Terraza txikiak dekoratzeko 5 ideia
Terraza bat duenak altxor bat du, baita terraza hori txikia bada ere! Batez ere, etekina ateratzen jakinez gero. Horregatik, hainbat dekorazio-ideia, eman nahi dizkizugu, han egin nahi duzunaren arabera: lagunekin gelditu, kirola egin, zerbait hartu… Apuntatu!
Dekorazioak, funtzio estetikoa betetzeaz gain, zure beharrak ere bete behar ditu. Hori dela-eta, oraingo honetan terraza txikia dekoratzeko ideietan jarriko dugu arreta, zure terrazari ematen diozun (edo eman nahi diozun) erabileran oinarrituta. Ez da dekoratzeagatik dekoratzea, ahalik eta etekin handiena ateratzea eta aire libreaz gozatzea da helburua. Jarraitu irakurtzen eta aukeratu zuretzako aukera egokiena.
1. Lagunak gonbidatzeko dekorazioa
Terraza lagunak eta familiako kideak gonbidatzeko aprobetxatu nahiko zenuke? Txikia izanagatik, lor dezakezu. Kasu honetan, leku gehiena erosoa den besaulki bat jartzeko beharko duzu. Baina oso handia ez den mahai bat ere beharko duzu, edariak eta mokaduak jartzeko.
Jende gehiago sartzeko, puf bat edo bi jar ditzakezu hutsuneetan. Bakoitza bere etxera joandakoan, erraz eraman ahal izango dituzu etxeko beste gela batera, terrazan lekua egiteko.
Ez ahaztu kolore desberdinetako kuxinak eta tapaki bat edo beste jartzeaz besaulkiaren gainean, gonbidatuak eroso egon daitezen hitz egiten edo zerbait hartzen duzuen denbora horretan. Eta, terraza txikian egotea erosoa izan dadin nahi baduzu, jarri landare eta lore batzuk barandan eta kandelak jartzeko faroltxo pare bat giro erromantikoagoa eta chill out estiloa lortzeko gaua iristean.
2. Kirola egiteko dekorazioa
Benetan atsegin duzuna kirola egitea bada eta terraza ariketa egiteko bakar-bakarrik erabili nahi baduzu, baditugu horretarako ere ideiak. Leku txikiez ari garenez, leku asko behar ez duten ariketa fisikoaz ari gara, yoga edo pilates.
Zentzu horretan, terrazan txoko lasai bat sortu behar duzu zure gorputza aktibatzeko balioko dizuna, ezerk eten gabe. Horretarako, lehen premisa gauza gutxi jartzea izango da, lekua askoz ere gehiago aprobetxatzeko. Zer beharko duzu? Kanpoko alfonbra bat jartzea gomendatzen dizugu, erosotasun handiagoa lortzeko. Gainera, puf txiki bat edo mahai txiki bat jar dezakezu ariketa egiten duzun bitartean behar dituzun gauzak uzteko (gomendio-liburu bat, mugikorra, tableta, ur-botila…)
Gainera, gure gomendioa da besaulki txiki bat jartzea, ariketa egiten amaitzen duzunean, terraza aprobetxatzeko lasaitzeko une bat pasatzeko bertan. Bi jarduerei amaiera bikaina emateko, jarri landare txiki bat giro on bat sortzeko. Leku asko ez baduzu sobera, erabili hormak.
3. Zerbait hartzeko dekorazioa
Dekorazio hau aparta da terrazak eta balkoiak zerbait freskoa hartu eta hizketaldi atsegin batez gozatzeko lotzen dituzten horientzat, bakarrik nahiz lagunekin.
Kasu honetan, terraza txiki bat denez, mahai txiki bat hartzea da hoberena, edariak eta beste zerbait uzteko. Aulkiei dagokienez, tolesgarriak aukera ditzakezu eta tabureteekin konbinatu, argazkian ikusten den moduan, zentimetro batzuk gehiago irabazteko. Mahai eta aulki tolesgarrien alde hoberena da kendu egin ditzakezula behar ez dituzunean eta oso erraz gorde daitezkeela, eta hori oso egokia da balkoi eta terraza txikietan.
Zure tabernako terrazatxo partikularrari etekin handiena ateratzeko, ezinbestekoa izango da eguzkitik babestuko zaituen itzalkina jartzea. Hori guztia prest duzunean, gehitu koloreak eta giroa kanpoko landareekin barandako eremuan eta kandela jartzeko faroltxoen gisako beste apaingarri batzuk, gaua iristen denean pizteko. Plan mundiala!
4. Landareez gozatzeko dekorazioa
Landareak atsegin dituzu eta ez duzu patiorik? Dekorazio-ideia hau zuretzat da. Terraza lorategi koskor bat sortzeko aprobetxatzean datza, hain gustuko duzun lorezaintza praktikan jartzeko.
Lehen urratsa landareak aukeratzea izango da. Horretarako, garrantzitsua da terrazaren baldintzak aintzat hartzea: urtaro desberdinetan jasoko duten argia, irekia edo itxia den, haizea… Baldintza horien arabera, landare batzuk edo beste batzuk aukeratu beharko dituzu. Adibidez, terraza itxia baduzu, hoberenak barruko landareak dituzu.
Terrazan sakabanatzeko, KOLBJÖRN estiloko apalategi bat jar dezakezu. Goialdean landare asko jar ditzakezu eta, behealdean, landareak zaintzeko behar duzun guztia gorde dezakezu (ureztagailua, guraizeak, eskularruak…). Lekurik geratzen bazaizu, jarri mahai txiki bat landare guztiei begiratzen diezun bitartean te bat hartzeko.
5. Ikuztegi baterako dekorazioa
Azkenik, terraza aprobetxatzeko beste modu bat etxean jartzeko nahikoa leku ez duzun zeregin baterako prestatzea da. Kasu honetan, leku interesgarria iruditzen zaigu ikuztegi txiki bat muntatzeko, garbigailua eta arropa zikina jartzeko saski bat gortina txiki baten atzean jarrita. Bi elementu horien gainean sukalde-gaineko bat jar dezakezu eta, gorago, jantzi luzeenak esekitzeko barra; horrela, leku gehiago izango duzu esekilekuaz harago.
Lekua aurrezteko, arropa garbitzen amaitzen duzunean, kako batzuk jar ditzakezu horman esekilekua zintzilikatzeko. Gainera, hormako armairu bat jar dezakezu etxeko garbigarri guztiak jartzeko, eta guztiak toki berean izanda, denbora aurreztuko duzu zereginetan hasten zarenean.
Zein da gehien gustatu zaizun aukera? Joan baino lehen, eman begiratu bat artikulu hauei, ideia gehiago behar badituzu ere.
Izugarri atsegin dugu bezeroek gure produktuak sormenez erabiltzea. Ausartu zaitez zu ere! Baina kontuan izan behar duzu IKEA taldeko produktuetan aldaketak eginez gero ezin izango ditugula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
