Lagunentzako egongela egokia
Etxea lagunentzako iman bat izatea nahi duzu? Erosoa izatea eta edozein gauza egiteko aukera ematea gustatuko litzaizuke? Egongelatxo eroso eta malgua eratu dugu behar duzuen guztia daukana, bai biltokiak baita lozakuak ere. Ikusi ze ederra den!
Garrantzitsua da lagunentzat gelak erosoak izatea, baina batez ere zuretzat! Azken finean, zureak dira, eta zuk igaroko duzu haiekin denbora gehien. Beraz, larunbat goizak sofan eseri eta ordenagailuan igarotzea gustuko baduzu, egokitu gunea eta egizu! Ziurtatu ohazal bat eta kuxin batzuk eskura izatea. Oherako erretiluak eta erdiko mahaiak oso ondo datoz ordenagailua eta kafea altzoan izateko.
Hormako biltegiratze-soluzioak ezin hobeak dira ustekabeko bisitak ditugunerako. Gorde gauza hauskorrak, kandelak eta loreontziak adibidez, goreneko aldean. Hartu «larrialdiko» kaxa bat eta sartu bertan gelan zehar barreiaturik duzun guztia. Gehiegi ere ez ezazu jaso. Batzuetan, «aldizkarietako» etxeak ere zertxobait gatzgabeak dira. Ez ahaztu lagunen argazkiak eta oroigarriak jartzea, maite dituzula ikus dezaten.
«Atera ezazu argitara» behar duzunean soilik. Gorde materiala nabarmenduko ez duen kolore batez margotutako armairu batean. Ordenagailu eramangarrietarako mahaia ere ez da batere nabarmena, eta pintzadun lanpara erregulagarriek oso leku gutxi hartzen dute. Eseki aulkia kakodun esekileku batean. Erraz garraiatzen diren besaulkiak paregabeak dira irakurri eta atseden hartzeko.
Batzuetan, lagunarteko bilerak hurrengo egunera arte luzatzen dira... Sartu habia-mahaiak ordenagailu eramangarrietarako mahaiaren azpian. Erabili tabureteak mahai osagarri gisa. Berokiak horman esekita dagoen aulkian utz ditzakezue. Lagunen batek lotan bertan geratzea erabaki du? Estore opaku hauek argiaren sarrera eragozten dute. Lor itzazu beste artikulu praktiko batzuk, adibidez lozaku bat, tapakiak, mugikorrak kargatzeko soluzioren bat, oinetakodun kaxa bat eta belarrietarako tapoiak.
Biltokidun horma gustuko al duzu? Eman begirada bat EKET armairudun hormarako 3 ideiei.
Izugarri atsegin dugu bezeroek gure produktuak sormenez erabiltzea. Ausartu zu ere! Baina kontuan izan behar duzu IKEA taldeko produktuetan aldaketak eginez gero ezin izango dituzula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
Egileak
Barruko esparruetarako diseinua: Emma Parkinson
Argazkiak: Mats Ekdahl
Testua: Marissa Frayer
