Saltatu
EU ESeuskara

Logela modernoa, eklektikoa eta zure ametsetarako espazioarekin

Itxi atea eta gozatu erabateko lasaitasunaz. Biltegiratze zabalak eta irakurketa-txoko altuak zure gauza guztietarako gune bat sortzen dute, eta, horrela, ez dira gela osoan sakabanatuta amaituko. Dekorazio moderno eta eklektikoak zabaltasuna transmititzen du, eta ametsetako atseden-eremu bat sortzeko behar duzun espazioa ematen dizu. Eta lo egiten ez zaudenean, nahi bezala dantzatzeko astia ere izango duzu.

Logela zabal batean, hezur-koloreko TONSTAD ohe bat MYGGLASVINGE oheko arroparekin hiru BILLY apalategi zuriren aurrean.
Logela zabal batean, hezur-koloreko TONSTAD ohe bat MYGGLASVINGE oheko arroparekin hiru BILLY apalategi zuriren aurrean.

Armairu dotore eta zabala

Berdin dio antolatzea eta planifikatzea gustatzen bazaizu, moda edo hirian paseatzea maite baduzu, poltsak eta zapatak erakutsi nahi badituzu, edo zapatilak (edo agian txanoak?) zure galbidea badira: PAX biltegiratze-sistema moldakorra eta doigarria denez, erraz egokituko da zure bizitzara eta espaziora.

Tiraderak, apalak, egitura-bereizgailuak, esekigailuak, erretilu erauzgarriak… KOMPLEMENT barneko antolatzaileei esker, espazioa magia balitz bezala ordenatzen dute eta dena modu ezin hobean sartzea lortzen dute. Jarri argia barruan, itxi ateak eta erlaxatu.

Ikusi PAX sistema
Irudien collage animatu batean, KOMPLEMENT barruko antolatzaileak PAX armairu batean dituzten funtzio desberdinak erakusten dira.
Ikusi PAX sistema

Komoda: klasiko fidagarri bat

Ez gutxietsi MALM komoda baten balioa. Antolatu tiraderak SKUBB osagarriekin dena txukun mantentzeko, bereziki forma bereziak dituzten eta begi-bistan ondo geratzen ez diren gaiak. Berdin dio horma baten kontra edo hutsune batean jartzea: gela zeharo aldatuko da. Aukeratu ondo gainean jarriko duzuna eta erakutsi zure sormena.

Ikusi komoda guztiak
Bi BÄCKNATE sabaiko lanpara-pantaila zuri ohe baten, bureta baten eta zutikako lanpara baten atzean dauden 4 tiraderako MALM komoda zuri batzuen gainean zintzilik.
Ikusi komoda guztiak

Ametsetako ekipo bat: BILLY liburutegia eta izkina bat

Liburuek aukeratu ahal izango balute, argi daukagu zein izango litzatekeen haien lekurik gustukoena: zalantzarik gabe, BILLY liburutegia. Ia 50 urte daramatza gogokoenetako bat izaten, eta liburuek eta irakurleek egunero maitemintzen dira gure liburutegi enblematikoarekin. Gainera, apal erregulagarriak, unitate pertsonalizatuak, tiraderak eta ateak dituenez, era guztietako gaiak antolatzeko egokitu daiteke, liburuak baino askoz gehiago. 

Osatu zure txokoa chaise longue edo besaulki batekin, zure liburuen ondoan erosotasun handienaz gozatzeko.

Ikusi liburutegi guztiak
Bi BILLY liburutegi zuri horma turkesa baten kontra; ondoan, zutikako lanpara zuri bat eta SÖDERHAMN chaise longue beix argi bat daude.
Ikusi liburutegi guztiak

Bihurtu ohea lasaitasun-eremu

Bihurtu gelaren erdialdea atsedenleku zoragarri. Zehaztu estiloa ondo ematen duten TONSTAD sortako ohe batekin eta gau-mahai batekin, akabera leuna, informala eta baketsua sortzeko. Nabarmendu ohea material naturalekin eta kolore neutro argiekin. Horrela, bertatik atera nahi ez izatea lortuko duzu.

