Etxe bati bisita: ondo antolatutako sukaldea

Hasteko, eskura zein objektu izan nahi dituzun erabaki. «Lagunekin etxean bildu ohi gara tea edo freskagarriren bat hartzeko. Horregatik gordetzen ditut kikara eta edalontziak apalategi irekietan», azaltzen du Julesek. «Arratsalde askotan kandelak pizten ditut etxera iristerakoan atseden hartzen laguntzen baitidate, beraz, horiek ere eskura izan ohi ditut».

Baina biltegiratze-sistemak ez du zertan funtzionaltasunera mugatu beharrik. «Nire bidaietan eskuz egindako plater ederrak erosi ohi ditut. Zentzurik izango ote luke armairuan gordetzeak? Gustukoen ditudanak sukalde-gainekoaren gainean dudan platerentzako apalategi batean gordetzen ditut, eta aldatzen joan ohi naiz ezer berria ekartzen badut».

Daukazun espazioa ahalik eta ondoen aprobetxatu. «Baxera gordetzeko tiradera sakon bat aukeratu nuen. Horrela, urrunen gorderik dagoena erraz har dezaket. Platerentzako euskarriak darabiltzat guztia antolatua izateko, horrela plater eta edalontzi gehiago gorde ditzaket, eta plater sorta osoa atera behar izanez gero».

Sukaldean, antolaketa on bat barrutik hasten da. «Zartaginen tiraderan taldeka antolaturik dut guztia, eta estalkientzako antolatzaileak benetan errazten dit bizitza. Are eta gehiago, mahai-tresnentzako behar bezala antolaturiko tiradera batek etxeko bizitza pixka bat errazten du egunero».

Objektu funtzionalenek ere haien neurriko biltegiratze-soluzio bat merezi dute. Julesek garbiketarako produktu eta materialentzako bakarrik erabiltzen du tiradera bat, eta sailetan gordetzeko kaxa eta saskiak darabiltza. Horrela, antzeko produktuak elkarrekin gorde ditzake, eta behar duenean, dagokion kutxa atera besterik ez du egin behar.

Jules bere Londreseko apartamentura aldatu zenean, leku osoa berriro diseinatu zuen, eta sukaldearen plangintza egin zuen horma bakarra hartu eta leku argitsu bat sortzeko. Horretarako armairu, apalategi ireki eta IKEA zementuzko sukalde-gaineko baten konbinaketa erabili zuen. Sakatu behean etxea ikusteko.

Ezagutu Julesen etxea hemen.