Saltatu
EU ESeuskara

Neurrira egindako sukalde urdina, familiarekin denbora igarotzeko diseinatua

Murgil zaitez sukalde-uhartea duen L formako LERHYTTAN sukalde urdinean. Ezin hobea da ingurune atseginean denbora elkarrekin igarotzea gogoko duen edozein familiarentzat. Biltegiratze-soluzio praktikoei esker, familia guztiak lagundu dezake janaria prestatzen eta mahaia jartzen. Ezagutu zein diren sukalde hau etxeko gela gogokoena bihurtuko duten lau ezaugarriak: tiradera ugari dituen sukalde-uhartea tresna guztiak behar bezala antolatzeko, biltegiratze-aukerak maximizatzen dituen despentsa independentea, baxera erakusteko beira-arasa eta sukaldean jarduteko eremu garbia.

METOD sukalde bat LERHYTTAN aurrealde urdinekin, leiho handiekin, tiraderadun sukalde-uhartearekin eta jangelako mahai batekin.

Denboragabea, pertsonalizatua, zurea

Sukalde atsegin honek xarma denboragabea eta zure etxean ezin hobe integratzeko behar diren ezaugarri guztiak ditu. Beirazko ateetatik hasi eta armairuekin konbinatzen duten hanka eta zokaloetara arte, zuk nahi duzun bezalakoa izan daiteke LERHYTTAN sukaldea. Eskutokiak eta heldulekuak ere hauta ditzakezu. Izan ere, zure sukaldean xehetasun guztiak dira garrantzitsuak.

METOD sukalde tradizionala, LERHYTTAN aurrealde urdinekin, eta eltzeak eta zartaginak daude zintzilikatuta hormako errailetik.

Sortu zure sukaldeko lagun leialenentzako etxea.

HULTARP erraila gehigarri praktiko eta erabilera anitzekoa da. Janaria prestatzeko eremuari dekorazio-aldizkari batetik ateratako sukaldeen itxura ematen dio. Hari esker, lapikoak, zartaginak eta sukaldeko tresnak behar dituzun tokian izango dituzu. Kakoak erraz mugitzen dira janaria prestatzean duzun estilora egokitzeko. Berdin dio plater bakoitzerako zartagin bat duen sukaldarien antzekoa zaren edo oinarrizkoenarekin hasi berria zaren.

Haritz trinkoz egindako HÖVOLM esekitokiak ukitu goxo eta abegikorra ematen dio zure sukaldeari. Erabili sei eskutokiak tresnak, erosketa-poltsak edo eskura izan nahi dituzun ebakitzeko taulak zintzilikatzeko, sukalde-gainekoan tokirik hartu gabe. Toki gehiago behar baduzu, gehitu beste bat: ertz zuzenari esker, errazagoa da modu uniformean lerrokatzea. Sinpleak, funtzionalak eta nortasunez beteak dira, eta egunero erabiltzen dituzun tresnak sukaldeko dekorazioaren ezinbesteko osagai bihurtuko dituzte.

Sukalde bateko horma bati finkatutako HULTARP erraila. Zartaginak eta lapikoak daude erraileko gakoetatik zintzilika landa-eremuko estiloa emateko.
Bi HÖVOLM esekitoki, bakoitza sei eskutokirekin, adreiluzko horma batean muntatuta. Eskutokietatik sukaldeko tresnak daude zintzilikatuta.

Antolamendu perfekturako sekretua: despentsa

Ez da harritzekoa pertsona askok despentsa independentea edukitzearekin amets egitea. Sukaldea ordenatuta izaten laguntzen du, eta janari handienak eta etxetresna elektriko txikienak gordetzeko aproposa da. Imajinatu zure lorategiko fruta eta barazkien kontserba-ontzi ugari izatea, guztiak ongi lerrokatuta, eta behar duzuna erraz aurkitzea janaria prestatzen ari zarenean.

