Saltatu
EU ESeuskara

Galdetu diseinatzaile bati: etxe zuri-beltz dotore bat muntatzea asko gastatu gabe

"Nola egin ditzaket hobekuntzak etxean, gehiegi gastatu gabe?” Mia Gustafsson barne-diseinatzaileak familia-apartamentu dotore hau sortu zuenean, aurrekontu txikia errespetatzea zen lehentasun nagusia. Etxe horren kasuan dirua aurrezteko erabili zituen ideiak kontatu dizkigu; esaterako, oinarrizko altzariak erabiltzea eta argiekin apaintzea.

Lauza zuriak dituen sukalde baten eta egongelaren arteko irekiera. Egongelan, SÖDERHAMN sofa gris ilun bat eta LACK habia-mahai zuriak daude.
Lauza zuriak dituen sukalde baten eta egongelaren arteko irekiera. Egongelan, SÖDERHAMN sofa gris ilun bat eta LACK habia-mahai zuriak daude.

Hasi oinarrizko altzari zuri-beltzekin

Zuria eta beltza etxe honetako bazter guztietara eramatea erabaki zuen Miak: altzariek, zoruek eta hormek kolore horiek dituzte. Modak aldatu arren, urte askoz izango da egokia kolore-konbinazio dotore eta klasiko hori.

Apaindutako jangela zuri-beltz batean STEFAN aulki beltz-marroiak eta MARIUS tabureteak daude bi MELLTORP mahai zuriren inguruan.
Estanpatu artistikoko hormak dituen sukalde bat lotuta dago marra zabal zuri-beltzeko atondo batekin. Bi PINNIG banku beltz daude atondoan.
Mia Gustafsson barne-diseinatzailea eserita dago bi MELLTORP mahairekin eta STEFAN aulkiekin osatutako jangela batean.
SLATTUM ohe gris argi bat dago SPIKVALLMO oheko arroparekin jantzita eta HEKTAR foku bikoitz gris ilunekin argituta.
Zenbait apaingarri daude zurezko zoru ilunean sakabanatuta: OFTAST plater zuri bat, metalezko neurtzeko ontziak eta loratutako adar bat.

Altzari apalekin jantzita egon arren, apartamentu epela eta bizia da. Zure etxean efektu bera lortzeko argibideak ematen ditu Mia Gustafsson barne-diseinatzaileak.

Ehun-gaien ahalmena

Altzarien lerro zuzenak eta forma karratuak leuntzeko eta erliebe pixka bat gehitzeko, ehun-gai merkeenak bata bestearen gainean jarri zituen Miak. Egongelan, adibidez, sofako kuxinak nahasita eta konbinatuta daude, eta kotoi birziklatuzko TIPHEDE alfonbrekin egindako collageak estaltzen du zorua.

Ikusi kuxin eta kuxin-zorro guztiak
Egongela zati batean SÖDERHAMN sofa gris ilun bat, musika-instrumentuak eta SKURUP irakurtzeko lanpara beltz bat daude. Horma artelanekin apainduta dago.
Eguzkiak erdi-argituta, SANDARED puf beix bat dago kafe-mahaien eta aulki baten artean, zurezko zoru ilunean dagoen alfonbra baten gainean.
Ikusi kuxin eta kuxin-zorro guztiak

Ez dago zu bezalakorik, ezta zurea bezalako etxerik

Zure istorioa gehitzea da etxean egin dezakezun gauza eder eta originalena, eta aukera duzu zeure nortasuna nahierara erakusteko. Etxean zehar, batez ere biltegietan, etxekoentzat garrantzitsuak ziren gauzak jarri zituen Miak begi bistan: familia-argazkiak, azokan aurkitutako objektu zaharrak, bidaietako oroigarriak eta bigarren eskuko altxorrak. Horiek guztiek alaitasuna eta bizitasuna ematen diote etxeari.

Ikusi armairu eta arasa guztiak
Beirazko ateak dituzten BRIMNES armairuak elkarren ondoan jarrita daude jangela batean. Apaingarriak dituzte barruan, gainean eta gaineko hormetan.
Lauza zuriak dituen sukalde bateko izkina batean, launa konpartimentu dituzten bi EKET armairu daude horman finkatuta, bata bestearen ondoan.
Ikusi armairu eta arasa guztiak

Argiztapena azken ukitu gisa

Selfieak ateratzeko eta etxea altzariz janzteko orduan, arau berbera aplika daiteke: argiztapena da garrantzitsuena. Mia ziur dago hori dela etxea goitik behera aldatzeko dagoen modu merkeenetako bat, eta gutxietsi egiten dena. Gela bakoitzean erabilera bereziko argi-iturri bat edukitzea da gakoa; esaterako, gela osoa argitzen duen sabaiko lanpara bat edo gustukoen duzun aulkira bideratutako zutikako lanpara bat.

Marra zuri-beltz lodiko hormak dituen atondo batean, sabaiko lanparak, oinetakoak gordetzeko biltegiak dituzten PINNIG banku beltzak eta UGILT alfonbrak daude.
Logela bateko izkinan, RAKKESTAD armairu beltz-marroi bat dago LINNEBÄCK besaulki gris argi baten ondoan.

Kontaiguzu zure esperientzia!