretilu handi batean. Erdibitu eta jarri barazki-bolak gainean, eta maneatu intxaur-saltsa apur batekin. Azken ukitua emateko, bota zorrotada bat oliba-olio, limoi-zukua, gatza eta piperbeltza.

Intxaur-saltsa

Bero zein hotz zerbitzatu daitekeen saltsa gozoa. Saltsa osagarri gisa erabil daiteke, barazkiekin batera, aperitibo moduan.

4 lagunentzat Denbora: 50 min

800 ml esne
1 tipula hori, moztuta
3 baratxuri-ale, moztuta
2 ereinotz hosto
50 g gurin
1/2 intxaur muskatu, birrinduta
1/2 koilarakadatxo gatz
125 g intxaur
2 koilarakada ur
1/2 koilarakadatxo gatz
200 ogi gogor (ahal bada, ama-orez egina), zati handitan moztuta
Piperbeltz beltza
1 koilarakada Jerezeko ozpin (edo ardo beltzez egindako ozpin)

1. Jarri irakiten esnea tipula, baratxuria, ereinotz-hosto, gurin, intxaur muskatu birrindu eta gatzarekin. Jaitsi sua eta egin su geldoan 20-30 minutuz.

2. Berotu aurretik labea 175 ºC-tan. Jarri intxaurrak laberako erretilu batean ur eta gatzarekin. Labekatu labearen erdiko erretiluan 10 minutuz.

3. Atera eta kendu ereinotz-hostoak. Gaineratu ogia eta intxaurren 2/3 esneari. Itxaron ogiak likidoa xurgatu arte. Gehitu ozpina eta piperbeltza. Irabiatu dena nahasgailu batean, saltsa fin bat lortu arte.

4. Bota saltsa kaiku batean, moztu gainerako intxaurrak eta bota itzazu saltsaren gainetik.

Arrantxo-arrautzak eta barazki-bolak

«Nahaski» hau ezin hobea da, eta saltsan bustitako zekale-ogiaren zaporea ezin da hitzez azaldu, on-ona da eta.

4 lagunentzat Denbora: 35 min

40 un. ALLEMANSRÄTTEN barazki-bolak (640 g)
2 tipula, txiki-txiki eginda
2 piper gorri, fin moztuta
2 baratxuri-ale, txiki-txiki eginda
2 koilarakada oliba-olio birjina estra
1 koilarakadatxo piperrauts
1/2 koilarakadatxo kaiena
1 koilarakadatxo azukre
1 koilarakadatxo kumino
1 lata tomate zuritu
1 limaren zukua
Gatza eta piperbeltza
4 arrautza

1. Frijitu tipulak, piper gorria eta baratxuria zartagin batean, oliba-oliotan, gorrituta eta bigunduta egon arte.

2. Gaineratu espezieak eta tomateak. Zapaldu tomateak koilara baten laguntzarekin, zati txikiak lortu arte. Egin dena su baxuan 5-10 minutuz, eta gehitu nahi beste gatz eta piperbeltz.

3. Frijitu barazki-bolak ontzian adierazita dagoen moduan.

4. Jaitsi sua minimora tomate-saltsa egiteko, eta gaineratu barazki-bolak. Nahastu guztia eta egin 4 «zulo» saltsan. Apurtu eta bota arrautz bana egin dituzun zuloetan. Jarri estalkia zartaginari eta egosi dena 5-10 minutuz, arrautzen zuringoak egiten diren arte.

5. Hautseztatu martorria eta tipulina gainetik, eta zerbitzatu zekale-ogiarekin.

Barazki-bolen biribilkia ahuakatearekin

Biribilki suabe eta samur bat ahuakate, humus eta barazki-bolekin.

4 lagunentzat Denbora: 30 min

40 un. ALLEMANSRÄTTEN barazki-bolak (640 g)
4 koilarakada humus
BRÖD TUNNBRÖD ogi fin leunaren 4 xerra
2 ahuakate
4 tipulina, fin moztuta
50 ml menda-hosto, zati handitan moztuta
1 koilarakada oliba-olio birjina estra
1/2 limoiren zukua
Gatza eta piperbeltza

1. Jarri ogi-xerra fin eta suabeak sukalde-gainekoan. Hartu ahuakate erdia, zapaldu sardexka batekin, eta zabaldu. Zabaldu humus apur bat ahuakatearen ondoan.