Despentsa honetan, apalak, botilategiak eta IVAR serieko bereizledun kutxak dituzten apalak ikusiko dituzu; benetan eskuragarria. Erabilera anitzeko apalen konbinazioak nahi beste erara konbina daitezke daukazun guztia begiratu batean ikusteko. Nahikoa da apalak mugitzea edo gehiago gehitzea, familiako bizitzan gertatzen diren aldaketetara egokitzen joateko.

METOD sukaldea LERHYTTAN aurrealde urdinekin eta ate urdin ireki batekin. Atearen ostean despentsa dago hainbat IVAR apalekin.
IVAR apalen hainbat konbinazio dituen sukaldeko despentsa bat janariak gordetzeko ontziekin.

Bihurtu atseginago eguneroko lanak

Sukaldea estilo uniformearekin diseinatzean, harrituta geratuko zara xehetasun txikiek sortzen duten aldea zenbaterainokoa den ikustean. VÄLVÅRDAD sukalde-osagarrien, eskularruen eta sukaldeko zapien kolore-paleta leuna eta estilo tradizionalak estilo klasikoko sukalde baterako lagun ezin hobeak dira.

Marradun alkandora duen pertsona bat, VÄLVÅRDAD labeko eskularru beix bi jantzita dituela, labeko erretilu bat uzten ari da sukalde gainean.

VÄLVÅRDAD xukadera eta xaboi-banagailua harraska baten ondoan, sukalde bateko leihoaren azpian.
Bi esku ongi egindako sagar-pastel bat eusten ari dira bi VÄLVÅRDAD zamau-babes beix erabilita.

Vintage estiloko sukalde-uhartea biltegiratze praktikoarekin

Pertsonalizatu ezazu janaria prestatzeko edo zure pertsona gogokoenekin une atseginak igarotzeko sukalde-uhartea. Gauza guztietarako tiradera espezifikoak dituenez eskura izan nahi dituzun sukalde-tresnak eta bestelako oinarrizko gauzak gordetzeko, laneko eremutik oso gertu dagoen biltegiratze-eremu antolatua izango duzu bertantxe.

METOD armairuekin, leun ixteko mekanismoa duten MAXIMERA tiraderekin eta estilo tradizionaleko eskutoki eta heldulekuekin egindako uharte honek botiketako antzinako altzariak ekartzen ditu gogora, eta bikain osatzen du sukaldearen estilo klasikoa.

Sukalde-uharte bateko bi tiradera irekita, LERHYTTAN aurrealde urdinekin. Haietako batek tiradera bat du barruan ezkutatuta.
Hainbat tiradera dituzten METOD armairuekin egindako sukalde-uhartea. LERHYTTAN aurrealde urdinak eta ENERYDA helduleku kromatuak dituzte.

Erabiltzen dituzun eta ikusgai izan nahi dituzun gauzetarako beira-arasak

Beira-arasek argitasuna eta zabaltasun-sentsazioa ematen diote sukaldeari edo jangela-eremuari, eta bikainak dira baxera, erlikiak edo vintage aurkikuntzak erakusteko zikintzeko beldurrik gabe.

Konbinatu hainbat METOD armairu zure eremura eta biltegiratze-beharretara egokitzen den altzaria sortzeko. Jar itzazu jangelako mahaiaren ondoan, mahaia jartzea errazagoa izan dadin. Agerian geratzen diren gauzek ukitu pertsonala ematen diote sukaldeko dekorazioari, bereziki LED argiztapen integratuarekin nabarmentzen badira. Gehitu estilo tradizionaleko ENERYDA eskutokiak estilo denboragabea lortzeko: diseinu klasikoak gelaren harmonia sustatzen du eta armairuari estilo tradizionalagoa ematen dio.

METOD armairuz eta LERHYTTAN beirazko ate urdinez osatutako altzari bat, aurrean jangelako mahai bat duela.
Jangelako LERHYTTAN beira-arasa urdina barneko apaletan hainbat gauza gordeta dituela.

Kontaiguzu zure esperientzia!