Kanpora tiratzeko armairu hau haurren ikuspegitik diseinatu da. Hala, armairu osoa ikusiko dute, eta bi aldetatik har ditzakete arropak eta bestelako gauzak. Haur txikiek nahiz gauza garrantzitsuagoekin lanpetuta dabiltzanek erabil dezakete.
Produktuaren xehetasunak
Haurren ikuspuntua hartu dugu kontuan tiratzeko biltegi hau garatzean, haurrak arropa eta tresnak bere kabuz ikusi eta hartzeko gai izan daitezen.
Muntatzeko erraza: egitura erremintarik gabe elkar dezakezu, eta tiratzeko atalerako, tresna gutxi batzuk besterik ez dira behar.
Kakoak barruan eta kanpoan dituenez, errazagoa da arropa, bizkar-zorroak eta zoruan botata geratu ohi diren gauzak esekitzea.
Tiratzeko biltegiaren behealdean bizkor bildu beharreko edozer sartzeko kaxa bat dago.
Baliabide naturalak aurrezteko eta zuhaitzak ahalik eta gehien aprobetxatzeko, zerrategiko soberakinak eta hondakin-zura erabili ditugu SMÅSTAD-en taula aglomeratuetan.
Neurketak
- Zabalera: 80 cm
- Sakonera: 57 cm
- Altuera: 108 cm
Bezeroen iritziak
Diseinatu zeure SMÅSTAD "haurrentzako" biltegiratzea
SMÅSTAD biltegiratzearen itxura eta funtzionaltasuna pertsonalizatu nahi dituzu, zure espaziora, beharretara eta gustuetara egokitzeko?
Erraz aurkitu gauzak armairu ateragarrian
Haurren arropa pilatuta geratzen da armairuan edo lurrean? Ez da harritzekoa. Haurrentzat ez da erraza arropak esekigailuetan jartzea eta denbora asko behar dute. Lau urteko haur batentzat, esaterako, gehiegizkoa da. Horregatik, SMÅSTA biltegiratze-sistema garatzen ari ginenean, haurren gaitasunetan eta beren errealitatean oinarritutako armairu bat sortu nahi genuen. Gure inspirazioaren zati bat ezusteko leku batean iritsi zitzaigun, sukaldean.
Karin Blindh Pedersen produktu sortzailea eta haren kideak mundu osoko familiak bisitatzen hasi ziren. "Ikusi genuen haurrentzat egokitutako armairuak ere sakonegiak izaten direla sarritan. Haurrak ezin izaten dira denetara iritsi, edota ezin izaten diete beren jantziei begiratu bat eman ".
Sukaldeko ohiko izatetik, logelako heroi izatera
Taldekideek zenbait biltegiratze-soluzio aztertu zituzten, eta konturatu ziren tiradera ateragarria sukaldean sortua zegoela dagoeneko. "Dena ikusten duzu, eta denetara irits zaitezke. Armairu ateragarriaren ideia sortu zitzaigun orduan; barruan dagoen guztia ikus dezakezu begiratu batean eta bi aldetatik irits zaitezke gauzak hartzera". Kakoek eta apalak erraztu egiten dute haurrek jantziak eta bestelakoak hartzea edo esekitzea. "Arropa bat pertxa batean esekitzeko edo apal sakon batetik hartzeko, haurrentzat zailak izaten diren zenbait trebetasun motore behar dira" azaldu du Karinek.
Adin guztietarako kaxa
Segurtasun-adituak proiektuan nahasi ziren eta konturatu ziren armairu ateragarriaren azpialdea egonkortuko zuten alboko sekzioak behar zirela. Horrela, denetarik gordetzeko kutxa bat sortu zuten, lehendabiziko pixoihal paketeak zein mozorroak gordetzeko balio duena. Azkenik, nerabeek ere beren gauzak botatzeko eta kiroletako arropa zein materialak gordetzeko gune ere bilaka daiteke. Karinek uste du kaxak armairu ateragarriaren proiektua borobiltzen duela. "Gauzak beren kabuz egiteko baldintza egokiak eman nahi genizkien adin guztietako haurrei, modu erraz eta erosoan".
Materiala
Zer da eraikitako ohola?
Eraikitako oholak erabiltzen ditugu gure altzarietako asko egiteko, hala nola mahaiak eta armairuak. Arinak baina egonkorrak eta sendoak dira. Ohol bakoitzak taula aglomeratuz, zuntzezko oholez edo egur solidoz egindako egitura bat du; barnealdea, berriz, gehienbat paper birziklatuz egindako abaraska itxurako egitura bat da, bere eraikuntza bereziari esker oso iraunkorra dena. Ondoren, ohola pintura babeslearekin margotzen da, laminatu egiten da edo xaflekin estaltzen da, nahi den estiloaren arabera.