Ikusi beharrekoa: “The Human Shelter” film berria
Lankidetza berezi batean, IKEA-k Boris Bertram dokumental egile saridunaren azkeneko proiektua finantzatu du: “The Human Shelter: An Expedition Into What Makes A Home”. Orain film itzuli internazionala egiten ari da; ikusi trailerra eta lortu informazio gehiago...
Ikusi trailerra!
Filma zazpi "ataletan" banatuta dago eta munduan zehar bizileku ezberdinetan sartu eta ateratzen da. Norvegiako Sámi elur-orein artzain batekin hasten da eta Islandiako etxola urrun batean amaitzen da. Bitartean, New York, Irakeko errefuxiatuen kanpamendu bat, Hawaiien dagoen NASA-ren habitata, Ugandako zuhaitz-etxe bat, Tokioko bizileku txikiak eta Nigeriako urmael bateko etxola-herria bisitatuko ditugu.
Ezagutu Boris Benjamin Bertram
Boris B Bertram gatazken konponketan eta humanitarismoan interesatuta dagoen dokumental-egilea da. "Nire karreran zehar, gerra eta ezbehar naturaletatik ihesi zebilen jendea, mugimenduan eta etxerik gabe zeuden pertsonak filmatu ditut" dio. "‘Shelter’ etxeari buruz daukagun lehenengo kontzeptua da. Seguru egon behar dugula suposatzen den lekua. Horrela sortu zitzaidan filma egiteko ideia."
Gatazketatik babestu
Dokumentalak jendea egoera zailetan nola bizi den erakusten du, aterpe, etxe eta ondasunen ideiak aztertuz. Arbateko (Irak) errefuxiatu kanpamendu batean, neska batek bere olerkia partekatzen du. "Ongi etorri nire etxera, guztion dendara eta nirera" dio. "Lagundu nazazue nire komunitatera iristeko."
Bizimodu nomaden argazkia
Filmak etxea leku fisiko batetik harago egotearen ideia ere aztertzen du. Kautokeinoko (Norvegia) elurrezko paisaian, Sámi elur-orein artzain nomadek haien etxeen izaera igarokorra azaltzen dute. "Asko ditudala esan daiteke" dio batek. "Negua, udaberria, uda eta udazkena. Mugitu eta ezartzen naizen lau leku daude."
Bizitza muturreko ingurunetan
Ingurune eta bizileku natural zailenak ere etxe bihur daitezke. NASA-k Hawaiien duen habitatean, pertsona talde bat zortzi hilabetez isolaturik bizi da sumendi antzu batean, Marteko misio batean egongo balira bezala. "Denborarekin leku eroso eta familiarra bihurtu da," dio taldeko batek azkenik Irteera egunean haien kapsulatik ateratzean.
Hiri-ikuspegi desberdinak
Hirian bizitzea ikuspegi desberdinetatik aztertzen da. Tokion, emakume batek bere etxe txikia argazkigintza laborategi bihurtu du. "Hemen nire kabuz bizi naiz, leku ilun batean nire argazkiekin" dio. "Jakina, batzuetan bakarrik sentitzen naiz." Baina lanean hasten naizenean, nire arazoak ahazten ditut eta pixka bat transzenditzen naiz. Hau niretzat garrantzitsua da, Tokio jendetsu eta zaratatsuan bizi naizelako."
Bizitzari uretatik begiratu
Filmak bizitzeko era ezberdinak erakusten ditu. Lagoseko (Nigeria) ur gaineko etxola-herri batean, bizilagunek eguneroko bizitzaz hitz egiten dute. "Ur gainean lo egitea ez da beste edozein lekutan lo egitearen oso ezberdina" dio gizon batek. "Alde onak eta txarrak ditu. Ohituta gaude gure harremanengandik hurbil egoten. Hori da hemen bizitzeaz gehien gustatzen zaidana; familiakoekin harremanetan egotea".
