- Garbigailuan garbitu daiteke
JÄTTELIK bilduma bikaina da dinosauroak atsegin dituztenentzat. Zure seme-alabaren logela espazio zirraragarri bihurtzeko behar duzun guztia eskaintzen dizu, forma, tamaina eta kolore guztietako historiaurreko animaliekin.
Produktuaren xehetasunak
Brontosauroa, lepo luzea eta buru txikia dituenez, erraz identifikatzen da. “Trumoi musker” ere esaten zaio, alde batetik bestera mugitzen zenean lurrak burrunba egiten zuen eta. Eta ez da harritzekoa, 22 metroko luzera baitzuen, eta 15 tona.
Tamaina handian ere eskuragarri. Txikiak garenean, asko lasaitzen gaitu pertsona heldu bati eskua ematea.
JÄTTELIK bildumak dinosauroen 11 bertsio eta arrautza bat ditu, denak ere mainati bezain abenturazaleak. Zein da zure gogokoena?
Peluxe guztiei gustatzen zaie besarkatzea, kontsolatzea, jolastea eta entzutea. Gainera, guztiz seguruak dira, segurtasun-probak gainditu baitituzte.
Ann-Cathrine Sigrid Ståhlberg
Neurketak
- Luzera: 55 cm
Bezeroen iritziak
Zergatik gustatzen zaizkie horrenbeste dinosauroak haurrei?
Dinosauro txikien maitaleei zuzenduta dago JÄTTELIK. Tyrannosaurus Rex dinosauroaren elikatze-ohiturei dagokienez irakaspenak ematen dizkigute, eta gai dira esateko Velociraptor batek orduko 50 kilometroko abiaduran korrika egin dezakeela. Baina zer da dinosauroen inguruan haurrak hainbeste txunditzen dituena? Nola ikas ditzakete buruz hainbeste datu, eta hain izen luzeak? Aditu batek laguntzaz, hori hobeto ulertzea lortu dugu.
Lona Bodestad haurren garapenean espezializatutako psikologoa da. Uste du errealitate eta fantasiaren arteko konbinazioa dela izaki prehistoriko horien gaineko jakin-mina pizten duena. "Haurrek ezagutzen dituzten animalien antzeko hainbat ezaugarri dituzte dinosauroek, baina irudipenari ere eragiten diote, horiei buruzko ipuin eta kondairen bitartez. Jakin-mina pizten dute dragoi baten antzera hegaz egiteko gai direlako, edo munstroen hortz zorrotzak dituztelako. Errealitatearen eta fantasiaren arteko lerroa lausotzen denean, haurrak jakin-mina eta emozioa senti ditzake".
Mundu jasangarriagoa
Baina guztia ez da mundu zirraragarri eta magikoan murgiltzea. Hiru eta sei urte bitarteko haurrek beren ingurunea sistematizatzeko beharra izaten dute maiz, jostailuak kolorearen arabera antolatzen dituztenean bezala. "Bada zerbait zirraragarria adin horietako haurrengan; datuak biltzea maite dute eta gauzak nola konektatuta dauden ulertzen saiatzen dira etengabe, baita horiek konparatzen eta sailkatzen ere. Mundua ulergarriagoa bilakatzen da horrela" azaldu du Linak.
Konfiantza areagotzea
Haurrentzat garrantzitsuak direnez xehetasun eta datuak, JÄTTELIK dinosauro guztiak egiazkoetan inspiratuta daude. Ezagutza berezi hori edukitzeak benetan zerbaitetan maisu diren sentsazioa ematen die haurrei, eta horrek beren konfiantza areagotzen du. "Guraso gisa, gai honi buruz askorik jakin gabe ere, haurrek harro egoteko arrazoia izango dute zuk baino gehiago jakingo dutelako duela 65 milioi urte existitzen ziren haragijale eta belarjaleen arteko ezberdintasunen inguruan".
Kalitatea
Politak eta seguruak dira? Noski baietz
Egon lasai. Umeentzako gure produktu guztiek kalitate- eta segurtasun-estandarrik zorrotzenak betetzen dituzte. Gure jostailuek erresistentzia-froga gogorrak gainditu dituzte, eta 2 urteko edozein umek egin dezakeena baino indar handiagoak aplikatu dizkiegu. Larritzeko arrazoirik izan ez dezazun eta zure seme-alabek atsedenik gabe jolas dezaten.
Funtzionaltasuna
Behin eta berriz besarkatzeko peluxeak
Badakigu gure peluxeek maitasunez betetako urte askoz iraun behar dutela. Horregatik, material bigunak eta begi brodatuak aukeratu ditugu, garbitze-proba zorrotzak egin diezkegu eta produktu kimiko kaltegarririk ez dutela ziurtatu dugu. Erraza izango da berriak balira bezala mantentzea, garbigailuan garbi daitezkeelako.