Funplus bideojoko enpresa

Zapatak kendu sartu baino lehen

FunPlus Stockholm-eko bideojoko enpresa bat da, eta dibertsioa erdigunean jartzen du. Ofizinara sartzerakoan, zure bigarren etxean zaudela iruditu beharko litzaizuke. Erlaxa zaitezkeen toki bat da. Nola lagun dezakete espazioak, diseinuak eta giroak ondo pasatzen?

"Itxura formalegia ez zeukan tokia nahi genuen. Jendea lasaitu eta ondo sentitzen denean, hobeto egiten du lan".

Hinrik Asgeirsson-ek (FunPlus-eko estudio-burua) hainbat enpresa berrietan parte hartu du, baina hau desberdina da. "Enpresa berri baten mentalitatea da, zerotik hasi behar dugu talde berri batekin. Alabaina, oraingoan erakunde handiago bat dago atzean", dio berak.

FunPlus-ek bi estudio ditu modu paraleloan lan egiten, eta biak ofizina berberean daude. Gainera, bideojokoen sektorea arrakasta handia izaten ari da.

"Besteekin hitz egiteko espazioak izatea, idazmahaitik altxatu ahal izatea, hausnartzea... horrelako gauzak oso garrantzitsuak dira". 

Talde internazionala eta bideojokoetara jolasteko sofak

Oinetakoak kanpoan utzi behar dira, baina maskotak sar daitezke. Enpresako kultura dibertigarria da, eta taldea pertsona zeharo talentudunez osatuta dago. Hinrik-ek giro atsegina lortu nahi zuen taldekideak gustura egon zitezen. IKEA-ri eta barne-diseinuko zerbitzuari laguntza eskatu zien espazio eroso bat sortzeko.

"IKEA guztiaz arduratu zen. Barne-diseinatzaileak ideiak proposatu zituen, baina gainerakoaz ere arduratu ziren. Poztu nintzen lana hain azkar egiten zela ikusteaz. Gainera, guk ez genuen esfortzurik egin behar izan".

"Bilera-gela berrira sartzen zarenean, ez da formalegia. Horixe da gakoa: ez badu ematen ofizina batean zaudela, ikuspegi informalago bat hartzen duzu".

Etorkizunean, Hinrik-ek eta bere taldeak "idazmahai partekatuak" jartzea pentsatu dute. Lankide bakoitzak bere idazmahaia izan beharrean, ofizinara sartzen zara eta libre dagoen mahai bat aukeratzen duzu. "Horrela ez litzateke lehia girorik sortuko", azaltzen du.