Glöd CrossFit

Adin guztientzako gimnasioa

Crossfitnes praktikatzen duen pertsona batengan pentsatzen badugu, pertsona gihartsu bat datorkigu burura, hormigoi biluzizko espazio hotz batean ariketa egiten duena. Baina Glöd Crossfit sortu zutenek, praktika honen esentzia mantendu nahi zuten, baina, aldi berean, mundu guztia etxean bezala sentituko zen toki bat sortu.

"Nire ustez, CrossFitnes-a hainbat gauza onen konbinazioa da. Hasteko, kirola egitea osasungarria da. Horrez gain, zeozer taldean egiteak kolektibotasunaren indarra ematen dizu, taldeko kiroletan bezala. Hala ere, zuk aukeratzen duzu zenbateraino inplikatu nahi duzun. Besteekin konpara zaitezke eta erronka bota ahal diezu, edo gauza bera egin dezakezu zure buruarekin.

Rich Palmerri entzunda, agerikoa da bere pasioa aurkitu duela. Polizia-agentea zen Londresen, baina entrenatzaile izatera pasatu zen pixkanaka, Suediara joan zen bizitzera, eta orain entrenatzaile nagusi da, bai eta Stockholm-en dagoen Glöd gimnasioaren hiru fundatzaileetako bat.

Lakartasunaren eta goxotasunaren arteko nahasketa atsegina

Rich-ek Frida eta Fredrik, Glöd-eko beste bi fundatzaileak, ezagutu zituenean, proiektua forma hartzen hasi zen. Galdera sinple batekin hasi ziren: nola irits diezaiekegu entrenamenduarekiko grina ahalik eta jende gehienari?

CrossFitnes-eko ohiko gimnasioaren elementu industrialak atsegin zituzten, baina iruditu zitzaien parte-hartzaile ugari uxa zitzakeela. "Elementu bortitzak zituen espazio bat sortu nahi genuen, baina giro goxo eta atsegina mantenduz", dio Rich-ek.

Bi alderdi horiek konbinatzeko, laguntza eskatu zioten IKEA-ri. "Agian gehiegi eskatzen genuela pentsatu genuen, baina guztiz ulertu zuten zeren bila genbilen. Orain, gimnasioa bukatuta ikusita, sozializatzeko eta lasaitzeko guneekin, sukalde ederrarekin eta gauza guztiekin, espero genuena baino hobeto atera dela esan dezakegu". 

"11 eta 84 urte arteko bezeroak ditugu"

Glöd-era sartzen zaranean, erraza da Rich-en motibazioa ulertzea. Gimnasioa 1917ko fabrika batean eraikita dago, eta argi laranja epelak ("glöd" hitzak "distira" esan nahi du suedieraz) eta gune sozial erosoek pertsona guztiak etxean bezala sentiarazten dituen espazio bat sortzen laguntzen dute.

Egunero egiten dituzten jarduerak ikusita, argi dago CrossFitnes-aren magia pertsona guztien eskura jarri dutela. "11 eta 84 urte arteko bezeroak ditugu. Klase batzuetan, familia bereko hiru belaunaldi dauzkagu. Egoera horrek primeran ilustratzen du nolakoa den sortu nahi dugun tokia".

"CrossFitnes-ean hasten zarenean, talde-dinamika inklusibo eta aparta dagoela nabaritzen duzu. Zoragarria da ikustea nola lehenengo saiakeran herabe zegoen norbait maiztasunez etortzen hasten den, lagunak egiten dituen eta esperientzia aberasgarri zaion".