Nerabeak dituen pisu familiar baterako ideiak
Etxean nerabeak badituzu, jakingo duzu anabasarekin bizitzea zer den: arropa aulki batean pilatuta, liburuak eta tresnak lekuz kanpo... Ezer berririk ez! Baina, agian ez da hain konplikatua altzari, biltoki eta osagarrien zenbait soluzio eskura badituzu, bizimodua guztioi zertxobait errazagoa egingo digutenak, ez duzu uste? Ikusi txukuna eta funtzionala den eta familia-giroan denbora igarotzea ahalbideratzen duen nerabedun pisu familiar baterako ideia hauek.
«Konektatu» zuen artean!
Bakoitzak bere gailu elektronikoa hartu (tableta, mugikorra, ordenagailua...) eta norbere munduan isolatzea ohiko kontua izango duzue, seguru. Horrela, nerabeek gurasoengandik ihes egiteko modu bat aurkitzen dute askotan, baina «helduok» ere ez gara atzean geratzen!
Sare sozialak eta hamaika app bertan geratzeko etorri dira, badakigu. Baina zuen mesedetan erabiltzeko modu bat aurki dezakezue: eseri tabletean duzuen joko hezigarri batekin jolas egiteko, ordenagailuan telesailik gustukoena guztiok elkarrekin ikus dezakezue, mugikorrean dituzuen argazkiekin elkarrekin bizitako bidaiak eta uneak gogoratu ditzakezue... Teknologia eta familia bat eginda zentzuzko kausa baterako!
Gainera, jarduera mota hauek guztiak egiteko, kuxin soltedun sofa hauek ezin hobeak dira, eseri edo zuzenean etzan nahi izanez gero bizkarraldea eta eserlekuaren sakonera erraz aldatu eta egokitu baitaiteke.
Apalategiak familia osoarentzat
Liburuak sailkatu eta etxean txukuntasuna mantentzeko apalategiak ezinbestekoak dira. Baina kontuan hartu behar da, agian, apalategi txukun bat txukuntasun-ezak nabarmendu dezakeela, edota apaingarriak edo «non jarri ez dakigun gauza txikiak» edozein modu eta lekutan buka dezaketela. Horregatik, garrantzitsua da polita izateaz gain erabilgarria ere baden apalategi bat izatea.
Hautatu gune irekietan ipintzeko zenbait kaxa edo saski, barruan anabasa handia badago ere, ez baita ikusten! Horrela, kanpoan egongo liratekeen gauza horiek guztiak barrura «bota» ahal izango dituzte seme-alabek. Barrukoa txukuntzea beste baterako utziko dugu...
Altzari malguak etxe malguetarako
Altzari malguak gaur egungo etxebizitzetarako alternatibarik hoberena dira: inoiz ez dakizu zer gertatuko den, edo nor etorriko den ustekabean! Altzari malguekin jakinarazi gabe askaltzera etorri diren lagunen seme-alabentzako lekua «molda» dezakezu, honakoa bezalako mahai bat mokadutxoekin gelara eramanez. Bitartean, ezin hobea da egongelako edo sukaldeko mahai osagarri gisa, ezta?
Berdin seme-alaben logelan sar ditzakezun habia-oheekin ere, edo ohe-sofekin eta sukaldeko uharteekin. Erabilera anitzeko altzariak egun etxeko leku faltak dakartzan arazo askoren irtenbidea dira.
Zer deritzozu bakoitzarentzako biltoki bati?
Egongelan kokatzen ditugun apalategiak ezin hobeak dira bakoitzak bere gunea ondo definitua izateko ere, familia osoaren edo anai-arreben arteko eztabaida zentzugabeak saihestuz. Bakoitzak konpartimentu batean edo bitan izan ditzake liburuak, gauzentzako biltegiratze-kaxa batekin edo artxibategiekin... Txukunak izatean dago koska!
Seme-alabek sukaldean parte har dezatela, gustuko izango dute!
Seme-alabak aske doazkizula dirudien arren, seguru gaude aste bukaeran guztiok elkarrekin janariak prestatzea proposatzen badiezu ez dizutela uko egingo. Gainera, uhartedun sukalde zabal bat baduzu, gune ezin hobea izango da familia osoak elkarrekin askaldu dezazuen, behar izanez gero ikasketetan lagun diezaiezun edo besterik gabe, afaldu aurretik bildu zaitezten.
Ez zaitez zure intimitate-guneaz ahaztu
Guztia ez da zure seme-alabei eta gauzak haientzat egokitzeari buruz, noski. Ez ahaztu zure gunea zaindu eta mainatzea, noizean behin logelako dekorazioa berritzea, eta egunerokotasunean bakean izan eta erlaxatzeko zure unea aurkitzea. Ezinbestekoa da nor bere buruarekin lasai egotea, familiaren egunerokotasunari aldarterik hoberenarekin aurre egiteko!
Armairuak txukun nola mantendu!
Badakigu nerabe baten armairuak ukuilu bat eman dezakeela, baina kaxak bezalako soluzioak aurki ditzakezue, kaos hau zertxobait hobeto sailkatu eta «ezkutatu» dezazuen. Armairua hainbat anai-arreben artean partekatzen badute, bakoitza norena den jakiteko etiketak erabil ditzakezue.
