Haurren segurtasuna sukaldean
Sukaldean, oroitzapenez osatutako bilduma zoriontsuenetako bat sor dezakegu gure seme-alabekin batera, dela elkarrekin janaria prestatzen, dela txikienek maite dituzten gailetak, magdalenak edo bizkotxoak prestatzen, etab. Baina segurtasun-neurri nabariez gain, xehetasun pare bat ere har dezakegu kontuan dena primeran joateko.
Haurren segurtasuna sukaldean: hari erreparatzeko modua
Sukaldean txikienak lilura ditzaketen estimulu, soinu eta usain asko dago. Eta ezin zara une oro haiek gainbegiratzen egon, normalean eskuak beste zerbait egiteko erabiltzen ari zarelako. Horregatik, arriskuak eragin ditzaketen gaiak haien irismenetik kanpo edo behar bezala gordeta mantentzea funtsezkoa da sukaldeko segurtasun orokorrerako.
Hazi ahala, helduek egiten dituzten jardueretan gero eta gehiago parte hartu nahi dute. Zenbait produktu soil eta oinarrizko neurri batzuei esker, janaria prestatzen laguntzen utz diezaiekezu, eta, bide batez, etxeko lanei buruz gehiago ikas dezaten aprobetxatu.
Zure seme-alabaren azala zurea baino askoz finagoa da eta epeltzat jotzen duzun kikarak berarentzat erre egin dezake.
Haurrei egokitutako sukaldearen segurtasun-ezaugarriak
Haurrak tartean daudenean, sukalderako segurtasun-aholku nagusia objektu guztiak finkatzea da
Sukalderako segurtasun-aholku orokorrak
- Zure etxeko gainerako geletan bezala, altzariak hormaren kontra finkatzea ezinbestekoa da segurtasuna bermatzeko.
- Jarraitu gure MUTEBO labe berriaren ereduari eta jarri labeari haurrentzako segurtasun-blokeoa. Gainera, gure labe berri horrek A++ kalifikazio energetikoa du eta energia aurrezten lagunduko dizu.
- Janaria prestatzean, aproposena atzeko suak erabiltzea da; horrela, zure seme-alabek ez dituzte nahi gabe ukituko. Hala ere, MATMÄSSIG indukzio-plaka bat jar dezakezu, eta arazo horretaz ahaztu.
- UTRUSTA segurtasun-itxigailuak jar ditzakezu tiradera eta ateetan, labanak eta bestelako tresnak eskuratzea ekiditeko.
- Ezin badituzu lixiba eta garbiketa-produktuak leku altu batean biltegiratu, UNDVIKA segurtasun-itxigailuak jar ditzakezu, zure zientzialari txikiek konposatu berriekin ikertzea saihesteko.
- Saia zaitez poltsak eta bestelako plastikozko gaiak haien irismenetik kanpo jartzen, segurtasun-itxigailuak dituzten tiraderetan edo armairu altuetan.
Jateko ordua ailegatzen denerako segurtasun-aholkuak
- Zure haurtxoa aulki batean eserita egoteko gai ez bada oraindik, erabili ANTILOP haur-aulki bat. Oinarri zabal eta egonkorra eta segurtasun-uhala izateak ihes egiteko edo iraultzeko edozein arrisku saihestuko du.
- ANTILOP erretilua ere gehi dezakezu haur-aulkian. Horrela, haurrak ezin izango du mahaian dagoena eskuratu, ezta oinekin bultzatu ere. Gainera, txikitxoaren janaria erretiluan bertan ere jar dezakezu, zure seme-alaba gero eta autonomoagoa izan dadin.
- Mahaietan jarritako UNDVIKA eta PATRULL izkina-babesleek ezusteko buruko erremateek sortutako nahi gabeko koskorrak saihestuko dituzte.
Sute asko sukaldean hasten direnez, ke-alarma, su-itzalgailua eta suaren aurkako burusia ezinbestekoak dira.