2. Nahasi tipulinak, menda-belarra, oliba-olioa, gatza eta piperbeltza. Zabaldu nahasketa hori ahuakatearen eta humusaren gainean.

3. Egin labean edo frijitu barazki-bolak, ontzian adierazita dagoen moduan. Utz itzazu sukaldeko paper zati baten gainean, gehiegizko gantza kentzeko. Ondoren, ebaki erditik eta jarri aurreko nahasketaren gainean.

4. Bildu ondo laberako paperean.

Biribilki miniak izokin marinatuarekin eta ziape-saltsarekin

Bizkor eta erraz prestatzen den jakia, ezin hobea ongietorriko aperitibo, piknik edo buffet baterako.

4 lagunentzat Denbora: 15 min

BRÖD TUNNBRÖD ogi fin leunaren 2 xerra
200 g SJÖRAPPORT izokin ketu
50 g gurin, giro-tenperaturan
200 g izokinerako SÅS SENAP & DILL saltsa
35 g entsalada-nahasketa
50 ml belar jaso berri, apaintzeko

1. Igurtzi ogia gurinaz eta jarri izokin-xerrak gainean.

2. Estali izokina saltsaz eta entsaladaz. Kiribildu eta moztu 2 cm-ko piezak. Jarri erretilu polit batean, ebakitako aldea gorantz begira dutela.

3. Apaindu entsalada-hostoekin eta belar jaso berriekin. Bota gainetik saltsa apur bat eta zerbitzatu.

Gofreak ganbekin

Izan konfiantza gugan; gofreak izokin leun eta gazi apur batekin konbinatzen dituzunean, ez duzu atzera egin nahiko.

4 lagunentzat Denbora: 25 min

240 g VÅFFLOR gofre
500 g SJÖRAPPORT ganba, zuritu gabe
200 ml crème fraîche
1⁄2 tipula gorri, fin-fin moztua
1 zainzuri sorta
100 ml azukre

1. Desizoztu gofreak eta frijitu zartagin batean gurinetan, gorritu arte. Bota gatz apur bat.

2. Nahasi esne-gain likidoa tipula zatituarekin, bol txiki batean.

3. Moztu zainzuriak diagonalean, 2,5 cm-ko zatitan. Salteatu 3 minutuz, sarri mugituz, kanpotik kurruskari eta barrutik samur gelditzen diren arte.

4. Gofreen erdian esne-gain likidoarekin eta tipularekin egindako nahastea jarri, eta gainean 3 edo 4 ganba zuritu eta zainzuriak ipini.

Askotariko osagaiz jantzitako gofreen festa

Gofre atsegingarriak osagai fresko eta osasungarriekin; gaztanbera, ahabia gorriak, barazkiak eta izokin marinatua, esate baterako.

4 lagunentzat Denbora: 20 min

Gofreak jardinera-erara
240 g VÅFFLOR gofre
300 g gaztanbera
1 azenario
porru baten 10 cm
1 berro-erretilu
50 g ahabia lehor

Zuritu eta birrindu azenarioa. Moztu porrua fin-fin. Moztu berroak eta nahastu azenarioarekin eta porruarekin kaiku batean. Prestatu gofreak ontzian ageri diren jarraibideen arabera. Gehitu ahabiak eta nahastu guztia sardexka baten laguntzarekin. Jarri koilarakada bat gaztanbera gofre bakoitzaren gainean. Gehitu azenarioa eta porrua.

Gofreak marinel-erara
240 g VÅFFLOR gofre
200 g SJÖRAPPORT izokin ketu
2 koilarakada SENAP GROV granulatutako ziape
200 ml esne-gain likido
2 aneta-zurtoin

Nahasi ziapea eta esne-gain likidoa bol batean. Prestatu gofreak ontzian ageri diren jarraibideen arabera. Jarri izokin marinatu xerra bat gofre bakoitzean. Gaineratu koilarakada bat esne-gain likido eta ziape eta apaindu aneta-adartxo batekin.

Gofreak egurgile-erara
240 g VÅFFLOR gofre
300 g gaztanbera
80 g ahabia gorri fresko (edo mingrana-ale)
2 menda-zurtoin fresko

Prestatu gofreak ontzian ageri diren jarraibideen arabera. Bota gaztanbera apur bat gofre bakoitzaren erdian, eta gehitu ahabia gorriak. Apaindu menda-hosto batzuekin eta zerbitzatu.