Etxe baterako bisita: kolorez betetako umeentzako logelak
Umeentzako logelak toki ezin hobea dira kolorearekin jokatu eta irudimenari hegan egiten uzteko. Horregatik, zure seme-alabei tonu alaiak eta deigarriak gustatzen bazaizkie, hotz utziko ez zaituzten umeentzako logela koloretsuak lortzeko ideia pare bat proposatzen dizkizugu.
Umeentzako logela ez da lo egiteko soilik erabiltzen den toki bat, ohikoa izan ohi da jolasteko, idazteko, margotzeko eta, finean, umetan izan ohi den sormen hori guztia lehertzeko txokoa izatea. Horregatik, kolorez eta dibertsioz betetako giro bat sortzea izan daiteke jarduera horiek bultzatzeko aukera onena. Jarraian, umeentzako logelen bi ideia erakusten dizkizugu: batean kolore gorria nabarmentzen da eta, bestean, berdea da protagonista.
Tonu gorrietako umeentzako logelak
Badago gorria baino kolore alaiagorik? Tonu hori ez da asko erabiltzen dekorazioan, deigarria izanik, apur bat karrankaritzat jotzen delako eta, epe luzera aspergarria bihur litekeenez, ez da oso praktikotzat jotzen. Alabaina, konbinazio egokiak aukeratuz gero, ez du zertan izan horrela.
Beraz, zure semeari ala alabari kolore hori izugarri gustatzen bazaio eta logelan izan nahi badu, aukera dezala! Orduan, beste kolore batzuekin kontrasteak sortu beharko dituzu, ñabardurak sortzeko eta gorriaren efektua sotilagoa izateko. Adibidez, hormetako bat kolore horretakoa bada, argazkian ikus daitekeen tonu suabeagoak dituen hormako paper loredun bat aukera dezakezu eta beste hormak zuri utz ditzakezu.
Alabaina, kolore hori protagonista izatea nahi baduzu, garrantzitsua da kohesioa, hau da, logela zipriztinduko duten kolore bereko elementuak izatea, hala dekorazio-objektuen bidez, nola oherako arropa edo altzarien bidez.
Orekatzeko, gorriarekin ongi ematen duten beste tonu batzuk eman diezazkiokezu logelari, zuria edo horia. Edota kolore horiek guztiak dituen pieza batzuk lor ditzakezu, efektu bisual erakargarriagoa sortuko duten lotura gisa erabiltzeko.
Adibidez, gure RAKLEV alfonbra, hondo neutroarekin eta marra kolore anitzekin. Oso egokia da intentsitatea jaisteko, baina aldi berean, logelaren esentzia mantentzeko. Zer iruditzen zaizu?
Protagonismoa har dezaketen beste elementu batzuk oherako arropa, kuxinak edo lanparak dira.
Tonu berdetako umeentzako logela
Berdea ere normalean dekorazioan erabili ohi ez den beste kolore bat da, batez ere bertsio deigarrienak. Baina horixe da, hain justu ere, berezi egiten duena, horri esker askoz errazagoa delako berezi egingo duen logela original bat lortzea. Horregatik, zure txikiei gustatuz gero, haren alde apustu egitea da gure aholkua.
Berriz ere, kolore hori beste tonu neutroago batzuekin konbinatzean datza gakoa, zuriarekin, grisarekin edo zur argiarekin, peluxeen, oherako arroparen edo kuxinen bidez. Irudiko horman ikus daitekeen moduan, berde iluna zuriaren gainean. Gainera, berdearen sorta kromatikoko hainbat tonurekin joka dezakezu, esmeraldarekin edo limarekin, ia horia dena, efektua freskoagoa izan dadin.
Genioen moduan, kolore grisa oso egokia da berdea ñabartzeko, eta oso ongi funtziona dezake elementu praktikoetan, adibidez, zure txikienek arropa edo jostailuak gordetzeko erabil ditzaketen kaxa hauetan.
Alabaina, beste logelan gertatu bezala, berdea protagonista izatea nahi badugu, garrantzitsua da kolore horretako zenbait elementu gainerakoetatik nabarmentzea. Adibidez, honen gisako armairu bat, jostailuak eta eskolako materiala gordetzeko erabil dezaketena.
Azkenik, emaitza perfektua lortzeko, oso gomendagarria da hondo neutroa duen elementu bat gehitzea logelako kolore protagonistekin konbinatzeko. Aurreko adibidean alfonbra bat zen eta, hemen, helduleku berdeak, lima-berdeak eta beltzak dituen zurezko armairu hau.
Zer deritzezu alternatiba hauei? Gure aholkua seme-alabak logelaren dekorazioan parte hartzera bultzatzea da. Hasieran genioen moduan, denbora gehien pasatzen duten etxeko txokoetako bat da, euren mundu txikia, eta, beraz, interesgarria da gustuko dekorazioa izatea.
Entzun iezaiezu eta ez izan beldurrik euren gogoko koloreen alde egiteko, ikusi duzun moduan, nahiko deigarriak izan arren, giro orekatua sor dezakezulako konbinazio desberdinen bidez.
Eta ideia gehiago behar izanez gero, ez galdu artikulu hauek!
Izugarri atsegin dugu bezeroek gure produktuak sormenez erabiltzea. Ausartu zaitez zu ere! Baina kontuan izan behar duzu IKEA taldeko produktuetan aldaketak eginez gero ezin izango ditugula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
