Nola ordenatu atondo praktiko bat familia osoarentzat
Hainbeste lagun etxean izanda, ordena eta antolaketa mantentzeko edozein laguntza mota eskertzen da. Horrela, ideia batzuk emango dizkizugu zure ametsetako atondoa izateko: leku askokoa, polita eta, batez ere, oso praktikoa.
Askotan ez gara jabetzen etxeko zenbait eremu nolako potentziala duten, adibidez, atondoak. Izan ere, eremu hori aliatu mundiala bihur daiteke egunerokoan behar dugun guztia gorde eta eskura izateko; besteak beste, jakak, zapata batzuk edo bizikletako kaskoa.
Eta nahiz eta beti ez dugun leku asko izaten, ezer ez da ezinezkoa gure ordenatzeko eta biltegiratzeko soluzioentzat. Horregatik, zenbait ideia erakutsiko dizkizugu zure atondoa eremu super praktikoa eta funtzionala bihurtzeko. Ideia bat, guztiak edota besteren bat sor dezakezue, inspiratzeko ideia hauetatik abiatuta. Jarraitu irakurtzen guztiak ikusteko!
Neurrirako atondoa: errail-sistema eta ohol zulatuak
Haurrekin, eskura zer izan eta zer ez aldatzen joaten da denborarekin. Horregatik, oholdun horma batekin osagarriak eta arropa antolatu eta familiako kide guztien altuerara doi dezakegu.
Ohol zulatu bat aparta da nahi dugun kakoen konbinazio zehatza egin eta horiek banatzeko. Eta modularra denez, ez du zertan betiko horrela geratu, beharren arabera aldatuz joan gaitezke. Gainera, atondoko altzari bat baino askoz ere erosoagoa eta merkeagoa da, batez ere, leku txikia baduzu.
Gure SKÄDIS ohol zulatuak osagarri ugari ditu edozein objektu mota itsatsi eta zintzilikatzeko. Gainera, ALGOT arropa-sistema batean integra dezakezu (biak zuriak dira) eta, horrela, ohol eta apal altu batzuekin konbina dezakezu edota saski batzuk jar ditzakezu behealdean, kaskoak, kapelak edo beste edozein osagarri jartzeko. Soluzio horrekin, neurrirako atondo bat sortu ahal izango duzu, birmolda daitekeena eta oso praktikoa.
Jarri laguntzen dizuten osagarriak
Batzuetan, atondoan beti eskura izan nahi ditugun objektuak neurri oso desberdinak dituzte eta horrek zaildu egiten du gauzak antolatzea. Horregatik, praktikoena mota bakoitzera moldatzen diren eta guztia ordenan izaten uzten dizuten osagarriak gehitzea da, lehen aipatu dugun moduan, saskiak edo kakoak.
Berez atondo baterako pentsatu ez diren objektuak erabil ditzakezu. Adibidez, beheko irudian eskuoihalen errail bat jarri dugu albo batera geratzen diren eta irristatzeko arriskua eragiten duten objektu guztiak (adibidez, batea, aroa) txoko txiki horretan biltzeko; edo, udako eguzkitakoak, kometak eta abar ere jar ditzakezu. Bururatzen zaizun edozer gauza!
Eta etxeko txikienak ezin badute irten etxetik beren oinarrizko jostailurik gabe, zergatik ez dituzu uzten kaxa batean prest? Gainera, gurpilak dituenez, errazagoa izango da albo batetik bestera eramatea, lorategira, etxe alboko parkera edo lehengusu-lehengusinen etxera.
Oinarrizko 2 pieza atondo soil baterako
Hasieran erakutsi dizugun bezalako instalazio batekin konplikatu nahi ez baduzu, baina ez baduzu altzari bat jartzerik ere nahi, zerbait askoz soilagoa aukera dezakezu; adibidez, jarraian erakutsiko dizuguna.
Ideia hau berokiak eta jakak zintzilikatzeko errail batez eta jantzi txikiagoak jartzeko armairu-antolatzaile batez soilik osatzen da; adibidez, eskularruak jartzeko. Bakoitzak bere konpartimentu bat izan dezake, zalantzarik izan ez dadin eta bakoitzak bere txokotxoa izan dezan. Eta behar ez denean, zas! Tolestu eta ia tokirik okupatu gabe gorde dezakezue.
Gainera, bazenekien RASSLA armairu-antolatzaileak erabiliz gero urtean 5,5 ordura arte aurrez ditzakezula urtean?
Denbora aurreztea lehentasuna bada zuretzat, hurrengo artikulua interesatuko zaizu, eta etxean gauzak bilatzen zenbat denbora galtzen duzun jakiteko testa ere egin dezakezu. Ez galdu, harrituta geratuko zara emaitzarekin!
Txoko hiletarako soluzioa
Txoko huts bat baduzu sarreran edo ezin baduzu errailik edo kakorik instalatu horman, atondo praktiko bati uko ez egiteko aukera bat NIKKEBY, esaterako. Horrela, guztia objektu berean izango duzu: zapatak jartzeko apalak eta esekigailuak zintzilikatzeko maila desberdinetako errailak.
Atzealdean, kako estrak zintzilika ditzakezu bizikletaren giltzarrapoa, aterkia eta gisako objektuak zintzilikatu ahal izateko. Guk BJÄRNUM kako tolesgarriak erabili ditugu, behar izanez gero, bildu eta ezerekin trabatu ez daitezen.
Babestu horma
Udazkenean eta neguan aterkia hutsik egin ezin duen osagarrietako bat bada atondoan, horma kolpeetatik, hezetasun edota, oro har, zikinkeriatik, babestea gomendatzen da. Gainera, atondoa dekoratzeko aitzakia ezin hobea da.
Kasu honetan, LYSEKILL hormako panela erabili dugu. Panel hori sukaldean jartzeko sortu bazen ere, oso egokia da beste funtzio honetarako ere. Beroa, ura, koipea eta zikinkeria jasaten ditu, baina babesaz gain, asko gustatzen zaigu oso dotore geratzen delako eta ukitu alaia estilo handikoa ematen dielako gure hormei.
Zer deritzozu? Ziur atondoa eremu askoz praktikoagoa eta antolatuagoa egin dezakezula gure aholku hauekin. Familia guztia oso pozik egongo da bere esekigailuarekin!
Gustatu bazaizu, ez galdu atondoei buruz hitz egiten dugun hurrengo “Galdetu Alleni” bideoa (01:34 min).
Eta nahiago baduzu, beste hau ikus dezakezu Zapatak di da batean antolatzeko aholkuei buruzkoa.
Izugarri atsegin dugu bezeroek gure produktuak sormenez erabiltzea. Ausartu zaitez zu ere! Baina kontuan izan behar duzu IKEA taldeko produktuetan aldaketak eginez gero ezin izango ditugula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
