Eman ukitu magikoa eta artisau-itxura garajeari

Garajeari itxura erosoagoa, argitsuagoa eta beroagoa emateko modurik errazena eremua tonu natural argietako hainbat biltegiratze-soluziorekin antolatzea da, eta, ondoren, kolore deigarrietako ukituak gehi ditzakezu, baita argiztapen ona ere. Hona hemen xarmaz beteriko garaje (oso) praktikoa. Haurrentzako eta gazte-izaera duten helduentzako arte-estudioaren antza du, ezta?

Pinu naturalezko eta kolore berde iluneko IVAR biltegiratze-konbinazio handia, kaxekin, jarduerak egiteko osagarriekin eta haurrentzako arte-materialekin.

Gainerako etxea zikindu gabe sortzaile izateko eremua

Garajean giro alaia eta laxoa sortu dugu mahai eta taburete zuri eta iraunkorrekin; zure seme-alabak sormena askatzeko tamaina ezin hobea dute. Mugarik gabeko lekua tximeletak margotzeko, paperezko zuhaitzak mozteko eta esploratzeko. Apal irekiek, zur naturalezkoak, lasaitasuna transmititzen duten erakustoki txiki bihurtzen dira.

Ikusi eskola- eta eskulan-material guztiak

Berde ilunez margotutako bi IVAR apal ireki eta pinu naturalezko hormako apala gainean; artelanez eta haurren eskulanez beteta daude.

Haurrentzako bi UTTER mahai zuri eta bi aulki garaje batean. Bertan ere eskulan koloretsuak eta arte-materialak daude.

Ikusi eskola- eta eskulan-material guztiak

Azpian biltoki gehigarria duen eserleku artistikoa

Eserlekuaren azpian eskulanak edo arte-materialak gorde daitezkeenez, taburete honek haurren eskulanak gordetzeko leku gehigarria eskaintzen du. Kolore arrosak gazte-giro deigarria ematen dio eremuari, eta bere heldulekuari esker, oso erraz mugitzen da. Jada ez zaio arrosa gustatzen? Margotu berriz eta kito.

Arrosaz margotutako pinuzko PERJOHAN bankua heldulekuarekin. Azpian dagoen biltokian paperak eta haurren eskulanak gordetzen dira.

Garaje politago eta erabilgarriagoa

Sasoiko arropa eta apaingarriak, kirol-ekipamenduak zein lorezaintzarako edo birziklatzeko gauzak eduki, mantendu dena ondo antolatuta eta aurreztu lekua etxean. Erabili kaxa arin eta gardenak dena garbi eta txukun edukitzeko eta gauzak erraz aurkitzeko. Apal iraunkorren tonu berde ilunak estilo naturala ematen dio guneari.

Ikusi BROR sistema

Bi BROR apal berde ilun horma baten kontra jarrita eta kaxa gardenez, zurezko kaxez, gurpil-oholez eta oinetakoz beteta.

Tamaina ezberdinetako hamar biltegiratze-kaxa gardenen xehetasuna; BROR apalategi batean daude eta barruan oinetakoak eta kirol-gaiak dituzte.

Ikusi BROR sistema

Edozein gauza gordetzeko kaxa, lorezaintza-tresnetatik neguko botetara

Ikusi biltegiratze-kaxa osagarri guztiak

Saltatu zerrenda

KNAGGLIG: egurra biltegiratzeko kaxoia, naturala, kolore argikoa, angeluzuzena, erresistentea.

Edozein adinerako sormena

Mahai tolesgarria duen biltegiratze-modulua jarduera ezberdin asko egiteko erabil daiteke, baita gurasoek lan egiteko ere. Tamaina guztietako gauzak gordetzeko biltegiratze ezkutuen aukera ugari daude. Akabera alaia lortzeko, nahastu amaitu gabeko itxura duen zura eta margotutako aulkia. Orain, hartu unetxo bat zure garajeak eskaintzen dizkizun aukera guztiak imajinatzeko.

Ikusi IVAR sistema

IVAR biltegiratze-konbinazioa arte-materialez beteriko mahai tolesgarriarekin eta aulki gorria. Garajearen leihotik argia sartzen da.

Ikusi IVAR sistema

Eman xede bat txoko bakoitzari

Ezohiko formak dituzten eremuak apaintzeko, sormen handiagoa izan beharko duzu, biltegiratzeari dagokionez. Denda motako armairu hau primerakoa da beste sasoietako arropa, poltsak edo eskura baina ezkutaturik eduki nahi duzun beste edozein gauza gordetzeko. Diseinu garbiko kubo pilagarriek lekua aurrezten laguntzen dute, eta etxean hondakinak sailkatzea ahalbidetzen dute.

Denda motako VUKU armairua esekigailuetan zintzilik dagoen arropaz beteta; garaje baten izkina batean dago, bi apalategiren artean.

Hondakinak sailkatzeko hainbat DAMMÄNG kubo estalkidun, kolore beix-grisaxkakoak, bata bestearen gainean pilatuta.

Nik egindako estilo eskandinaviarra

Tratatu gabeko pinuzko gainazalek sinpletasun-sentsazioa sortzen dute, eta lur-koloretako aulkiek estilo eskandinaviar naturaleko ukitua ematen dute. Oso garaje praktikoa da, baina, aldi berean, haurrak denbora-pasa egoteko leku eroso eta polita ere bada. Gauza txikietarako, erraz mugi dezakezun orgatxoa aukera ezin hobea da.