Saltatu
EU ESeuskara

Nola hornitu altzariz atondo familiar bat

Hasteko, bereizi atondoan gorde behar dituzun gauzak. Eguneroko desordenak segituan hartzen du gain, baina kontrola berreskuratzeko aukera izango duzu bakoitzaren gauzak sailkatu eta guztiek gauza bakoitza non gordetzen den dakitela ziurtatuta. Guztirako antolamendu praktiko eta biltegiratze sinplearekin (egun eta urtaro guztiak barne hartuta), ezerk ez du ordena asaldatuko.

RAGGBERG esekitoki baten lehen planoa goitik, kapelekin eta osagarriekin goiko apalean. Azpian arropa dago zintzilik.

Gauza handi eta zikinetarako tokia

Kaskoak eta motxilak oso beharrezkoak dira, baina gehienetan ez dira apaingarririk egokienak eta zoruan pilatuta geratzen dira maiz. Irtenbidea bilatzeko garaia da! KALLSÖ biltegiratze-bankuaren beheko tiradera handia guztia biltegiratzeko diseinatuta dago.

Beste guztiarentzat tokia bilatzeko, sailka ezazu eta esleitu toki jakin bat gauza bakoitzari oinetako eta kirol-ekipamendutik hasi eta motxila eta osagarrietara arte.

Neska gaztea belauniko, motxila KALLSÖ biltegiratze bankuko tiradera handian sartzen.
RAGGBERG bankua duen atondoa. Haren ondoan konpartimentuak dituen TIGERFINK biltegiratze-soluzioa dago, kasko, txapel eta osagarriz beteta.

Eguzkia dagoenean katiuskak gordetzeko tokia

Euritarako jantziak, egun eguzkitsuetarako txapelak, urtaro jakinetako osagarriak eta egunero erabiltzen ez ditugun gauza askok ez dute zertan kakoetan edo atondoko zoruan egon behar. Hala gertatzen bada, gordetzeko beste tokirik ez dugulako da. Atondoan ongi antolatutako armairuarekin, gauza horiek guztiak ezkutatu ditzakezu, baina eskura izango dituzu behar izanez gero.

Ate irekiak dituen PAX GULLABERG armairuaren lehen planoa. Barrualdea ikusten da guztiz ordenatuta, argiztapenarekin, apalekin eta zintzilikatutako arroparekin behean.
PAX GULLABERG armairu baten beheko zatiaren lehen planoa: apal bat, saretadun saski ateragarria eta oinetakoetarako apalak daude.

Ez utzi altuerak haurrei ordenatzen laguntzen eragoztea

Kakoak eta apalak altuera ezberdinetan jarrita, bakoitzaren altuera ez da aitzakia izango arropa eta gainerako gauzak dagokien tokian jartzeko. Estilo edo kolore ezberdinetako kutxak bikainak dira kako batetik zintzilikatu ezin den guztia sartzeko.

Atondo handi bateko izkina, ate batekin eta armairu batekin atzealdean, jakitoki bat gortina baten atzean eta kakoak horman.
Familiarentzako harrera, altuera ezberdinetako RAGGBERG biltegiratzearekin, dena pinu naturalez egina eta kolore bizietan margotutako xehetasunekin.

Eseri!

Bankua oinarrizkoa da familia baten atondoan, haurrek nahiz nagusiek eskertu egingo baitute oinetakoak janzteko garaian eserlekua izatea. Gainera, azpian oinetakoak edo kutxak gordetzeko tokia izan ohi dute bankuek.

Familiako atondo baten ezkerreko horma pinuzko RAGGBERG banku eta esekitokiekin, kolore argiz margotutako xehetasunekin.
Zurezko KALLSÖ biltegiratze modulu grisen lerroa atondo batean, oinetakoekin eta apaletan eta esekitoki batean antolatutako jantzi ezberdinekin.

Egin salto!

Edozein alfonbrak lanpasan geratu ez den lur eta hartxintxarra jasoko du. Eta, gainera, egunerokoari dibertsio apur bat ematen badio? Haur txikienek arropa zer ordenatan jantzi behar duten azaltzeko ere erabil dezakezu. Lehen karratuan oinetakoak jarri, bigarrenean eskularruak, bufanda... badakizu! Erabiltzen duzun modua edozein dela ere, txingoan jolasteko estanpatua duen STÄPPSPARV alfonbrak etxeko kide guztien irribarrea piztuko du, adina gorabehera.

Atondo baten zorua, STÄPPSPARV alfonbrarekin, marradun estanpatu batekin. Botak eta beste zenbait gauza daude zenbakietan banatuta.

Bete dibertsioz itxaroteko denbora

Familia zenbat eta handiagoa izan, orduan eta luzeagoa izango da irten arte itxaron beharreko denbora. Atondoan itxaron bitartean txikienak entretenituta izateko zerbait gehitzea ideia ona da. Adibidez, ohar-taula bat eta hainbat errotulagailu jar ditzakezu, edo FLISAT panpina-etxea, paretako apala ere badena. Gela batzuetan eguzkitako betaurrekoak eta giltzak gorde ditzakezu, beste batzuk HUSET familia txikiaren etxea izan daitezke.

RAGGBERG banku eta esekitokiak dituen atondo familiarra, baita FLISAT panpina-etxea horman, itxaron beharreko denbora dibertigarriagoa izan dadin.
Txoko sortzailea, lauza urdin argiak dauzkan hormarekin eta lanerako mahai eta aulkiekin. Horman esekitoki asko gaude, eta horien gainean biltegiratzeko armairuak daude.

Irtenbide dibertigarriak arazo aspergarrientzat

Galtzerdi edo eskularru busti gehiegi ate ostean? Gehitu PRESSA esekileku zintzilikaria atondoan euria egiten duen hilabeteetarako. Txakurraren lepoko eta jostailuak daude alde guztietan? Esleitu kako jakin bat lepokoari eta kutxa bat jostailuei. Beti berandu zabiltza? Jarri erloju bat atondoko horman. Beti daude irtenbide erraz eta eskuragarriak atondoarekin erlazionatutako eguneroko arazoetarako.

RAGGBERG esekitoki eta PRESSA esekileku baten lehen planoa, eskularruak, bufandak eta galtzerdiak lehortzen dituztela atondoan.

Txakurraren atzealdearen forma duen BÄSTIS kako beltza duen horma zuri baten lehen planoa. Handik zintzilika txakur-uhal bat dago.
Atondo baten izkinan BONDSKÄRET esekitoki hori bizi bat dago, eta IKEA PS 1995 erloju urdin bizia horman.

Kontaiguzu zure esperientzia!