TOLKNING Oheburukoa, eskuz ratana
Nola lortu
TOLKNING serie moldakorra itxura epela ematen dioten zuntz naturalez egina dago. Ratanezko oheburu independente honek giro lasaigarria sortzen du, eta urteak igaro ahala are ederrago eta pertsonalago bilakatuko da.
Produktuaren xehetasunak
Artisau trebeek eskuz egindakoak direnez, produktu bakoitza berezia da
Ratana denbora igaro ahala patina ederra lortzen duen materiala da.
Materialak natura kutsua emango dio zure etxeari, baita giro lasai eta epela ere.
Hainbat oheburu eskuratuz, elkarrekin koka ditzakezu, oheburu handiagoa sortzeko.
Ez zara hormako urradurez zertan kezkatu, oheburuaren atzealdeak jutezko kolpe-leungailu txikia baitu urradurak prebenitzeko.
Oheburua laguntzarik gabe mantentzen da zutik, horman finkatzea beharrezkoa izan ez dadin.
Oheburuaren hankak zokaloa duten zein zokalorik gabeko hormen kontra jartzeko diseinatuta daude.
Nike Karlsson
Neurketak
- Zabalera: 100 cm
- Altuera: 96 cm
- Lodiera: 3 cm
- Lastairaren zabalera: 90 cm
Bezeroen iritziak
Lotutako produktuak
Zuretzat gomendatua
Gonbidatu natura zurera
TOLKNING ekoitzi genuenean, artisau adituekin egin genuen lan. Horren emaitza izan da zuntz naturalekin egindako apaingarri eta erabilera anitzeko produktuen sorta. Epelak izateaz ez ezik, izaera handia ematen diote pieza esklusibo hauek.
Simi Gauba eta Kristin Pfannesnschmidt produktuen ekoizpenean aritzen direnen arteko bi dira. Vietnamen egiten dute lan eta zuntz naturalekin askotan ibiltzen dira. "TOLKNING sortu genuenean, materialaren idarguneak eta ahulguneak ezagutzen zituzten artisauekin egin genuen lan", esan du Simik. "Haiek gabe, ez ginateke produktuok gure bezeroei eskaintzeko gai izango".
Forma eta funtzioa, eskutik helduta
Zuntz naturaletako bakoitza ongi tratatzen denean, ia edozertan bihur daiteke. "Ederrak bezain erabilgarriak diren produktuak sor ditzakegu. Ezinezkoa da bi produktu berdin-berdin egitean, izan ere, zuntz bakoitzak bere ezaugarriak ditu. Bestalde, bezeroek izaera handiko pieza esklusiboa eskura dezakete", esan du Kristinek.
Gizakiaren eta naturaren arteko kooperazioa
Simiren arabera, zuntz naturalekin lan egitea erronka bat izan daitekeela, baina hori dela, hain zuzen, bere xarmaren parte. "TOLKNING bildumak mantendu beharreko ondarearen adibide argia dira: gizakia eta natura elkarrekin, gaitasunak belaunaldiz-belaunaldi igarotzen. Esango nuke hori dela produktuok hain maitatuak izateko arrazoia. Jendeari haien arima eta epeltasuna gustatzen zaizkie. Benetako materialak eta naturaren edertasuna etxera eramateko aukera paregabea".
Materiala
Zer da ratana?
Ratana izen bereko landarearen zurtoinetik ateratako material indartsu baina arin eta malgua da. Osorik zein material meheagoetan zatiturik erabil daiteke, altzari eta saskiak egiteko txirikordatuta. Ratana palmondoen familiaren parte da eta zuhaitzetan gora egiten du, baina ez da zuhaitzik mozten ratan-kanaberak jasotzerakoan. Material naturala denez eta produktuak askotan artisau adituek eskuz egiten dituztenez, objektu bakoitzak bere itxura bakara du.
Produktuaren atzeko ideia
Produktuaren atzeko ideia
"TOLKNING seriearekin nire asmoa zuntz naturalez egindako produktu jasangarriak sortzea zen , hainbat modutan eta etxeko hainbat lekutan erabil zitezkeenak. Eskandinaviako nire herentziatik abiatu nintzen, eta, egiten jakitearekin eta artisauen trebetasun profesionalekin batera, produktu bakarrek forma hartu zuten: pertsonek eginak, pertsonentzat eginak. Espero dut baliagarriak izatea, poza ematea eta harro sentiaraziko zaituztela aukera kontziente bat egin izanaz".
