Nola antolatu logela txiki bat
Orain, denbora sobera dugunez etxean egoteko, dena berriro nola (ber)antolatu (bir)pentsatu behar genuke. Logela txiki bat nola antolatu izaten da zalantza ohikoenetako bat, hain zuzen ere tokia falta delako. Baina… inoiz pentsatu duzu beharbada uste baino toki gehiago duzula?
Apalak, gau-mahaia, kanapea edo tiraderak, armairua, oinetako-altzaria… Ziur badaukazula tokia, baina beharbada ez ondo antolatuta. Logela txiki bat erraz eta modu erabilgarrian ordenatzeko ideiak emango dizkizugu!
Nola ordenatu gau-mahai bat
Gau-mahaia ahaztu egin ohi dugu logela txikiak ordenatzean. Eta ez litzateke ahaztu behar! Toki txikietako txoko guztiei atera behar diegu etekina.
Bada, zer motatako gau-mahaia duzun, era batera edo bestera antolatu ahal izango duzu. Hasteko, altzaria garbitzea gomendatzen dizugu: kendu barruan eta gainean duen guztia, eta garbi ezazu ondo. Garbi-garbi dagoenean, tiraderak edo atea baduzu, bota barruan dauzkazun gauza guztiak, eta gorde benetan erabilgarria zaizuna: liburuak, belarrietarako tapoiak eta mozorroa (erabiltzen badituzu), eskuetako krema, iratzargailua (baldin baduzu)…
Ikusten duzunez, saskiak edo kutxak ere erabil ditzakezu eremu hori are hobeto antolatzeko eta non sartu ez dakizun baina agerian utzi nahi ez dituzun gauza txiki horiek guztiak begien bistatik kentzeko.
Aizu, inoiz pentsatu al duzu gau-mahai eseki bat jarriz gero logela txiki bateko tokia optimiza dezakezula? Hau ez da gau-mahai bat, baizik eta EKET apalategi bat. Irudimena nagusi!
Tiraderak: bihur itzazu desordenaren kontrako aliatu
Komodetako edo armairuko tiraderak batzuetan erabateko anabasa izaten dira. Beti geroagorako uzten dugu tiraderak ordenatzea, baina iritsi da unea! Hasi gau-mahaiarekin egin dugun bezala: atera barruko guztia eta garbitu barrualdea. Prest izatean, urrats hauek egin ditzakezu:
- Sartu botatzeko edo dohaintzan emateko poltsetan erabiltzen ez duzuna edo higatuegi dagoena. Horrela, toki apur bat egingo duzu logela txikian.
- Tiradera-bereizgailuak eta -antolatzaileak dituzu? Berrerabil itzazu behar bezala, eta kito! Jarri gauzak jantzi motaren arabera.
- Erabili tiradera bat arropa mota bakoitzerako: batean, barruko arropa; beste batean, oinarrizko elastikoak; beste batean, mahuka luzeko elastikoak; beste batean, jertseak…
- Tiradera bakoitzaren barruan, kolorearen arabera jar ditzakezu jantziak, edo zenbat erabiltzen dituzun kontuan hartuta: jarri gehien erabiltzen dituzunak gainean, eskuragarriago egon daitezen.
- Barruko arropari edo galtzerdiei dagokienez, bereizgailurik ez baduzu, oraingoz, etxean dituzun kartoiak erabiliz egin ditzakezu. Moztu eta horrelaxe erabil ditzakezu, edo gustuko duzun edo logelako dekorazioarekin bat datorren koloreren batez margotu.
Tiraderak antolatzeko aholku gehiago eta hobeak nahi dituzu? Ez galdu bideo hau:
Ikasi osagarriak ordenatzen
Ziur zure logela txikian gordetzen dituzula osagarri guztiak: lepokoak, eraztunak, gerrikoak, eguzkitako betaurrekoak… Hainbat aukera ditugu osagarri guztiak jartzeko: halakorik baldin baduzu, erretilu moduko tiradera batean jartzea, irudian ikusten duzun bezala, edo tiradera arrunt batean, eta, hor oso erabilgarriak egingo zaizkigu, berriz ere, tiraderetako bereizgailuak.
Puntapaxak ere jar ditzakezu horma batean, haietatik lepokoak, eraztunak eta eskumuturrekoak jartzeko, nahasi ez daitezen.
Oinetakoak toki txikietan ordenatzea
Jarrai dezagun logela hankaz gora jartzen, berria balitz bezala uzteko! Ohiko beste arazoetako bat: nola antolatu oinetakoak. Arroparekin egin duzun bezala, egin tokia eta gorde poltsetan botatzeko edo dohaintzan emateko den guztia.
Hona hemen gure ustez erabilgarriak izango zaizkizun ideia batzuk:
1. Kutxetan antolatzea
Erabiltzen ez dituzun oinetako-kutxak dituzu hor nonbait? Edo are hobeto, kutxa gardenak? Ba, orain, gauzak antolatzeko erabili ahal izango dituzu. Kutxa gardenen abantaila da barruan zer dagoen ikus dezakegula. Opakuak baino ez badituzu, hartu arkatz markatzaile ezabaezin bat eta izendatu barruan gorde dituzun oinetakoak. Adibidez: udako sandalia horiak.
Haiek non jarri erabakitzeko, hainbat aukera dituzu, zure beharren arabera: armairuaren barruan, horretarako tokia baldin baduzu; ohearen kanapean; ohearen azpian… Edonon gordetzen dituzula, izan beti eskurago maiz erabiltzen dituzun oinetakoak.
2. Oinetako-altzaria antolatzea
Logela txikian edo atondoan oinetako-altzari bat baldin baduzu, bada garaia hura garbitu eta tokia ahalik eta gehien optimizatzeko. Goma edo soka batez lot ditzakezu sandalia edo oinetako pare estuenak, toki gutxiago har dezaten.
3. Mailaka antolatzea: zeuk egindako oinetako-altzaria
Aizu, eta zergatik ez duzu zuk zeuk egiten oinetako-altzari bat? Kartoi handi bat hartu, eta triangeluak egin behar dituzu, guztiak tamaina berekoak. Hori bai: oinetako pare bat sartzeko adinakoa izan behar dute triangeluek. Gero, jar itzazu bata bestearen ondoan, ilaran. Gainean, beste ilara bat, ondo eutsita; behar izanez gero, itsats itzazu kola apur batez! Oso erraza da.
Apaindu tapakiak erabiliz (gainera, ordenatuta geratuko da)
Azkenik, oraindik fresko dagoenez etxean, tapaki guztiak garbi ditzakegu, eta ondo lehortuta eta lisatuta daudenean, gutxien erabiltzen ditugunak hutseko poltsa batean sartu, halakorik baldin badugu.
Ez dituzu zertan gorde gehien erabiltzen dituzun logelako tapakiak, logela ordenatuta dagoela sentitzeko. Ohearen oinetan jar ditzakezu, tolestuta, edo alboetako batetik erortzen, ukitu desberdin bat emateko.
Aizu! Itxaron! Joan baino lehen, ikusi “Nola ordenatu logela berehala”.
Izugarri atsegin dugu bezeroek gure produktuak sormenez erabiltzea. Ausartu zaitez zu ere! Baina kontuan izan behar duzu IKEA taldeko produktuetan aldaketak eginez gero ezin izango ditugula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
