Urdin modernoak ala elur zuria?

Duela sei hilabete joan nintzen nire lehen apartamentura, 19 urterekin, musika ikastera. Pertsona lotsati samarra naiz. Horregatik, Toskanakoa izanik Milanera joatea txundigarria izan da. Italian, Erroma kulturaren erdigunea da, baina, Milan, musikaren erdigunea.   

Nire kantuen ardatza beti da barruan ezkutatuta dagoena, pertsona naizen aldetik hauskorra izan naitekeelako. Zerbait sakonagoa bilatzea nire musikan eta estiloan islatzen da. Inoiz ez zaizkit gustatu nabarmenkeria eta gehiegikeria. Aitzitik, pertsona dimentsiobakarrak baino zerbait sakonagoa garela uste dut. % 70 dinamikoa naiz eta % 30 lotsatia. Gustatzen zaizkidan jantziak aukeratzen ditut, baita emakumeen atalekoak badira ere. Bigarren eskuko denda batetik erreskatatutako zerbaitek, atzean istorio bat duenak, beti emango dit atentzioa, zerbait berri eta distiratsu batek baino gehiago.