Metala: iraunkorra, dotorea eta birziklagarria
Lehengaiei dagokienez, metala da zuraren atzetik gehien erabiltzen dugun materiala. Arrazoi on batengatik da hori. Iraunkorra ez ezik, eskuragarria ere bada. Eta are jasangarriagoa izatea nahi dugu, metala modu arduratsuan lortzen eta ekoizten dela bermatuz.
“Metalaren negozioa eraldatu nahi dugu, eta, horretarako, erabaki jasangarriagoak hartu nahi ditugu ekoizpen-materialei eta teknologiei dagokienez, pertsona gehienentzat garrantzitsua den aukera sendoagoa eta jasangarriagoa lortzeko.”
Gure sortan gehien erabiltzen diren hiru metalak
Hiru metal mota nagusi erabiltzen ditugu: aluminioa, altzairu herdoilgaitza eta karbono-altzairua. Metal horietako bakoitzak produktu baten errendimenduan, iraunkortasunean eta itxuran eragina izango duten propietate bakarrak ditu.
Aluminioa
Arina eta forma eta tamaina ugaritan ekoizteko erraza, aluminioa material iraunkorra, birziklagarria eta herdoilgaitza da.Askotariko bezeroek eskuratu ohi dituzten PAX aurrealdeen eta LINDBYN ispiluen moduko produktuetan gutxienez % 70eko aluminio-edukia erabiltzea lortu dugu.
Altzairu herdoilgaitza
Iraunkorra eta korrosioarekiko erresistentea, altzairu herdoilgaitza behin eta berriz birzikla daiteke, kalitate apur bat ere galdu gabe. Ezaugarri paregabeak dituenez, ezin hobea da ingurune hezeetarako edo elikagaiak ukitzen dituzten produktuetarako.
Karbono-altzairua
Gure material erabilienetako bat, karbono-altzairua, kostu txikiko materiala da, iraunkorra eta birziklagarria. Izan ere, munduko material birziklatuenetako bat da.
