Nola prestatu haurren lehen gela, gurasoei bezainbeste gustatuko zaiena

Egin zerrenda bat kontuan hartu beharreko gai eta jarduera guztiekin. Haurrentzako gela bat bada, zerrendak honako puntu hauek barne har ditzake:

• Lo egiteko: joan behera ohearen segurtasuna eta erosotasuna –egunez zein gauez– hobetzeko aholkuak ikusteko.

• Biltegiratzea: jostailuentzako biltegiratze-soluzioek haurren neurrira eginda egon behar dute; eta, bestalde, arropa biltegiratzeko soluzioek haurrei egokituz joan behar dute hazten doazen heinean.

• Jolasteko: haurrek lurrean jolastu ohi dute nagusiki; beraz, jarri iezaiezu jostailuak eskura eta prestatu zorua ahalik eta erosoen izan dadin.

• Argiztapena: argiak doigarria izan behar du, jarduera guztietara egokitu ahal izateko.

• Segurtasuna: segurtasuna da garrantzitsuena.

Gela batean, argia altzariak bezain garrantzitsua da. Sabaiko lanpara piztea edo itzaltzea hasiera besterik ez da. Egunean zehar, jarduera asko egiten dira logelan, hala nola jolastu, irakurri, erlaxatu edo lo egin, eta bakoitzak giro desberdina behar du; beraz, ziurtatu hainbat motatako argiztapen-soluzioak erabiltzen dituzula: sabaiko lanparak, hormako edo mahaiko lanparak…

Kontuan hartu beharreko beste argi-puntu bat leihoa da. Bertatik sartzen den argia erregulatu ahal izango duzu, eguzkia piztea eta itzaltzea posible ez bada ere. Errezel batzuekin, eguzkiaren argiari sartzen utziko diozu. Erabili errezel erdi opakuak argi leunagoa lortzeko. Gauez lo egiteko edo egunean zehar lo-kuluxka bat egiteko, onena estore opaku batzuk aukeratzea da.

Egun osoa jolasean eman ondoren, peluxeei zein gelari gabon esateko ordua iritsi da. Hortik aurrera, gaueko lanpara izango da piztuta geratuko dena.

TROFAST biltegiratze-moduluak klasiko bat dira; izan ere, soluzio horietako batzuk aspalditik ditugu gure artean. Bere arrakastaren arrazoia ez da inolako misterioa: hain sistema erraza da, ezen txikienek ere arazorik gabe antolatu ahal izango baitituzte beren gaiak, eta hain moldakorra denez, ez dute inoiz alde batera utzi nahi izango.

Modulu honek altuera ezin hobea du haurrentzat, eta, gainera, goiko gainazala jolasteko erabil dezakete. Kaxak sendoak eta arinak izateaz gain, erraz ateratzen dira. Horri esker, haurrek gelako edozein lekutara eraman ahal izango dituzte. Zorte pixka batekin, agian beren lekuan amaituko dute dena jaso dutenean. Hainbat koloretako kaxak daudenez, errazagoa izango da gauzak antolatzea.

Azkenik, txikienak hazten direnean, saretadun kaxak jar daitezke plastikozko kaxen ordez –gehiago gustatzen bazaizkie–. Plastikozko kaxa horiek beste gai batzuk nahi duzun lekuan gordetzeko erabili ahal izango dituzu; estalkiak jarri baino ez duzu egin behar kaxak pilatu ahal izateko.

Txikienei ez zaie bakarrik jolastea gustatzen; beraz, egin ezazu zerbait beren jostailu gogokoenak beste gela batera erraz eraman ditzaten. UPPSTÅ orgatxoa aproposa da peluxeak edo jostailuak paseatzeko, eta laguntza handia gidari txikientzat. Jostailu guztiak jasotzeko ordua iristen denean, haurrek gelara bueltan eraman ahal izango dituzte beren lagun guztiak UPPSTÅ orgatxoarekin.