TAVELÅN Erretilua
Nola lortu
Erretilu apaingarri hauekin gauza asko gordetzeko tokia izango duzu, baita leku txikietan ere. Aproposa da edozer jartzeko: mahai-tresnak, espeziak, orraziak, azazkaletako limak. Bata bestearen gainean jarriz gero, are toki gutxiago hartuko dute.
Produktuaren xehetasunak
Ezin hobeki geratzen dira ENHET hormako egitura irekiekin, baina nahi duzun tokian erabil ditzakezu. Gainazal, apal, armairu edo tiradera batean?
Apaingarria, praktikoa eta, gauzak beste nonbait behar badituzu, mugitzeko erraza.
Erretilu handiaren gainean edozer jar daiteke: mahai-tresnak, espezia-errotak, lurrin-potoak, ontziak eta abar.
Erretilu txikian, espezia-poltsatxoak edo higiene-produktu txikiak gorde ditzakezu.
Tiraderak banbuz eginak daude; azkar-hazten den material iraunkorra eta naturala, hezetasuna eta ur-zipriztinak jasaten dituena.
IKEA of Sweden/E Lilja Löwenhielm
Neurketak
- Pakete-kopurua: 2 pack
Bezeroen iritziak
Pertsonalizatu zeure ENHET sukaldea
ENHET sukaldearen itxura eta funtzionaltasuna pertsonalizatu nahi dituzu, zure espaziora, beharretara eta gustuetara egokitzeko?
Ezagutza partekatua berrikuntzen iturri
ENHET izan da sukalde eta bainugela arloetako adituek elkarlanean garatu duten lehenengo biltegi-seriea. Baina ondo pentsatuta, kolaborazio logikoa da. Sukaldeek zein komunek behar dituzte lanerako espazioa, biltegiratze-soluzioak eta antolatzeko aukerak, eta, leku hezeak izaki, denbora zein eguneroko erabilera jasan beharko dituzte. Jakin badakigu zenbait espaziotan jendeari batzuetan zaila eta neketsua iruditzen zaiola ingurua planifikatzea eta muntatzea. Hori aldatu egin nahi dugu.
ENHET seriearen helburuetako bat zen atal guztiak erraz muntatu behar zirela, intuizioz eta tresna berezirik erabili gabe. Armairu eta tiraderen kasuan, zurezko "wedge dowel" sistema erabiltzen da, zeina IKEA-ko osagarri klasikoen sistemak ordezten hasi baitzen duela urte batzuk.
"Grisen", muntatzeko erraza
Baina berrikuntza ezinbestekoa zen metalezko egituradun biltegi irekien kasuan. Horrela sortu zen "Grisen" ("Txerria" suedieraz), metalezko "wedge dowel" sistema, klik soil batez egiturak erraz muntatzeko aukera ematen duena. "Txerrikume txiki baten muturra dirudi; beraz, goitizena era naturalean bururatu zitzaigun" azaldu du Daniel Loader-ek, produktua sortzeko prozesuko kideak.
Altzairu fidagarria
Metalezko egituren erronketako bat zen altzairuak hezetasuna jasan behar zuela sukalde eta bainugeletan, herdoildu gabe. "Automobilgintzan erabiltzen den metodo bat deskubritu genuen, "AD estaldura" izenekoa" esan du Daniel-ek, eta azaldu du metodo horretan egituraren estalduran integratuta daudela atal guztiak. "Laborategiko proben argazkiak ikusita, argi geratu zitzaigun hura zela soluziorik onena. Bestelako estaldurak zituzten ataletan herdoila ageri zen, eta AD estaldura zuten ataletan, ordea, ez zen herdoilik ageri". Atzera begira, Danielek uste du proiektuak ikuspegi garrantzitsuak ahalbidetu dituela. "Zerbait gertatzen da esperientzia ezberdinak bizi izan dituen jende asko elkartzen duzunean, eta une sendo eta berritzaileak sor daitezke".
Materiala
Zer da banbua?
Sendoa, malgua eta munduan azkarren hazten den landareetako bat; banbuak erabilera asko ditu, material berriztagarri bikaina egiten dutenak. Belar mota bat da eta, oro har, ongarri edo ureztapenik gabe hazten da. Uzta bildu ondoren, 4-6 urte igaro ondoren uztarako prest egongo diren kimu berriak haziko zaizkio. IKEA-n banbua erabiltzen dugu altzariak, bainugelarako apaingarriak, saskiak eta lanparak bezalako produktuak egiteko, eta etengabe ari gara erabilera-eremu gehiago aztertzen erabilera anitzeko material honentzat.