4 urrats falta zaizkizu "bi batean" estiloko sukaldea edukitzeko

Gutako askoren errealitate berria da etxean lan egitea. Etxean bulegorik egon ezean, gainerako tokiek izaera bikoitza hartzen dute. Zein da gure hautagai gogokoena? Sukaldea eta otorduetarako eremua; etxeko erdigunea da, eta denbora gehien ematen dugun tokia. Hona hemen nola bihur dezakezun gosaltzeko tokia bilera-deiak egiteko eremu, urrats gutxi batzuk eginez.

1. Berriruditu sukaldea

Sukaldean lan egin behar baduzu, jarri arreta mahaian eta aulkietan, eta ziurtatu erosoak direla. Jarraian, beste eguneratze batzuk egin ditzakezu "bi batean" estiloko sukaldea izateko.

Gizon bat RÖNNINGE mahai zabalgarri batean dagoen ordenagailua irekitzen ari da, VEDDINGE zuri eta lizar-efektuko ASKERSUND ateak dituen sukalde batean.

2. Hormako biltegi sinpleak

Edozein norabidean jar daitekeenez, horman finkatzeko lanpara bat erabil dezakezu lan egiteko; halaber, kakoak eta ontziak dituen errail bat instala dezakezu, lan egiteko funtsezko gauzak eskura eta ordenatuta edukitzeko.

Beso birakaria daukan NYMÅNE hormako lanpara dago, eta bulegoko gauzak esekita daude errail bati lotutako kakoetan eta kalamuzko NEREBY ontzietan.

3. Lortu lan egiteko orgatxo bat

RÅSKOG orgatxo gurpilduna erabilera askoko apalategi-sistema bihur daiteke, eta lan egin behar duzun tokira eraman dezakezu. Ezin hobea da bilerak egiteko zauden tokian zaudela.

Lau gurpil dituen RÅSKOG orgatxo zuri bat dago bulegoko gauzekin beteta. Ordenagailuko kableak dituen NEREBY poltsa natural bat dago kako batetik zintzilik.

4. Itxi eta ezkutatu

Lehenengo bideo-deia minutu batzuk barru izango da? Gosaria sukalde-gainekoan dago oraindik? Sukaldeko altzarien aurrean gortina-errail bat jartzen baduzu, eguneko nahaspila di-da batean ezkuta dezakezu egin behar duzun hurrengo gauzan argi pentsatzeko.

Gizon bat sukaldean dago, bulegoan egongo balitz bezala; MOALINA gortina berde eta zuriak itxita daude sukalde-gainekoa eta sukaldea ezkutatzeko.