Aholku bikain gehiago, hala nola Giadaren espazio arraroko armairua
Nola bihurtu botanikari aurrekontu txikiarekin
Landareek giro freskoa eta etxekoia gehitzen diote edozein gela edo estilori, eta erraz lor daitezke. Eskatu zure lagun, senitarteko eta bizilagunei sobera dituzten landareak edo aldaxkak, edo besterik gabe, landu haziak. Hona hemen Simsonen (IKEA Sweden) aholku berde gehiago.
"Landare handiak gustatzen zaizkit, baina loreontziak garestiak dira; beraz, zaborrontziak erabiltzen ditut pare bat euroren truke. Hauek hamar litro har ditzakete eta balio dute, eta terrakotazko loreontzien antzekoak ere badira. Beheko aldean zulo bat besterik ez duzu egin behar. Zapatetarako xafla merkeak jartzen ditut zorua babesteko".
Simson Sundman
IKEA Sweden
Oinetakoak gordetzeko armairuak
Oinetako-altzari hauek IKEA-ko klasiko bat dira: merkeak, erakargarriak eta tokia aurrezten dutenak. Bizitza errazagoa egin dezakete, oinetakoak ez ezik dokumentu eta era guztietako gauza txiki baina garrantzitsuak ere txukun mantenduz.
"Asko gustatzen zaizkit, ezin hobeak baitira gauza asko gordetzeko, hala nola bufandak, giltzak, telefonoaren kargagailuak, aterkiak, nire katuarentzako eskuoihalak, posta eta fakturak, denetarik!"
Miriam Almagro
IKEA Espainia
Nola zintzilikatu arropa leku zailetan
Aurre egiten diezu sabai inklinatu bateko erronka arkitektonikoei? Inspira zaitez Giadaren (IKEA Suitza) aholku honekin.
"Ongi etorri nire aldagelara! Sabaia inklinatuta dago; beraz, komoda nahiko baxuak erabili ditut, eta arroparako barra sabaira lotuta bi kako eta bi karga-uhalekin, altuera doitzeko. Irtenbide ireki eta zabal hori ezin hobea da erabili diren baina garbitzeko prest ez dauden beroki eta jantzietarako".
Giada Scannapieco
IKEA Suitza
Leku ezin hobea arte-galeria baterako.
Korridore eta atondo estuak altzariz hornitzeko zailak dira, baina hormak beste gauza batzuetarako erabil ditzakezu, hala nola familiako argazkiak, ehun-diseinu ederrak edo Gabonetako postalak jartzeko. Edo, agian, haurren marrazki-bilduma koloretsua erakusteko? Hona hemen inspirazio apur bat.
"Gure atondoak ez du zabalera nahikorik altzairuz hornitzeko; beraz, horma erabiltzen dugu funtzionaltasuna eta dekorazioa gehitzeko. Klipak dituzten zurezko esekigailuak ezin hobeak dira haurren marrazki-galeria bat sortzeko; haurrentzako altuera egokiko kako dibertigarriek, berriz, beren gauzak gogoratzen laguntzen diete. Landare baten argazkia ere ederra da, benetako landareetarako leku gutxi baitago".
Jorge Da Cunha Gonçalves
IKEA Suitza
Ehunen erabilgarritasuna
Toki baten itxura aldatzea tapaki bat, edredoi-zorro bat edo gortina bat esekitoki batean esekitzea bezain erraza izan daiteke. Monalishak (IKEA India) esekitoki gurpildunak erabiltzen ditu gela-banatzaile gisa, bere apartamentua apaintzeko eta atseden hartzen duenean argitik babesteko.
"Apartamentu txiki batean bizi naiz, eta lagunak etortzen direnean, ehun zati bat duen esekitoki bat erabiltzen dut gela-banatzaile merke eta malgu gisa, eta lo egiteko tokiari pribatutasun pixka bat ematen diot. Bikaina, sinplea eta mugikorra da, eta oso ondo geratzen da".
Monalisha
IKEA India
Zer ari zara ikusten?
Egin klik behean, etxea altzariz janzteko aholku hauen (eta gehiagoren) istorioa eta IKEA-ko lankideen benetako etxeetara nola heldu ziren ikusteko.