Saltatu
EU ESeuskara

Banbuaren abantaila jasangarriak

Banbuak erabilera anitz ditu. Behar bezala ekoiztu eta erabiltzen denean, ingurumen-abantaila ugari izan ditzake. Gero eta gehiago erabiltzen dugu lehengai gisa IKEA-ren produktuetan.

Eserita dagoen artisau baten eskuak ikus daitezke, banbuzko hari luze eta finez egindako sare bat ehuntzen.

Zergatik maite dugu hainbeste banbua

Banbua berriztagarria, birziklagarria eta iraunkorra da: material aparta da asko erabili ohi diren produktu ugarirako. Hauskaitza denez, egitura-elementuak eta oholak meheak izan daitezke. Beraz, beste material batzuekin konparatuta, material gutxiago erabil dezakegu produktu bakoitzean, baliabide naturalak aurrezten dira eta garraio-kostuak murritz daitezke.

Apaletan, aire zabalean lehortzen ari diren ehunka banbu-kanabera. Apal hauek ere banbuz eginda daude.

Handia den arren, banbua ez da zuhaitz bat, baizik eta landare belarkara.

Berdea zentzu guztietan

Gure ustez, klima-aldaketa gizarteak aurre egiteko daukan erronka nagusietako bat da. Banbua oso azkar hazten den landare naturala da, eta normalean ez da berriz landatu behar moztu ondoren. Banbu-baso gazte eta berdeek klima-aldaketa arintzen lagun dezakete, zuhaitzak hazi ahala CO₂-a modu eraginkorrean atxikitzen baitute.

Moztu berri diren banbu-zurtoin berdeen pila bat aire zabalean, zurtoinen mutur batetik ikusita. Horietako bat erditik zatituta dago.
“Zientziak jakinarazi duenez, banbuak, haren hazkunde-tasa bizkorrari esker, higadura kontrolatzen, aireko CO₂-a iragazten eta oxigenoa ekoizten lagun dezake.”
Aurora BossiIKEA-ko Sustainability Manager
Ehundutako banbuzko pantaila daukan KNIXHULT mahai-lanpara. Ondoan, hiru hosto dituen landarea dagoen terrakotazko loreontzi txiki bat dago.

Banbuari buruzko datuak

  • Ingurune-sorta handi batean hazten da, eta moldaerraza eta malgua da
  • Normalean, ez da ongarririk erabili behar, ezta ureztatu behar ere
  • Oso bizkor hazten da
  • Oso gutxitan birlandatu behar da
  • Hura hazteko erabili den lurzorua babesten du
Baxera berde ilun, marroi eta gris baten gainean zintzilikatutako bi SINNERLIG lanpara. Hondoan, pinu bat dago.

Munduan bizkorren hazten den landareetako bat da banbua eta, gaztea denean, egunean metro bateraino haz daiteke.

Nola erabiltzen du banbua IKEA-k?

IKEA-ren banbuzko produktuak landarearen bi zatirekin egiten dira nagusiki: beheko zatia eta erdiko zatia. Xaflak osagarri eta altzarietako paneletarako erabiltzen dira, eta listoiak, aldiz, artisautza-tekniketarako, hala nola banbua ehuntzeko eta biribilkatzeko. Hona hemen banbuz egindako IKEA-ren produktuen adibide batzuk.

Tolestutako eskuoihalak, biltegiratze-kaxak eta eskegitako jantzi-pare bat dituen NORDISKA armairua.
Banbuzko APTITLIG mozteko taula eta sukaldeko aizto handia kuiatxo bat xerratan mozteko erabiltzen ari den pertsona baten eskuak.
Tamaina ezberdinetako hiru DRAGAN kaxa bainugelako apal batean. Apain-mahaiko hainbat produktu eta hortzetako eskuila batzuk dauzkate.
Bi KNIXHULT sabaiko lanpara jangela batean. Hondoan, lore mordoa eta baxerak dituen apalategi bat daude.
SALUDING lixibarako saskia; gainean, eskegita dagoen eskuoihal zuri bat dauka. Alboan, banbuzko apalategi bat dago.
Askotariko galletak eta madalenak, eta ezpainzapi batzuk dituen FULLSPÄCKAD zerbitzatzeko erretilua. Hondoan, teontzi bat dago.
TENHULT taburetea; haren gainean, ur-edalontzia, eta liburua, zurezko uztaia eta hosto lehorrak dauzkan zurezko katilu bat daude.
Biniloz betetako BULLIG kaxa bat lurrean, apalategi baten aurrean. Apaletan BULLIG kaxa gehiago daude.
Ehundutako banbuzko KÅSEBERGA saski isotermikoa, kotoizko barnealdearekin, barruan askotariko barazkiak dituela, harea-hondartza batean.

Munduan 1200 banbu-espezie daude. Baina ez zaitez kezkatu, gure banbua eskuratzen dugun tokian ez dago pandarik.

Orri honetan egindako baieztapenak Yannick Kuehlen, Giles Henleyren y Lou Yipingen "The Climate Change Challenge and Bamboo: Mitigation and Adaption" artikulutik (INBAReko 65. lan-dokumentua) atera dira.

Forest Positive programa 2030erako

Basoek jasaten duten presioa gero eta handiagoa denez, oraindik gauza asko daude egiteke. 2030erako basoengan eragin positiboa sortzeko programari buruzko informazioa lortzeko (beste entitate batzuekin lan egingo dugu bioaniztasuna hobetzearren, basoen mende dauden pertsonen bizibideak babestearren eta aldaketa klimatikoa gutxitzearren).

Informazio gehiago IKEA markaren nazioarteko webgunean

Kontaiguzu zure esperientzia!