Zura eta basogintza
Izugarri gustatzen zaigu zurarekin lan egitea. Material bikaina da: polita, sendoa eta iraunkorra. Modu askotan erabil daiteke eta, modu arduratsuan kudeatutako basoetatik datorrenean, klima-aldaketa murrizten eta bioaniztasunarekiko eragin negatiboa gutxitzen lagun dezake. Gainera, berriztagarria da, eta gure zurezko produktuetan dagoen material birziklatuaren kopurua areagotzeko konpromisoa hartu dugu.
Gure negozioaren eta planetaren onurarako, baliabide baliotsu hori ahalik eta modu eraginkorrenean erabili nahi dugu, hornitzen gaituzten edo gure jabetzakoak diren basoak modu arduratsuan kudeatzen direla bermatuz.
Baina zer esan nahi du horrek benetan? Egin dezagun zura eskuratu eta erabiltzeko dugun modua erakutsiko dizun ibilbidea. Aldi berean, galdera garrantzitsu batzuen erantzuna ere ezagutuko duzu.
Erabiltzen dugun zura
IKEA produktuetan erabilitako zura munduko toki askotatik dator. Ezagutu non hazten den, zenbat erabiltzen dugun eta zein zur motak eskuratzen ditugun. Gure hornitzaileei etxerako dekorazio-produktuetan Forest Stewardship Council®-ak (FSC) ziurtatutako edo birziklatutako zura erabiltzeko eskatzen diegu.
Munduko zur industrialaren zer ehuneko erabiltzen dugu IKEA-n?
Zuraren mapa
Gure zuraren munduko mapak IKEA produktuetan erabilitako materialaren jatorria erakusten du (papera izan ezik), baita beste datu garrantzitsu batzuk, hala nola herrialde ezberdinen hornikuntza-ehuneko globalak, zur motak eta merkatu bakoitzeko bolumena.
Kudeaketa arduratsua
Hornitzen gaituzten edo gure jabetzakoak diren basoak modu arduratsuak kudeatzen direla ziurtatzen dugu. Kontrol-baldintza eta -sistema zorrotzak dauzkagu. Gure helburua bezeroak kontzientziatzea, zuraren erabileraren inguruko gardentasuna areagotzea eta besteei gauza bera egitera animatzea da.
Ikuspuntu ugari daude, eta guztiak dira garrantzitsuak
Basoak nola kudeatu eta babestu behar den moduari buruzko ikuspuntu ugari daude. Badago natura oztopatu behar ez dela uste dutenak. Beste batzuk diotenez (arrazoi osoz), pertsona askok behar dituzte basoak elikagaiak eta aterpea lortzeko. Aldi berean, gizarte gisa, etxeak eraiki, liburuak inprimatu eta zurezko altzariak ekoiztu behar ditugu. Posible al da itxuraz hain aurkakoak diren interes horiek orekatzea? Gure ustez, bai, posible da. Eta hori egiteko modua basoak modu arduratsuan kudeatzean datza.
Nola moztu daitezke zuhaitzak modu arduratsuan gure ustez?
Zerbait gaizki egiten ari dela jakinez gero, nola konpon dezakegu?
Ezagutu ezazu Maciej, IKEA-ko lehengaien garatzailea Polonian
Maciejk urteak daramatza zuraren ibilbidea aztertzen, basotik altzarira. 2017an IKEA-n sartu zenetik, Maciejk IKEA produktuetan erabilitako zuraren jatorria eta espezieak egiaztatzeaz arduratu da.
Lan hori dela eta, Maciej zerrategietan eta basoetan murgildu behar izan da, eta han hornitzaileen erregistroak eta benetako munduaren baldintzak alderatzen ditu. Zerrategietan, legezko dokumentazioa egiaztatu eta zura araudi nazionalari eta baso-kudeaketarako arau aplikagarriei jarraikiz moztu dela ziurtatzen du. Zur-ustiapenetan, lanak modu independentean ziurtatuta daudela bermatu behar du, baita tokiko araudira eta jasangarritasun-arauetara egokitzen dela egiaztatu ere.
"Hornitzaileen informazioa lurrean ikusten dugunarekin alderatzen dugu. Zerbait bat ez badator, berehala hartzen ditugu neurriak, gure hornikuntza-katearen osotasuna babesteko", dio Maciejk.
Erabilera eraginkorra
Etengabe hobetzen ditugu gure prozesuak, eta, gainera, berrikuntzan inbertitzen dugu, zura modu eraginkorragoan erabiltzeko eta gutxiagorekin gehiago egiteko. Berrerabili, berriztatu, berrekoiztu eta, behin aukera guztiak agortuta, birzikla daitezkeen produktu zirkularrak nola sortu ikertzen dugu. Aldi berean, gure produktuen ekoizpenean erabiltzen dugun zur birziklatuaren kopurua areagotzeko ahal dugun guztia egiten dugu, zur berri gutxiago erabiltzeko.
