Saltatu
EU ESeuskara

Hobetu zure etxearen adimen-kozientea

IKEA Home smart sistemarekin eta beste produktu burutsu batzuekin, zure etxea (edo gela bakar bat) eraikineko adimendunena izan daiteke. Eman ongietorria egunerokoa askoz ere errazago egiten duten produktuei.

Sofa baten atzean, horman kokatutako apaletan, FÖRNUFTIG aire-garbigailu beltz bat, markoetan sartutako irudien eta hainbat apaingarriren artean.

Aire-garbigailu batek etxe adimendunago eta freskoago bat dakar

Hartu arnasa sakon! FÖRNUFTIG aire-garbigailuak eraginkortasunez filtratzen ditu hautsetik, polenetik eta sukaldean aritzetik sortzen diren kutsatzaileak. Horrela, arnasten duzun airearen kalitatea hobetzen du.

Aireko kalitatea zuzenean monitorizatzea

Badakizu aire-garbigailu batek zer egin dezakeen; alabaina, airearen kalitatea neurtzeko sentsorea pauso bat harago doa. Airearen kalitatea neurtzeko VINDRIKTNING sentsoreak airean dauden partikulak detektatzen ditu, eta zure etxeko airearen kalitatearen berri ematen dizu zuzenean. Ez bada guztiz ona, jakinarazten dizu.

Horman muntatutako armairuetan, airearen kalitatea neurtzeko VINDRIKTNING sentsore zuri bat dago CHIAFRÖN loreontzi zuri baten eta zenbait apaingarriren ondoan.

Etxeko argiztapenaren kontrol osoa

Argiztapen adimenduna instalatuz gero, zure bizitza hainbat modu zoragarritan alda daiteke. Argiak piztu edo itzal ditzakezu sofatik altxatu gabe, edo ordu jakin batean pitz daitezen programa ditzakezu. Kolorea eta epeltasuna ere alda dezakezu, egoera desberdinetara moldatzeko."Nola bizi nintekeen lehen hau gabe?" pentsatzera iristen zarenean, argiztapen adimendun gehiago jar dezakezu gainerako geletan.

Ikusi argiztapen adimendunaren sorta guztiak
Sofa baten atzean, horman muntatutako apal bat dago. Bertan, letoizko SOLKLINT mahai-lanpara bat, TRÅDFRI konexio-gailu bat, TRÅDFRI urrutiko aginte bat eta zenbait apaingarri daude.
Ikusi argiztapen adimendunaren sorta guztiak

Hasteko modu burutsu bat

Ez duzu askorik behar zure etxea apur bat adimendunago egiteko. Bonbilla txiki batzuk eta urrutiko aginte bat gehi ditzakezu, edo argiztapen adimenduneko sorta bat eskuratu. Hauxe da onena: etxe adimendunago bat izatea atsegin baduzu, gailu eta bonbilla gehiago gehitu ahal dizkiozu zure etxeari.

Kargatu telefonoa kablerik gabe

Kablerik gabeko LIVBOJ kargagailua txikia eta arina da, hau da, gailu perfektua da batera eta bestera eramateko, zure telefonoak energia apur bat behar duenerako. Ez duzu dagokion kablea bilatzen erotu beharko!

Mahaigain batean, telefono bat dago kablerik gabeko LIVBOJ kargagailu zuri batean jarrita, mokadutxoak dituzten katiluen eta bulegoko osagarrien artean.

Kablerik gabeko estoreekin esnatzea

Etenik gabe lo egin nahi baduzu, estore opakuak osagarri aparta dira zure logelarako. Luxuzko ukitu bat eman nahi badiezu, kablerik gabeko estoreak aukera onena dira! Urrutiko agintearen bidez (prezioan sartzen da, noski), estoreak igo eta jaits ditzakezu ohetik atera gabe. Horrez gain, alarmaren soinua bortitzegia iruditzen bazaizu, estoreak programa ditzakezu ordu jakin batean igo daitezen. Horrela, eguzki-izpiek esnatuko zaituzte.

Argi leun batez argitutako gela batean, leiho bat gortina gardenekin eta FYRTUR estore gris opakuekin. Leihoaren erdialdera arte jaitsita daude.

Kontaiguzu zure esperientzia!