Nola diseinatu PAX armairu perfektua zuretzat

Lehenik eta behin, ikusi zenbat leku daukazun armairurako. Neurtu zorutik sabairainoko altuera eta hormatik hormarainoko luzera, eta ez ahaztu zokaloa kontuan hartzea.

Gure egiturak hainbat tamainatan daude eskuragarri, mota guztietako espazioetarako. Hiru zabalera, bi altuera eta bi hondo daude eskuragarri, eta, horrez gain, erabili gabeko txokoak aprobetxatzeko egitura gehigarri bat ere. Aukera osatzeko, zure armairua erabat pertsonalizatzeko lau kolore eskaintzen ditugu, konbinatzeko errazak direnak: zuria, haritz-efektua tindu zuriarekin, gris iluna eta beix grisaxka.

Aholku bat: 1 cm gehitu beharko duzu bisagradun ateak nahi badituzu, eta 4 cm, berriz, ate lerragarriak nahi badituzu. Eta zure PAX egitura bertikalean muntatzen baduzu, ziurtatu gutxienez 1 cm-ko tartea uzten duzula goian.

Hemen egiten dute beren magia KOMPLEMENT barruko antolatzaileek. Jantzirik handienek eta oinetakoek ia espazio osoa hartzen dutenez, aukeratu lehendabizi KOMPLEMENT barra, apal eta tiraderen nahasketa bat. Soinekoak, alkandorak, galtzak eta berokiak barretan zintzilika ditzakezu, eta bestelako jantziak tolestu (hala nola kamisetak, bakeroak eta jertseak) tiraderetan eta apaletan erraz gordetzeko. Gehitu saretadun saskiak arropa hobeto aireztatzeko eta, behar izanez gero, oinetakoetarako apalak.

Zure jantzi eta osagarri guztiak antolatuak dituzunean, argiztatu ondo espazioa, erraz aurkitu ahal izan ditzazun. Barruan, argia non jartzen duzun arabera, tiradera, erretilu eta barretara zuzendu dezakezu. Gure barruko argiztapen-soluzio integratuek sentsore automatiko bat dute, eta batzuk erregulagarriak dira. Hori oso erabilgarria da intentsitate txikiko argia nahiago baduzu, inor ez molestatzeko. Kanpotik, armairuaren gaineko (edo apur bat goraxeagoko) argiak ikuspegi orokor ona emango dizu, eta logelako giroa areagotuko du.