Idazmahaiko babes beltz honek idazmahaian lan egiteko gainazal leuna eskaintzen du, idazmahaia zikinkeriatik eta urraduretatik babestuz. Gainera, lan egiterakoan kafe pixka bat erortzen bazaizu, erraz garbitzen da.
Produktuaren xehetasunak
Idazmahaia orbanen eta zikinkeriaren kontra babesten du.
Neurketak
- Luzera: 65 cm
- Zabalera: 45 cm
Bezeroen iritziak
Lotutako produktuak
Zuretzat gomendatua
Arakatu eskura dituzun aukerak
Probatu birtualki altzariak eta dekorazioa erosi aurretik zure etxerako konbinazio perfektua aurkitzeko.
Hondakinak baliabide bihurtzea
IKEA-n egunero lan egiten dugu jendearengan eta planetan eragin positiboa izan dezaketen aldaketak bultzatzeko. Etxean eta lanean energia eta baliabideak aurreztea gure lehentasun nagusietako bat da. Pentsamolde horrekin lan egiten dugu hasiera-hasieratik, duela 70 urte baino gehiago; helburu handiak ezartzen dizkiogu geure buruari, baita berritzeko desafioak ere. Aurrera egiteko, galdera zailak egiten dizkiogu geure buruari. Zer hobe dezakegu? Behar besteko inplikazioa al dugu? Aurrez al ditzakegu energia eta baliabideak hondakinak berrerabiliz?
Galdera hauetako batzuen erantzuna begi-bistakoa da. IKEA-k bere dendetarako haize-turbinetan eta eguzki-paneletan egindako inbertsioari erreparatu besterik ez dago, adibidez; bestalde, LED bonbillak baino ez ditugu saltzen, eta birziklatutako materialez egindako hainbat produktu eskaintzen ditugu.
Dendetako hondakinei etekin handiagoa ateratzea
IKEA-ren denda eta enpresetan ere energia eta baliabideak aurrezten ditugu; iaz, esaterako, ekoitzitako baliabideen % 78 birziklatu genuen. Kopuru hori handitzeko lan egiten jarraitzen dugu eta, aldi berean, dendetan hondakinak murrizteko proiektuak sustatzen ditugu, konpondu, berrerabili eta birziklatu zikloa bultzatze aldera. Denda batzuek lastairak itzultzeko sistema antolatu dute, lastairok birziklatu eta energia berreskuratzeko; beste zenbait dendatan, halaber, erabilitako ehunak bildu dituzte, dohaintzan emateko nahiz birziklatzeko. 2013. urteaz geroztik, IKEA-ko proiektu-talde batek beste ikuspuntu batetik ikusten ditu dendetako hondakinak: IKEA produktuen lehengai bezala, hain zuzen ere. Garraiatu baino lehen paletak biltzeko erabiltzen den plastikoarekin hasi ziren. Zer egin dute horrekin? SKRUTT idazmahai-babesa! SKRUTT egiteko, Italia eta Frantziako IKEA dendetan plastikozko xafla hartzen da; sailkatu, ehotu, garbitu, lehortu eta iragazi ondoren, granulu bihurtzen da plastikoa. Gero, granuluak IKEA-ko hornitzaile batengana igarotzen dira, zeinak plastiko birjina apur batekin nahasi eta tindatu, neurtu, moztu eta paketatzen baititu. Ondoren, SKRUTT idazmahai-babesak etxera itzultzen dira. Hasierako denda berberetan saltzen dira, baita mundu osoan zehar barreiaturik IKEA-k dituen denda askotan ere. "Oso harro nago nire dendak proiektu honetan parte hartzeaz, eta batez ere, produktu berriak lortzen ditugula esan ahal izateaz, hondakinak sailkatzen denbora pixka bat emanda", dio Vincent Locatellik, Frantziako IKEA denda batean SKRUTT egiteko hondakinak biltzen dituen kolaboratzaileak.
Plastiko-xaflen hondakinekin hasi ginen
SKRUTT idazmahai-babesa sortzeko IKEA-ren hondakinak erabiltzeak petrolio "birjina" gutxiago erabiltzeko, atmosferara karbono dioxido gutxiago isurtzeko eta energia-kontsumoa murrizteko aukera ematen du. Gainera, SKRUTT birziklatu egin daiteke. "SKRUTT idazmahai-babesa IKEA dendetako hondakinak aprobetxatuz gero lortu dezakegunaren adibide ona da", dio Annika Perssonek, proiektuen taldeko komunikazio-adituak. "Eta hau hasiera baino ez da". Annika eta IKEA-ko proiektuen taldea plastikozko hondakinak berrerabiltzeko modu gehiagoren bila ari diren bitartean, dendetan sortzen diren beste hondakin batzuekin lanean ari dira dagoeneko. "Kartoia ere biltzen dugu, gauzak biltzeko material gisa ere erabili edo IKEA produktu berri bihurtu baitaiteke", azaldu digu Kent Larssonek, proiektuen taldeko negozio-garapenerako teknikariak. Beraz, SKRUTT bezalako produktuak erosten dituzunean, ez duzu zure idazmahaia bakarrik babesten. Elkarrekin, zirkuitua ixten ari gara, erantzukizunak hartzen eta sortzen dugun hondakin-kantitatea murrizten, hain zuzen ere.
