Ideia merkeak logela unibertsitario sortzaileetarako
Unibertsitate-garaia gure bizitzako garairik berezienetariko bat da. Horregatik, gonbidatzen zaitugu zure logela mihise zuri bat bezalakoa dela irudikatzera. Espazio bikaina da zure nortasuna eta zaletasunak islatzeko, hormak margotu, altzari handirik erosi edo diru askorik gastatu gabe. Aldaketa txikiekin, ideia moldakorrekin eta ukitu sinpleekin,logela perfektua lor dezakezu, bai bertan gozatzeko, bai ikasteko.
Irekitzen ditugu ukitu apaingarri, funtzional eta artistiko merkez eta txikiz betetako logela unibertsitario honen ateak, benetan zoragarria iruditzen zaigulako.
Espero dugu zuentzat inspirazio-iturria izatea!
Zein oherako arropa aukeratu
Hau bezalako bizitasun eta sormenez betetako logela unibertsitario bat nahi baduzu, aukeratu estanpatuak edo kolore deigarriak dituzten ehun-gaiak. Gainera, logelaren gune hau moldakorragoa izatea nahi baduzu, gomendatzen dizugu ohean azpiko maindire eroso bat eta kuxin asko jartzea, sofa gisa ere erabili ahal izateko. Horrela, erabilera bikoitza eman ahalko diozu eta bizkarra erosotasunez jarri ahalko duzu.
Nahiago baduzu kolore-ukitua beste gune bati eman, saia zaitez estanpatua duen alfonbra batekin edo kolore biziko kuxin-zorroekin.
Dekorazio esekia erakusketa gisa
Logela honetan, oso proposamen interesgarria erakusten zaigu: laminak, argazkiak edo koadroak eskegitzea, nolabaiteko erakusketa sortzeko. “Artelan” txiki hauek eskegi ditzakezu zinta itsasgarriarekin edo gortinetarako kakoekin, nahi duzuenean, horiek erraztasunez aldatu ahal izateko.
Oso modu merkea da zure posterrak, koadroak, laminak edo argazkirik gogokoenak eskegitzeko, argazkietarako markorik erosi gabe eta horman zulorik egin gabe.
Gainera, di-da batean jarri eta kentzen direnez, ez zara inoiz horietaz aspertuko.
Funtzio anitzeko altzariak
Zure logela txikia bada edo, besterik gabe, altzariak eta behar ez dituzun gauzak pilatu nahi ez badituzu, espazioagatik eta aurrezteagatik, gune berbera edo objektu berbera funtzio desberdinetarako erabiltzea erabaki dezakezu: guk funtzio anitzeko altzariak deitzen ditugu.
Ez ditugu soilik biltoki gisa balio duten mahaiak edo ohe bihurtzen diren sofak: horrez gain, erabilera bikoitza eman ahal diegu dagoeneko logelan ditugun altzariei adibidez, aulkiari.
Izan ere, logela bateko aulkiak ez du bakarrik balio arropa pilatzeko, piloaren azpian ikusi ezin dugunera arte, primerakoa izan daitekeelako gau-mahai gisa ere bai, bertan pintzadun lanpara sinple eta erabilgarri bat, ur baso bat eta liburu bat jartzeko.
Emaiezu buelta bat zure altzarien aukerei espazioa eta dirua aurrezteko!
Egokitu idazmahaia zure premietara
Logela unibertsitario batean egon daitekeen gauzarik garrantzitsuenetariko bat idazmahaia da; horregatik, ezin da hori edonola aukeratu, ezta kokatu ere. Hemen leiho baten ondoan ikus daiteke; leihoak gortinak ditu, argia eta pribatutasuna edukitzeko aldi berean, baina fokua jarriz pintura-astoan, hori baita logela honetan gehien egiten den lana.
Horregatik, ondoriozta dezakegun ikasbiderik onena da logela eta idazmahaia gure premietara egokitu behar ditugula eta ez alderantziz.
Idazmahaiko aulkia beste leku batean dago eta, hemen, aulki bat dago, jabeak zutik erosotasunez lan egin ahal izateko bere koadroetan, argi naturalarengandik hurbil. Kasu honetan, idazmahaia margotzeko materiala kaxa garden batean eskura edukitzeko bikaina da.
Oso armairu moldakorra
Batzuetan, logela batean ez da armairu konbentzional bat sartzen. Edo, besterik gabe, nahi dugu armairua gure premietara egokitzea eta nahiago dugu guk geuk sortzea, arroparako ez ezik, beste gauza askotarako ere balio izateko.
Horregatik, hemen, gortina batekin ezkutatu egin da apalategi hauetan jarri den guztia:
- Aukeratu gustuko duzun oihala metroka eta eseki ezazu apaletan kakoen bidez barrualdea ikusi ez dadin.
- Eta ez baduzu ezer josi nahi, jarri oihalean zinta lodia eta egin botoi-zuloak guraizeak erabiliz.
- Ordenatu zure armairu pertsonalizatuaren barrualdea kutxa eta saskiekin. Gauzak ez ikusteak ez du esan nahi desordenatuta egon daitezkeenik!
Gauzak zuk zeuk egitean, nortasuna duen logela bat sortzeaz gain, asko aurreztuko duzu.
Nola erabili arroparako bastidore bat antolatzaile gisa
Kasu honetan, erraila perfektua da, gurpilak eta euskarria dituelako; altuera erregulagarria daukalako eta gauza askotarako balio duelako. Espazio nahikoa baduzu, osagarri paregabea da mota guztietako gauzak antolatzeko: ez du soilik arroparako balio!
- Osatu konpartimentuak dituzten antolatzaile esekiekin: kasu honetan, pintzeletarako erabili dira, baina, besteak beste, betaurrekoak edo gerrikoak bezalako bestelako osagarri batzuetarako ere erabil ditzakezu.
- Jarri pintzadun pertxak arropa eta nahi duzun guztia eskegitzeko, margotu berri diren eta lehortzen ari diren lamina hauek bezalaxe.
- Jar ezazu ere saski edo kaxa bat oraindik praktikoagoa eta pertsonalagoa den biltokia edukitzeko.
Horrelako konponbide txikiek aukera ematen dizute zure logela unibertsitarioa antolatzeko eta ahalik eta probetxurik handiena ateratzeko.
Aizu! Ideia gehiago nahi badituzu logelei dagokienez, ez galdu honako hau:
Izugarri atsegin dugu bezeroek gure produktuak sormenez erabiltzea. Ausartu zaitez zu ere! Baina kontuan izan behar duzu IKEA taldeko produktuetan aldaketak eginez gero ezin izango ditugula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
