Nola garatu haurren sormena etxetik

Sormena garatzeak hainbat onura ditu haurrentzat eguneroko bizitzan. Eguneroko arazoak konpontzen laguntzen die; ingurunea eta errealitatea erlatibizatzen; erresilienteak izaten, egoera konplexuetatik onik ateratzeko; eta, azkenik, pertsonekin, familiarekin, lagunekin edo beste haur batzuekin harremanak izateko gaitasuna hobetzen du. Etxetik sormena sustatzeko aholku eta teknika batzuk ezagutu nahi dituzu? Jarraitu irakurtzen! 

IKEA-n mundu guztiak etxe segurua, benetakoa eta bizia izateko aukera merezi duela uste dugu. Horregatik, gure ekimenetako bat Formando hogar da, hainbat adituk osatutako programa bat. Programak etxe bakoitza ongizate emozionalerako babesleku izatea du asmotzat, baita horixe ezagutaraztea eta horren inguruan kontzientziatzea ere. Sormenaz eta gure seme-alabei etxetik hura garatzen laguntzeko moduaz hitz egiteko, Fernando Botella izan dugu, sormenean, talentuan eta berrikuntzan aditua, coach-a eta irakaskuntzaren zalea.

Lagungarria izatea espero dugu! 

Sormena garatzeko teknikak

Fernando Botella Espainian sormenari buruz gehien dakien pertsonetako bat da. Biologian lizentziaduna da eta, gaur egun, coach gisa aritzen da Espainiako exekutibo eta enpresa garrantzitsuentzat talentuaren garapenean, berrikuntzan eta antolaketaren eraldaketan espezializatutako bere aholkularitza-enpresarekin.Bere lana osatzeko, erakunde publiko zein pribatuetan programak jorratzen ditu, bere taldeen sormen-boterea garatzen lagunduz.Gainera, hizlaria eta hainbat libururen egilea da; azkena, "¿Cómo entrenar la mente?" (Alienta Editorial, 2020). 

Botellak haurren sormena etxetik sustatzen laguntzeko eman dizkigun aholkuak bildu aurretik, haren laguntzaz sormena zer den hobeto ulertu nahi genuen.

Adituaren arabera, guztiok dugu sormena, gizakiaren gaitasunetako bat baita. "Dohain horrekin” jaio gara, garunak egoera desberdinen aurrean alternatibak sortzeko duen ahalmen horrekin.

Fernando Botellaren hitzetan, "sormen-gaitasuna denboraren poderioz lortzen da, itzali edo katalizatu egin daiteke, etxetik eta jasotzen dugun hezkuntzari esker". Hala, beraz, sormena ikasi eta entrenatzen den prozesua dela ulertzen dugu.  

Hemen dituzu etxetik zure seme-alaben sormena sustatzen lagunduko dizuten zenbait aholku:

• Lagun iezaiezu galderen bidez sormena garatzen. Horrela, egunerokoan, gure seme-alabei lagundu diezaiekegu galderak eta zalantzak planteatzen, errealitatea modu ezohikoan ikusten, modu ezberdin batean. Galderek sormena pizten dute. Galdetzeaz gain, euren erantzunak entzun behar ditugu. Garrantzitsua da eurek entzuten diegula sentitzea eta galdera hori familia-elkarrizketa batean bihurtzea, elkarrizketa horretan sor daitezkeen argudio eta zalantza berriekin. Familiaren baitan eta etxetik eguneroko bizitzari buruz ikasteko modu bat.
• Sormena egunerokotasunean bizi da. Eguneroko gai guztiek ematen digute sormena martxan jartzeko aukera, beste era batera pentsatzeko aukera, eguneroko gatazkak era ezberdin batean konpontzeko aukera (“ohitu gabeko era batean”, Botellaren hitzetan), enpatikoagoak izateko eta introspekzioa garatzeko aukera; hau da, gizakiak bere burua hobeto ezagutzeko gaitasuna.
• Sormena, ekinez egina. Ideiak prototipoak sortzetik sortzen dira. Orri batekin eta pintura batzuekin gero eraiki ahal izango dutena sor dezakete; hau da, euren ideiei forma eman diezaiekete. Sormenak esperimentazioa bultzatzeko gaitasunarekin du zerikusia, eta esperimentu horrek ez du zertan perfektua izan, gizakia ez baita perfektua. Inperfekzio horretatik abiatuta, akatsetik nola ikasten den ulertzen lagundu behar diegu.Gainera, oso garrantzitsua da ideia edo sorkuntza baten akatsa ez zigortzea; izan ere, hori eginez gero, gure seme-alabek ezer ez dutela egin behar ulertuko dute. Euren autoestimuari eraso egiteko modu bat da, eta ikasten jarraitzeko duten gogoari eragin diezaioke.Ez genituzke erabili beharko “Zuk honetaz ez dakizu” edo “Honetaz nagusi zarenean hitz egingo duzu” bezalako esaldiak. Gauzak egiteko duten gogoa hausten duten mezuak dira eta, beraz, haien sormena hausten dutenak.  

• Ez egiteak ere sormena garatzen laguntzen du. Garrantzitsua da haurrek eskolaz kanpoko jarduerak egitea, baina beharrezkoa dute baita ere denbora librea, aspertzeko denbora eta errutinatik irteteko denbora ere. "Ezer ez egiteko" denbora libre hori dutenean, pentsatu eta irudimena aske uzten dute. Une horietan, itzela da haiekin jolasteko, haiekin egoteko eta esan behar dutena entzuteko aukera izatea; hau da, haien ideia eta sorkuntzetan zure laguntza eta motibazioa aurki dezatela.
• Sormenak etxea eraikitzen du. Sormenak taldea osatzen laguntzen du, eta aniztasuna bultzatzen, sozializatzen laguntzen die, haurrei euren ingurunearekin harreman gehiago izaten laguntzen die.
• Sormena edozein adinetan gara daiteke. Edozein adinetan susta daiteke, garuna entrenatuz, baina haurtzaroan errazago esnatzen da, eta haurrei asko lagun diezaieke eguneroko arazoak errazago konpontzeko.
• Teknologia tresna bat da, baina ez beti. Haurrek ez dute gehiegi kontsumitu behar, euren adimena harrapatu eta sortzaileak izatea eragozten baitie.
• Kontuz perfekzionismoarekin. Bikaintasuna bilatu behar dugu, baina gure seme-alabei perfekzionismoa eskatzea gauzak egitea galarazten dien harresi moduko bat da.
• Haurrek sormena gara dezaten, gurasoek denbora hartu eta lagundu egin behar diete. Axola zaigunari denbora eskaintzearen garrantzia.