Atondoa apaintzeko ideia ahaztezinak

Tamainak ez du axola: edozein atondo izan daiteke liluragarria. Apaintzeko ideia ezohikoak onartzea besterik ez duzu.

Kasu honetan, altzari eta osagarri denboragabeak ohi ez bezala erabili dira ondo begiratzea merezi duen atondo deigarria osatzeko. Halaber, biltegiratze-soluzio ugari daude gela kanpoko gauzez gainezka egon ez dadin. Horren emaitza zentzumen guztientzat erakargarria den eremua da. Sofa bat besterik ez da falta!

Atzeko planoan ratanezko TOLKNING eremu-bereizlea horman jarrita eta MALM apain-mahai zuria aurrean dituen atondoa.

Eman egongela-ukitua atondoari

Ziurtatu zure atondoa gonbidatu guztien arreta bereganatzeko bezain ahaztezina eta atsegina dela. Definitu eremua eta giroa pieza nagusi ezohiko batekin, esaterako, ratanezko TOKNING eremu-bereizle honekin. Horman jarrita, kolorea, forma eta ehundura eskaintzen ditu.

Gehitu mahai osagarri deigarri bat eta apaindu ezazu lanpara bat, hainbat LED kandela txiki eta hosto dotoreak dituen loreontzi batekin, goxotasuna ematen duen eta etxearen gainerakorako eredu gisa balio duen estilo pertsonalizatua sortzeko. Baina, kontuz ibili! Gerta liteke gonbidatuak etxeko zati honetan oso gustura egotea eta handik etxera sartzeko bultzatu beharra izatea.

Eskuz egindako ratanezko TOLKNING eremu-bereizlea horman jarrita, MALM apain-mahai zuria aurrean duela, eta horren gainean STOCKHOLM mahai-lanpara.

Aprobetxatu ratanaren abantailak

Estilo eta ehunduraz beteriko atondo oroitarazlea sortu nahi duzu? Egin ratanaren aldeko apustua! Tonu biziak eta sare-egiturak bikain konbinatzen dute mota guztietako altzariekin. Kasu onetan, MALM apain-mahaiaren akabera zuri dotorea leuntzen dute. Ratanezko hainbat produktu gainjartzean, esaterako, lanpara zintzilikariak eta hormako elementua, estilo bohemioa lortuko duzu. FEJKA landare artifizialek ukitu naturala ematen diote eta txirikordatutako saskiekin estiloa zoruraino iristen da. Ez da xehetasun bat ere falta.

Ratanezko TOLKNING eremu-bereizle bat hormaren kontra, KAPPELAND lanpara zintzilikaria gainean duela, eta hainbat landare aurrealdean.

FLÅDIS itsas-ihizko saskia hainbat ehun-gai dituela eta, landare bat FRIDFULL loreontzian, alfonbra baten gainean, apain-mahaiaren azpian.

Estiloarekin bat egiten duten gaitasun handiko biltegiak

Atondo hau, polita izateaz gain, oztoporik gabe bertatik igarotzea eraginkorra izateko diseinatu da. Eta hori guztia biltegiratze-eremuagatik da. Bertatik igarotzean ez da ia sumatzen, guztiz ezkutatuta baitago. Aldi berean, ezaugarri hori da atondo txiki hau hain praktikoa eta polita izatearen arrazoia.

Hartu denbora biltegiratzea planifikatzeko eta kontuan izan zer sartzen den. Kasu honetan, gutxiago gehiago da, beraz, denboraldiko zapatak, berokiak eta jakak soilik gorde, eta aldatuz joan urtaroa (eta gustuko duzuna) aldatu ahala.

Hiru BISSA oinetako-altzari paraleloan dituen atondo atsegina. Altzariaren gainean loreontziak eta VARMBLIXT hormako lanpara biribila ditu.

Zentzumenen leherketa

Planifikatu eremua bost zentzumenetarako plazera izan dadin. Lurrinek oroitzapen ugari ekar ditzakete gogora. Hortaz, FRÖFINK pot-pourri lurrindunarekin lurrin propioa jartzea eta etxekotasun eta erosotasun-sentsazioa sortzea ideia ona izan daiteke. Zer deritzozu? Areagotu zentzumenen esperientzia soinu atseginak igortzen dituen bozgorailu batekin, eta erakutsi gauza apaingarri txikiek duten ahalmena, zuretzat esanahia duten gauzak erakutsita. Azkenik, sortu landarez beteriko eremu bat argirik edo urik behar ez duten FEJKA landare artifizial gehiagorekin.

Ikusi dekorazio guztia

KRUSTISTEL plater beix argia mahai zuri batean banilla lurrindun FRÖFINK pot-pourriarekin eta hiru perfume-ontzirekin.

VAPPEBY Bluetooth bozgorailu zuria BISSA zapata-altzari baten gainean, FEJKA loreontzidun landare artifizialez inguratuta.

Ikusi dekorazio guztia

Zentzumen guztietarako erakargarria den atondorako apaingarri eta osagarriak

Saltatu zerrenda

VARMBLIXT kristal laranjazko lanpara bat, erroskilla formakoa, distira beroa eta diseinu dotorea dituena.

Irteteko behar duzun guztia hartu duzu? Ispiluan begiratu bat ematea falta da bakarrik!

Ate ondoan ispilu bat izanda azken begiratua eman dezakezu irten aurretik. Zure atondoa txikia bada, LINDBYN ispiluak zabalera ezberdinetan daude eskuragarri, ia guztiz ahaztuta dauden txokoak guztiz aprobetxatzeko modukoa den oso estu bat barne. Egunero erabiltzen ditugun gauza txikiek (erraz galtzen diren horiek) toki segurua aurkituko dute sarrerako atearen ondoan jarritako kutxatxoan, esaterako, itsas-ihizko LURPASSA estalkidun modeloan. Atondoari ukitu naturala ematen dio eta gauzak ordenatuta eta ezkutuan gordetzeko aukera ematen du, galdu ez daitezen eta inguruko armoniari eusten laguntzeko.

Ikusi ispilu guztiak

LINDBYN ispilu beltz bat sarrerako ate ireki baten ondoan, eta bi BISSA zapata-altzari gainean hainbat FEJKA landare artifizial dituztela.

Ikusi ispilu guztiak

Sortu harridura eragingo duen atondoa

Gogoratu atondo honetan dagoen guztia dela estetika orokorraren parte, bertan gordetzen dituzun beroki, jaka eta poltsak barne. Murriztu ahalik eta gehien agerian geratzen diren jantzien kopurua, espazioa gehiegi ez kargatzeko.

Kontrol apur bat ez badago, oso erraza da berokiak pilatzea. Jarri EKRAR esekitoki minimalista biltegira dezakezuna mugatzeko. Esekitokiaren diseinu estilizatuak toki gutxi hartzen du eta beroki eta pertxa batzuk eta poltsa pare bat jartzeko adina kako ditu. Hala, atondoa askoz politagoa egiten duten apaingarri politetarako toki gehiago utziko duzu.