Ikusi oheko arropa guztia
Hezur-koloreko TONSTAD gau-mahai bat, hezur-koloreko TONSTAD ohe baten ondoan, koloretako MYGGLASVINGE oheko arropaz jantzita.
Gainean burko bat duen edredoi baten lehen planoa; koloretako MYGGLASVINGE zorro nordikoa eta burko-zorroa dituzte.
Ikusi oheko arropa guztia

Nabarmendu logela banku batekin

Gehitu TOLKNING banku bat ohe inguruko altzari-multzoari. Ratan naturalez eginda dago, eta bere epeltasun eta lur-tonuei esker, giro lasaia sortzen du. Gainera, eskuz banan-banan ehunduta daudenez, izaera berezia hartzen dute urteak igaro ahala.

Hori gutxi balitz bezala, gainazalaren azpian dirudiena baino gehiago aurkituko duzu. Altxatu goiko aldea biltegiratze-eremu zabal bat deskubritzeko eta era guztietako gauzak eskura mantentzeko. Eta gauean ohe gainean kuxin gehiegi badituzu, bankuaren gainean jar ditzakezu.

Ikusi banku guztiak
Ratanezko TOLKNING biltegiratzedun banku bat ohe baten oinaldean; gainean, koloretako SVARTHÖ zorroak eta SANELA zorro urdinak dituzten kuxinak ditu.
Ikusi banku guztiak

Sortu leuntasunez betetako horma bat

Jarri sabaitik lurreraino heltzen diren gortinak zure dekorazio minimalistari ukitu berezi bat emateko. Luzeak eta arinak badira, gelaren itxura leunduko dute eta zabaltasun-sentsazioa indartuko dute, eta hotza dela edo hutsik dagoela iruditzea saihestuko dute.

Konbinatu estoreekin bi munduen onenaz gozatzeko: egunez, pribatutasuna eta argia; gauez, berriz, lo egiteko behar den iluntasuna. Logela minimalista bake-oasi bihurtuko du.

Ikusi estore eta gortina guztiak
Leiho batean, VECKLARFLY estore veneziar zuri bat erdi irekita ageri da; aurrean, HÄLLEBRÄCKA errezel beix argia du.
Ikusi estore eta gortina guztiak

Gehitu idazmahai bat administrazio-lanak mugatzeko

Oso erabilgarria izango da egiteke dituzun zereginen zerrendak eguneratzeko, zure zaletasunak egiteko edo zure egunerokoan idazteko espazio espezifiko bat izatea; bestela, gauzak gela osoan sakabanatuta amaituko dira. 

Horretarako, TONSTAD idazmahai klasikoa oso erabilgarria da. Bere itxura dotore eta estilizatuak akabera klasikoa ematen dio gela osoari, baina espazio guztia bereganatu gabe. Eta apain-mahai bezala erabili nahi baduzu, atzean dagoen horman ispilu bat jarri besterik ez duzu egin beharko. Beti txukun!

Ikusi idazmahai eta mahai guztiak
TONSTAD idazmahai marroi bat ageri da KAFFESTRÄD ratanezko ispilua duen horma baten kontra. Ondoan, MODERMOLN lanerako lanpara kromatu bat dago.
Ikusi idazmahai eta mahai guztiak

Leku moderno eta eklektiko batean erlaxatzeko unea da!

Espazio handi bat logela zoragarri bihurtzeko, lekua hainbat eremutan banatu besterik ez duzu egin behar. Horrela, erraz pasa zaitezke jarduera batetik bestera (hala nola liburu bat irakurtzetik parrandarako prestatzera edo lagunekin hizketan egotera), beti ordenatuta egongo den eta lasaitasuna transmitituko duen espazio batean.

Horretarako, oso erabilgarria da biltegiratze-soluzio desberdinak izatea eta dekorazio informal eta eklektikoa ezartzea. Biltegiratze irekiak zure gauzei protagonismo guztia emateko aukera eskaintzen dizu; eta biltegiratze itxiak, berriz, gauzak behar dituzun unera arte bistatik kentzen laguntzen dizu.

Emaitza? Zure ametsetako logelan bizitzeko askatasuna.

Logela zabal bat, hezur-koloreko TONSTAD ohe batekin, MYGGLASVINGE oheko arropaz jantzita, hezur-koloreko ateak dituen PAX armairu baten ondoan.

Kontaiguzu zure esperientzia!