Etxe bat bisitatzea: logela antolatua giro lasaia sortzeko

Aurkitu zure gunea definitzeko modu berriak. Logela honetan, arroparako barra irekiak jantzigela moduan erabili dira. Landareen «pantaila bizi» batek berriz erosotasuna eta pribatutasuna dakar, aldi berean barruko esparrura naturaren sentsazioa ekarriz. Gau-mahai bat beharrean, Dagmara etxejabeak banku bat hautatu zuen. «Horrela, aldizkari eta libururik gogokoenak gordetzeko erabil dezaket, eta goizetan oinetakoak janzteko» Biltokiak ez du zertan beti biltoki itxura izan». Material eta kolore naturaleko ehun-gaiak, altzariak, alfonbrak eta osagarriak atseginak dira ukitzean eta armonia sentsazioa dakarte begiratzerakoan.

Gehitu goian nahiz behean ondo sentiaraziko zaituzten xehetasun praktikoak. Kako batean ipinitako zurezko esekigailu sinple bat elementu bereizgarria izan daiteke bere kabuz, baita hurrengo egunean arropa esekitzeko lekua ere. Material naturalez egindako saskiak berriz ezin hobeak dira arropa zikinarentzat edo osagarrientzat. «Pentsatu egunerokotasuna apur bat errazagoa egin dezaketen eta ikusteko atseginagoak diren gauza txikietan», dio Dagmarak.

«Ez dut dekoratzaile ikasketarik, baina nire etxeko ongizatea hobetzea beti izan da nire zaletasuna», dio Dagmarak. «Antolakuntza ongi planifikatzea, landareen bidez naturaren atal txiki bat barruko esparruetara ekartzea eta material naturalak erabiltzea: hauek dira nire aholkurik onenak, logela egunez eta gauez ongi sentiaraziko zaituen gune bihurtzeko».