Sukalde ireki bat, non familiarteko bizitza eta estiloa eskutik esku doazen
Non hasten da sukalde hau eta non amaitzen da? Ez dakigu, ezta axola ere: gourmet-familia honek elkarrekin kozinatzea eta bazkalondoak luzatzea maite du, postreko apurrak ere geratzen ez diren arte. Hainbeste biltegiratze-espaziorekin eta hain gaineko zabalekin, (ia) ez dago mugarik elkarrekin kozina dezaketen sukaldari-kopuruari dagokionez.
Helduleku integratudun VOXTORP aurrealde lauek ukitu dotorea ematen diote, eta penintsulak biltegiratze-lekua eta txikitzeko zein berriketan aritzeko espazioa gehitzen ditu. Eta soilik erlaxatu nahi dutenentzat, ondoko jangelako mahaian badago lekua.
Sukaldeko biltegiratze eta etxetresna elektriko adimendunak diseinu integratuarekin
Sukalde honetako METOD armairuak gainezka badaude ere, ezin hobeto antolatuta daude. Tresna bakoitzak bere lekua du, eta osagai bakoitzak, distira egiteko bere unea.
Ekipamendu egokiarekin, zure sukaldea funtzionala izatetik maite izango duzun lekua izatera pasako da. MÅNGSBO ke-kanpaia bezalako etxetresna elektriko integratuak itzalpeko heroiak dira: eguneroko zereginak eraginkortasunez egiten dituzte estetika hautsi gabe.
Errezeta bakoitzerako gailu bat, gailu bakoitzerako leku bat
Mantendu sukalde-gainekoa garbi eta sukaldeko tresnak eskura. Penintsula honek tiradera sakonak ditu etxetresna txikiak eroso gordetzeko.
Errezeta bakoitzerako gailu bat, gailu bakoitzerako leku bat
Mantendu sukalde-gainekoa garbi eta sukaldeko tresnak eskura. Penintsula honek tiradera sakonak ditu etxetresna txikiak eroso gordetzeko.
Kozinatzetik birziklatzera: sukalde honek erraz jartzen dizu
Zure harraska soluzio egokiekin hornitzen baduzu, kozinatzea eta garbitzea askoz errazagoa eta atseginagoa dela ikusiko duzu. Hodi ateragarria eta ihinztagailua dituen MAJSJÖN sukaldeko txorrotarekin, fruta eta barazkiak garbitzea oso erraza da. Birziklatzeko ontzia harraska ondoan edukitzeak azalak eta zurtoinak dagokien tokian amaitzen dutela ziurtatuko du. Nahaspilarik eta estresik gabe.
Sukaldearen eta jangelaren arteko leku magiko hori
Sukaldeko penintsula batek giro ona erakartzen du iman baten gisa: denak naturalki biltzen dira bertan barre egiteko, mokadu bat jateko eta istorioak kontatzeko. Sukaldeko uharte baten abantailak eskaintzen ditu eta leku gutxiago hartzen du, tresnak gordetzeko tiraderekin eta kozinatzeko zein platereratzeko gainazal batekin, baita zure mokofinentzako eserlekuekin ere.
Zabaldu zure sukaldea jangelara: HEJSTA beirazko ateak dituzten METOD armairuak zure baxerarentzako erakusleiho ideala dira, eta erraz jartzen dizute plater gehigarri bat eskuratzea, gonbidatu bat ustekabean iristen denerako. Gehitu tiradera bat edo bi ezpainzapiak eta edalontzi-azpikoak jartzeko (edo zizka-mizkak).
Konexioak sustatzen dituen etxea, sukaldetik sofara
Sukaldea jangelarekin eta egongelarekin integratu dadila, denak (eta denek) konektatzen duen espazio ireki bat sortzeko. Sukaldeko penintsula hau familiaren gune nagusia da, txikitzeko, zerbitzatzeko edo, besterik gabe, denbora pasatzeko. Jangelako mahai handian denetarik sartzen da: astearteko pastatik mahai-jokoen saio amaigabeetara, ondoan sofa batekin bideojoko-gauetarako.
