Udarako 6 errezeta osasuntsu eta erraz

1. Ogi txigortua izokinarekin eta jogurt saltsarekin

Osagaiak:

• 4 ogi-xerra integral
• 200 g izokin ketu
• Tipula gorri erdia
• Aneta

Saltsa egiteko:

• 1 greziar jogurt
• Limoi erdia
• Oliba-olio birjina estra koilarakada erdia
• Tipulina nahierara
• Piperbeltza
• Gatza

Prestatzeko modua:

1. Nahastu saltsa egiteko osagai guztiak ontzi batean testura homogeneoa lortu arte.
2. Txigortu ogi-xerrak.
3. Busti ogia saltsaz.
4. Banatu izokina xerretan.
5. Moztu tipula eraztunetan eta jarri izokinaren gainean.
6. Jarri aneta pixka bat azken ukitua emateko.

2. Ziazerba eta mango entsalada

Osagaiak:

• 150 gramo ziazerba
• 1 mango
• 1 tipula more txiki
• 1 eskukada hur erre

Ongarrirako:

• 2 koilarakada oliba-olio birjina estra
• 1 eta erdi koilarakada sagar-ozpin
• 1 koilarakada Dijon ziape
• Limoi zurrusta
• Piperbeltz beltza
• Gatza

Prestatzeko modua:

1. Garbitu ziazerbak eta xukatu ondo. TOKIG xukaderarekin, berehala egingo duzu. Gainera, entsalada zerbitzatzeko ere erabil dezakezu, eta horrela probetxu handiagoa aterako diozu.
2. Garbitu, zuritu eta moztu mangoa kuboetan.
3. Zatitu tipula juliana eran.
4. Jarri osagai guztiak entsalada-ontzi batean eta gorde.
5. Ongarria prestatzeko, nahastu osagai guztiak ontzi batean koilara baten laguntzaz dena ondo nahastu arte.
6. Bota saltsa entsaladari eta listo, prest dago zerbitzatzeko!

3. Barazki-krema hotza

Osagaiak:

• 2 kalabazin
• 200 g ilar
• 1 tipula
• Litro erdi barazki-salda
• 125 g jogurt natural
• Oliba-olio birjina estra
• Piperbeltz beltza
• Gatza

Prestatzeko modua:

1. Txikitu tipula eta moztu kalabazinak kuboetan, zuritu gabe.
2. Jarri eltze bat su erdian oliba-olio zurrusta batekin eta salteatu tipula, kalabazina eta ilarrak.
3. Gehitu barazki-salda eta utzi egosten zenbait minutuz.
4. Gehitu jogurta eta nahi beste gatz eta piperbeltz.
5. Txikitu dena irabiagailuarekin nahasketa homogeneoa lortu arte.
6. Hoztu denean, gorde hozkailuan ordubetez edo bi orduz eta zerbitzatu fresko.

4. Kuskusa barazkiekin

Osagaiak:

• 500 g kuskus (gari-semola)
• 2 azenario
• 2 tomate
• 1 luzoker
• 1 tipuleta
• Oliba-olio birjina estra
• Limoi erdiaren zukua
• Piperbeltza
• Gatza

Prestatzeko modua:

1. Prestatu kuskusa fabrikatzailearen argibideei jarraituz.
2. Bitartean, garbitu eta zuritu barazkiak. Ebakitzailearekin egiten baduzu, STÄM kasu, askoz errazagoa izango da, batez ere azenarioen eta luzokerraren kasuan.
3. Moztu barazki guztiak kubo txikietan.
4. Kuskusa eginda dagoenean, jarri ontzi handi batean eta gehitu barazkiak.
5. Ondu oliba-olio birjina estrarekin, limoiarekin, nahi beste piperbeltzarekin eta gatzarekin.

5. Etxeko fruta-poloak

Osagaiak:

• 15 marrubi
• 1 banana heldu
• 2 edo 3 laranja

Prestatzeko modua:

1. Zukutu laranjak 120 ml zuku natural lortu arte.
2. Garbitu eta moztu marrubiak.
3. Zuritu eta moztu platanoa.
4. Jarri frutak eta zukua irabiagailuan edo prozesadorean.
5. Irabiatu nahasketa leun eta homogeneoa lortu arte.
6. Jarri nahasketa polo-moldeetan eta izoztu itzazu 6-8 orduz.

6. Angurri-pizza

Osagaiak:

• 1 xerra handi angurri
• 2 jogurt natural
• 1 kiwi
• 6 marrubi
• 1 ahabia-eskukada

Prestatzeko modua:

1. Moztu angurriaren erdiguneko xerra bat.
2. Banatu jogurt naturalak angurriaren gainetik.
3. Zuritu kiwia eta moztu kuboetan.
4. Garbitu marrubiak eta moztu xerretan.
5. Garbitu ahabiak.
6. Jarri fruta guztiak angurriaren gainean kolore nahasketa polita sortzeko.
7. Moztu zatitan, pizza izango balitz bezala.

 

Zein da gehien gustatu zaizun udako errezeta? Hasieran esan bezala, beste egunen batean jateko prestatzen baduzu edo soberan baldin badago, ez ahaztu beirazko ontzietan gordetzen eta hozkailuan mantentzen, geroago jan ahal izateko. Horrela, prestatu zenuenean bezain gozo egongo da eta dena aprobetxatuko duzu.

Hemen duzu artikulu bat janaria hobeto kontserbatzeko amarru gehiagorekin. Jarraitu aholkuak!