Etxe bat bisitatzea: sortu umeentzako logela perfektua

Hautatu umeei haien gauzarik gustukoenak erakustea ahalbidetuko dien biltokia. Apal irekiak eta koadroetarako apalak ezin hobeak dira istorioak maite dituztenentzat, eta logelaren look-a aldatzeko modu erraza ere badira, erakusgai izan nahi dutena aukeratuz. Sortu irakurketarako gune eroso bat liburutegi-sagu txikientzat, apalen alboan kuxin handi bat, edota lastaira bat eta kuxinak gehituz.

Erabili kolorea inguratzen zaituen oro biziagoa izan dadin. Ehun-gaiak eta irudiak logela zuri bati energia positiboa txertatzeko modu erraza dira. Eguneratzeko errazak dira gainera, haurrak hazi eta haien gustuak aldatzen doazen heinean. Hautatu zure seme edo alabarekin batera haziko den ohe bat ere. Gainera, ukitu dibertigarri eta irudimenezkoak ipin ditzakezu lotarako gunean. Adibidez, tokean aritzeko jolasa zoruan margotu dezakezu, zinta itsaskorrarekin.

Erabili idazmahai bat lekua sortzen lagundu eta elkarlana sustatzeko. Haniaren idazmahaia hormari itsatsita egon beharrean handik urrun ipintzean, lotarako gunea irakurketa-gunetik banatzen da. Honela, aulki bat ere edozein lekutan ipini daiteke, lagun bat edo aita ere mahaiaren ondoan eseri dadin.

«Denbora asko igarotzen dut nire logelan», dio Haniak. «Oso gustuko dut irakurtzea eta Kiki eta Nina nire katuak laztantzea» Nire kolorerik gustukoenak? Galdera erraza da hori. Bioleta eta menta berdea».