Zergatik ezin dugu zur birziklatu gehiago erabili, zuhaitz gehiago moztearen ordez?
Aldaketa egia bihurtzea
- Produktuen informazio orria
BILLY: hobetu berri dugun apalategia
BILLY-k IKEA-ren produktu saldu eta ezagunenetako bat izaten jarraitzen du. FY22-an, zirkulartasun-aukerak areagotzeko birdiseinatu genuen. Paperezko xafla gehitu eta plastikoa murriztu ondoren, BILLY berria ekoizteko erabilitako material gehienak iturri berriztagarrietatik datoz orain. Diseinu berriak presio bidezko burdineria du atzeko panelean, iltzeen ordez. Horrela, desmuntatu, berriro muntatu eta bizitzak eramango zaituen leku guztietara eraman ahal izango duzu.
- Produktuen informazio orria
RÖNNINGE: zur gutxiago eta hanka gehiago
IKEA-n, gure helburua gutxiagorekin gehiago sortzea da. Gure produktuak modu horretan diseinatzen ditugunean, zura modu kontzienteagoan erabiltzeaz gain, produktuak arinagoak eta eramateko errazagoak ere egiten ditugu. Adibidez, RÖNNINGE mahaian hanka barnehutsak erabiltzen ditugunez, zortzi jar ditzakegu lehen bakarra egiteko erabiltzen genuen material kopuru berarekin.
- Produktuen informazio orria
FRÖSET: iraunkortasuna eta erosotasuna areagotzen duten kurbak
Xaflazko hainbat geruza molde berezietan muntatu, prentsatu eta elkarren artean itsasteak osagarri kurbatuak ekoizteko aukera ematen digu. FRÖSET besaulkiak lodiera ezberdinetako zur kurbatua erabiltzen du. Bizkarraldea meheagoa denez, zertxobait malgua da, eta eserlekua lodiagoa denez, berriz, behar duzun lekuan ematen dizu euskarria.
- Produktuen informazio orria
MÖRBYLÅNGA: mota ezberdinetako zuren konbinazioa
Denborak aurrera egin ahala, dotoreziaz iluntzen den zur gogorra da haritza. MÖRBYLÅNGA mahaiaren taulak haritz trinkozko 0,6 eta 0,8 mm bitarteko goiko geruza du partikula-ohol baten gainean. Altzari berean zur-material ezberdinak erabiltzeko modu eraginkorra da. Kalitate handiko akabera hau iraunkorra da, eta mahai esklusiboak sortzen ditu.
IKEA baino gehiago
Sektore txikizkariko zur-erabiltzaile nagusietako bat garenez, gure ustez, gure tamaina eta mundu osoan dugun irismena aprobetxatu behar ditugu baso-industrian eragina izateko, baita eraldatzeko ere. Beti egiteko zerbait geratuko den eta aurre egiteko erronkak egongo diren arren, aurrerapen ugari egin ditugu arlo askotan.
WWF eta IKEA: 20 urte baino gehiagoko lankidetza emankorra
2002tik, IKEA lankidetza estuan aritu da WWF-rekin mundu osoko herrialde askotan, baliabide naturalak babesteko eta enpresen praktikak pertsona eta planetaren onurarako eraldatzeko. Basoak kudeatu eta babesteko, baso-degradazioaren moduko mehatxuei aurre egiteko eta legez kanpoko zuraren merkataritzaren aurka borrokatzeko hartzen ditugun neurriei esker, gure helburua basoek zein basoen menpe dauden pertsonek etorkizun osasungarriaz gozatzen dutela bermatzea da. Basogintzaz gain, elkarrekin egiten dugun lanak kotoia, ura eta klima ere hartzen ditu barne.
"Sow a Seed" eta oihan tropikalaren berriztapena
Oihan tropikalen deforestazioa eta degradazioa arrisku handia dira planetarako eta bere bioaniztasunerako, besteak beste. Gure "Sow a Seed" proiektua (Landatu hazia) 1998an hasi zen Borneon, eta Malaysian oso degradatuta zegoen oihan tropikalaren 18.500 hektarea babesteko aukera eman du. Neurri horiek oihanaren 14.500 hektarea baino gehiagoren berriztapena hartzen dute barne (hau da, 25.900 futbol-zelairen neurri baliokidea). Gaur egun, baso tropikalen ekosistemak berriztatzeko munduko proiektu handienetako eta luzeenetako bat da, eta oihan tropikalak berriztatzeko asmoa duten beste erakundeentzat erabilgarriak izango diren ikerketak burutzeaz arduratzen da.
Zer da FSC ziurtagiria? Eta zergatik dugu eragina erantzukizunak eskatzen dizkigun arauetan?
