DEKORERA bilduma: iraganeko maisuetan inspiratua

Oporrak hurbiltzen eta gauak luzatzen ari diren egunotan, gogora etortzen zaizkigu XVII. mendeko Herbehereetako margolari maisuen artearen eredu diren erretratu eta natura hil ilun eta gogoetatsuak; besteak beste, Rembrandt, Vermeer eta Hals maisuen lanak, urre koloreko argi-zirimolaz, etxeko eszena jostalariz eta izkina ilunez beteak daudenak.

Irudi horietan inspiratu da gure diseinatzaile-taldea DEKORERA bilduma garatzean. Bilduma horretan, artista haien lanaren kolore aberatsak eta estiloa Eskandinaviako artisautzarekin konbinatu dira etxea atontzeko osagarriak eta ehunak sortzeko. Horiei esker, negurako giro goxoa eman ahal izango diozu etxeari.

IKEA DEKORERA bildumako hainbat produktu egongela eroso batean daude, kuxinak dituen sofa berde ilunarekin.

Distiratsua eta polita

Eguna iluntzen hastean etxeari behar duen argitasuna emateko aukera xarmagarria da kandela pare bat piztea. DEKORERA argimutila ez da diseinuzko osagarri nabarmena soilik, praktikoa ere bada.

Bi DEKORERA argimutil beltz mahai baten gainean; ondoan, madariak eta liburuak daude pilatuta.

Kolorea barra-barra!

Ukitu koloretsuek guztia aldatzen dute. DEKORERA bilduman ehunak ere sartu ditugu, bildumako osagarrien kolore ilunagoen gehigarri gisa. Kontrastea egiten duten tapaki eta kuxin koloretsuek diamante-eredu bereizgarria dute. Argi gutxiko egongeletan arreta erakartzen dute, eta goxo-goxo egoten ere laguntzen dute.

Diamante-eredua eta kolore biziak dituzten DEKORERA tapaki eta kuxinak banku baten gainean pilatuta, eskailera baten ondoan.

Zuretzat egindako maisulana

Asmatu duzu zer den? Vermeer eta Da Vinci-ren bi margolan famaturi egiten diete erreferentzia bi erretiluek; ezagunak egingo zaizkizu, ziur aski. Jatorrizkoak baino apur bat merkeagoak dira, etxeko hormak apaintzeko erabili nahi badituzu. Kafea eramateko ere erabil ditzakezu.

Bi DEKORERA erretilu, da Vinci eta Vermeer margolarien irudi moldatuekin, zintzilik daude bata bestearen ondoan soka batekin horma marroi argian.

Lasaia eta landatarra

Katilu, pitxer eta lorontzi hauen forma biribildu eta leunek Ipar Europako artisautza eta teknika tradizionalak islatzen dituzte. Erraz imajina ditzakegu duela urte asko baserri batean ospatutako jaieguneko otordu batean, baita zure mahaian ere.

DEKORERA katilu, ontzi eta pitxer zuriak bata bestearen gainean jarrita sukaldeko ontzitegiaren gainean; pitxer batek loreak ditu.

Jai-giroko freskotasun sinplea

Itxura guztiz berria dirutza gastatu gabe. Hori da zure ametsa, ezta? Jarri estalki hau zure STRANDMON besaulkiari eta gehitu kuxin bat (eta alfonbra bat, luxuzko ukitua nahi baduzu), negurako estilo aproposa lortzeko prezio txikiagoan.

Besaulkia STRANDMON estalki beixarekin, eta kuxin bat, gorria eta urre-kolorekoa, alfonbraren gainean daude, eskaileraren goiko aldean.