Nola ordenatu eta antolatu oinetakoak
Atondoaren zati handia hartzen duten lan-oinetakoak, sandalia zaharrak ohearen azpian... Honekin amaitu behar dugu! Oinetakoak gordetzeko lehen urratsa bi kategoria sinpleetan bereiztea da: "jartzen ditudan horiek" eta "jarri ohi ez ditudanak". Helburua da jantzi ohi dituzun oinetakoak eskura izatea eta hainbeste erabiltzen ez dituzun horiek gordeta edukitzea. Gida hau atondoko oinetakoak antolatzeko biltegiratze-ideia original eta praktikoz beteta dago, eta zure oinetako, bota, kirol-oinetako, txankleta eta abarren nagusi izateko aholku ugari dauzka.
Aprobetxatu erabili ohi ez dituzun tokiak oinetakoak uzteko
Egunero janzten dituzun botak edo oinetakoak txukun eta eskura izateko modu on bat erabilera jakinik ez duten txokoak aprobetxatzea da. BAGGMUCK erretiluari esker, atondoko oinetako-altzariaren edo apal baten azpian geratzen den toki zabala botak uzteko toki bihur daiteke. Era berean, pintzak dituen esekigailua erabiltzen baduzu, horma huts batean kokatutako erraila botak zintzilikatzeko leku bikain bihur dezakezu, behar dituzunean eskura izan ditzazun. Zure oinetakoek eskerrak emango dizkizute!
Biltegiratze ireki edo itxia? Zuk aukeratu!
Oinetakoak ikusgai edo ezkuturik edukitzea nahiago duzu? Eguneroko oinetakoak atondoko atearen ondoan antolatzean zeure buruari egin beharreko galderarik garrantzitsuenetako bat da. Konponbideak zure bizimodura eta zure familiako kideetara hoberen egokitzen den hori hartu beharko du kontuan. MACKAPÄR oinetako-altzari pilagarriak eskaintzen duenaren moduko biltegiratze irekia edukiz, oinetako gehiago gorde ahal izango dituzu, lurrean leku libre gehiago utziz. Gainera, aldi berean, txukun eta eskura edukiko dituzu. Oinetakoetarako biltoki itxiek itxura minimalista emango diote eremuari eta, aldi berean, oinetakoak hautsetik babestuko dituzte. Bestalde, erraza egingo zaizu oinetakoak hartzea; nahi dituzun horiek zein konpartimentutan utzi zenituen gogoratu baino ez duzu izango.
Begi-bistan ezkutatutako oinetakoak
Oinetakoak gustatzen bazaizkizu eta behar dituzun heinean erabiltzeko oinetako ugari eskura edukitzea gustuko baduzu, izan itzazu ordenatuta eta lurrean lekurik hartu gabe armairu batean oinetakoetarako apal finkoa edo ateragarria gehituz. Gustukoen dituzun oinetakoak eskura edukiko dituzu beharrezkoa denean, eta behar ez dituzunean, aldiz, ezkutatuta egongo dira, hautsetik babesturik.
Erakutsi harro zure oinetakorik gogokoenak
Ez dituzu oinetakoak zertan ezkutatu. Bihurtu zure produkturik gogokoenak apainketaren parte modu dibertigarri eta berezi batean. Adibidez, oinetakoak beste oinetako-kaxen edo apal baten gainean koka ditzakezu. Bestela, sotilagoa den zerbait nahiago baduzu, probatu barruko edukia ikusgai uzten duten gure SKUBB kaxak. Horrela, beti izango dituzu oinetakoak ikusgai, hautsetik babestuta dauden bitartean. Nortasun- eta estilo-ukitua emango diote edozein gelari eta, aldi berean, erraz aurkituko duzu dena.
Kaxei dagokienez, pentsa ezazu epe luzean
Hurrengo negura arte jantziko ez dituzun botak edo hainbeste erabiltzen ez dituzun oinetakoak gorde nahi dituzu? Kaxak dira konponbidea! SKUBB kaxek oinetako-pare baterako behar adina leku eta edukia ikusgai uzten duen leihoa dituzte; horrela, kaxan gorde zenuena zer den jakin ahal izango duzu. Oinetako-pare bat baino gehiago gorde behar baduzu (adibidez, haurrik txikienak nagusiari dagoeneko balio ez zaizkion oinetakoak hazten denean erabil ditzan), SAMLA kaxak handiagoak eta gardenak dira, eta erraz pilatzeko aukera ematen duen estalkia dute. Lizuna ekiditeko, ziurtatu beti oinetakoak lehor eta garbi daudela gorde aurretik, eta ez itzazu orkoiak ahaztu; horrela, diseinu delikatuak eta larruzko oinetakoak deformatzea saihestuko duzu.
Toki txikietako heroiak
Ez al daukazu oinetakoak gordetzeko toki askorik? Arazorik ez. Atera etekinik handiena daukazun lekuari oinetako-antolatzaile txikiekin. Pilatu GREJIG oinetako-apalak biltegiratze-aukera ugari eskaintzen dituen oinetako-altzari trinkoa eta sotila sortzeko. Toki txikietarako beste aukera bat SKOSTALL oinetako-altzaria da: oinetako-altzari bakoitzak hiru altuera ezberdinetan oinetako-pare bat gordetzeko behar adina leku du. Produktu hauei oinetakoak tokirik txikienetan ere ondo antolatzen laguntzea gustatzen zaie. Eman iezaiezu aukera bat eta ikusiko duzu lor dezaketen guztia!
Aldatu oinetakoak gordetzeko ikuspegia
Atondoa edo txoko txiki jakin bat antolatzaileak edo oinetako-altzariak jartzeko behar adina leku ez dutenean, aldatu ikuspegia oinetakoak antolatzeko ideia hauekin. Esekitokiek, kakoek, saskiek eta biltegiratze-bankuek atondoko tokirik garrantzitsuena hartzeko unea iritsi da. Horman TJUSIG esekitokia edo HÖGAFFEL kakoa jarriz, oinetako informalak eta kirol-oinetakoak, jakak eta poltsak antola ditzakezu. Gomendagarria da oinetako bakoitzak bere kakoa edukitzea, berriro erabili behar dituzun arte beren kasa ibil daitezen.
