Nola aukeratu oheko arropa

Oheko arropa aukeratzea misterio handirik gabeko erabakia dela uste dugu maiz. Alabaina, luzarora begira, ohartzen gara zuzenean eragiten duela gure erosotasunean eta deskantsuan. Zer hartu behar dugu kontuan maindireak eta betegarri nordikoak erosteko unean? Ez galdu oheko arropa aukeratzeko ezinbesteko aholkuen zerrenda hau.

Aukeratu oheko arroparen materiala

Materialen aukera zabala da: lyocella, kotoia, poliesterra, satina… Baina, zertan bereizten dira? Materialak ohearen iraunkortasunean eta erosotasunean eragingo du. Poliesterrez egindako oheko arropa merkeenetakoa izan ohi da, baina erosotasun gutxiena ematen duena ere bai, material sintetikoa delako eta gutxi transpiratzen duelako. Askotan, kotoiarekin konbinatzen da jantzi mistoak sortzeko. Bestalde, zeta oso leuna eta freskoa da, baina garestia ere bai. Esan dezakegu, oheko arroparen materialari dagokionez, podioko lehen postuan kotoia kokatzen dela. Izan ere, maindireen eta zorroen transpiragarritasunaren erreferente argia da. Hau da, zenbat eta kotoi gehiago izan, orduan eta transpiragarriagoa izango da oheko arropa. Gure oheko arroparen zati handi bat % 100 kotoizkoa da. Ondorioz, hezetasuna xurgatzen duen material leun eta naturalaz egina dago, eta oso atsegina da ukitzeko. Gainera, 2015az geroztik, erabiltzen dugun kotoi guztia iturburu jasangarriagoetatik dator; hau da, birziklatua da edo ur, ongarri kimiko eta pestizida gutxiago erabiliz hazi da.

TRÄDKRASSULA zorro nordikoa eta 2 burko-zorro, zuria/urdina, 240x220/50x60 cm

Kontuan izan hari kopurua maindireak aukeratzerakoan

Ziur askotan gertatu zaizula bi produktu ia berdin aurkitzea, baina prezio desberdina izatea. Zergatik da hori? Oheko arroparen prezioaren kasuan (adibidez, maindireena), oheko arropa egiteko erabilitako hari kopuruarengatik izan daiteke. Ehunaren kalitatearen adierazle fidagarrienetako bat da. Hari kopuruak, hitzak ongi dioen moduan, hazbete koadro bakoitzak duen hari kopurua adierazten du. Zenbat eta hari gehiago izan, orduan eta handiagoak izango dira ehunaren dentsitatea eta erresistentzia, eta, beraz, kalitatea ere bai. Adibide bat: maindire estandar baten batez besteko hari kopurua 120 inguru da hazbete koadro bakoitzeko. Ehunek benetan kalitatea izateko, 200etik gorakoak aukeratzea gomendatzen da. Beraz, badakizu, zalantzan bazaude, erreparatu beti hari kopuruari.

Ikusi maindireak

Ikusi maindireak

Neurtu ongi lastaira

Oheko arroparen oinarrizko kontzeptuak argi ditugunean, iritsi da aukeratzeko unea. Horretarako, lehenik, lastaira ongi neurtu behar dugu. Begi-bistakoa dirudi, ezta? Alabaina, oheko arropa aukeratzeko eta erosteko unean egiten den akats ohikoenetako bat lastaira ongi ez neurtzetik dator.

Oheko arroparen koloreak eragina du erosotasunean eta kalitatean

Sinestezina badirudi ere, koloreak eragina du oheko arroparen kalitatean. Azalpena oso erraza da. Tindatu behar ez denez, oheko arropa zuriak hobeto mantentzen ditu kotoiaren zuntz naturalak eta, gainera, gehiago zaintzen du ingurumena. Baina arropa zuriak ez digu ematen dekoratzeko hain gustuko ditugun koloretakoak eta estanpatuak diren maindireek eta tapakiek ematen diguten aukera kromatiko hori.

Aukeratu edredoia edo betegarri nordikoa

Edredoi nordikoa aukeratzeko unean, zure termostatoa hartu behar duzu kontuan. Bero asko izaten dutenentzat, betegarri gutxiago duten edredoi nordiko freskoak dira onenak, eta pertsona hozberentzat, berriz, onena da gramaje handiaren azpian oso bero egotea, hau da, betegarri lodia izatea. Ez dakizu zein aukeratu? Lasai, badira egoera orotarako balio duten betegarri nordikoak ere. 4 urtaroetarako edredoi nordikoak (produktu berean betegarri fresko eta bero bana izango dituzu). Tenperatura erregulatzeko, geruzak gehitu edo kendu beharko dituzu, besterik gabe. Erraz-erraza da!

Nola erabaki edredoia