- Garbigailuan garbitu daiteke
Triku bigun hau kiribildu eta bola bat bihur daiteke, naturan izutzean egiten duten era berean. Eta, ziurrenez, irribarrea ere sentituko duzu? Haurrarekin izango dituzun une dibertigarri guztiez pentsatzen ari zara, agian.
Produktuaren xehetasunak
Trikuak hosto piloen azpian babesten dira egunean zehar eta neguan hibernatu egiten dute. Beraz, utzi lorategian edo parkean beren txokoa izaten. Hau, aldiz, leuna da eta etxe barruan jolasteko aproposa.
Belkrozko itxiturari esker, erraza da jostailu leun hau bola batean gordetzea.
Birziklatutako poliesterrez egina, azal sentikorrerako leuna eta samurra dena.
Peluxe guztiei gustatzen zaie besarkatzea, kontsolatzea, jolastea eta entzutea. Gainera, guztiz seguruak dira, segurtasun-probak gainditu baitituzte.
Badakigu gure peluxeek maitasunez betetako urte askoz iraun behar dutela. Horregatik, material bigunak eta begi brodatuak aukeratu ditugu, garbitze-proba zorrotzak egin dizkiegu eta produktu kimiko kaltegarririk ez dutela ziurtatu dugu.
Basoaz liluratuta eta han bizi diren animaliez maiteminduta dauden haurrentzako opari perfektua.
SKOGSDUVA bildumako jostailu, ehun-gai eta osagarriekin, Eskandinaviako basoetako gauza harrigarriei eta gure sustraiei buruzko jakin-mina piztu eta gehiago ikastera inspiratu nahi ditugu haurrak.
Malin Gyllensvaan
Neurketak
- Luzera: 21 cm
Bezeroen iritziak
Arakatu eskura dituzun aukerak
Probatu altzariak eta dekorazioa elkarrekin modu birtualean eta aurkitu produktu perfektuak zure haurrarentzako gune dibertigarria eta funtzionala sortzeko.
Zatoz baso sorgindura
Baso isilaren erdian, ezkutuko bizia dago. Trikuen familia arbola-ipurdi batean bizi da, eta hontza, untxia eta beste lagun batzuk gonbidatu dituzte tea hartzera. Kanpoan, ilargiak distira egiten du eta, zuhaitzen artean, bat-batean aurora boreal berde bat ikus daiteke zerua argitzen.
“SKOGSDUVA bildumak baso magikora garamatza, gure sustrai eskandinaviarren zati handi bat dena IKEA-n”, dio Anna Edlundh produktu-garatzaileak. “Basoa lasaia dela eta hutsik dagoela eman dezake, baina hurbilagotik begiratuz gero, bizirik dago animalia eta landare zirraragarri askorekin, baita negu hotzean ere”.
Ametsetan aritzeko mundu bat
Oheko arropa, jostailu eta osagarrien bilduman, Eskandinaviako animalia tipikoak ditugu. Trikuen familiaz eta haien lagunez gain, artikoko azeri zuria, igaraba, katamotza eta beste asko daude. “Malin Gyllensvaan diseinatzaileak mundu zoragarri bat sortu du bere irudietan xehetasun liluragarriekin: hamaka batean lo egiten duen sagua, begizta bat duen beste bat... Denek dituzte bizitza gizatiarrak, eta espero dut bai haurrak bai helduak oheratzeko orduan beren istorio propioak sortzeko inspiratzea”. Peluxeei esker, pertsonaiak istorioetatik atera eta jolasaren zati bihurtzen dira. “Badakigu haurrei peluxe errealistak gustatzen zaizkiela; beraz, ahalegin handia egin dugu aurpegiko adierazpen eta emozio egokiak aurkitzeko”.
Goroldioa bezain leuna
Annaren gogokoenetako bat alfonbra berdea da. “Leuna eta atsegina da, basoko goroldioaren antzera, eta jolasteko ezin hobea da. Bildumako kuxinak alfonbratik ateratzen diren lore leun eta onddo bihurtzen dira”. Bildumak basoarenganako interesa piztea eta hura ulertu nahi izateko grina sortzea espero du Annak. “Azken finean, basoa animalia eta landare guztien etxea da, eta horregatik da hain garrantzitsua hura zaintzen laguntzea”.
Produktuaren atzeko ideia
Produktuaren atzeko ideia
"SKOGSDUVA bildumak haurtzaroan hartzen du inspirazioa, aire zabalean luzaroan egon ohi nintzenean; animalia desberdinak bizi ziren irudimenezko munduak sortzen nituen. Haurrek natura etxeko atetik haratago esploratzea nahi dut, eta animalia horiek beren geletan ere bizi daitezkeela sentitzea. Uste dut haurrei gustatzen zaiela giza-bizitza eta harreman konplexuak dituzten animaliak irudikatzea, arroparekin eta altzariz hornitutako etxe txikiekin bizi direnak".