Etxe bat bisitatzea: dekoratzaile baten biltoki-berrikuntza
Erabilgarriak izateaz gain, biltegiratze soluzioak politak ere izan daitezke. Katie dekoratzaileari biltegiratze-soluzio sinpleak erakusketa-soluzio politak eta praktikoak nola bihurtzen dituen erakusteko eskatu genion.
Biltegiratzearen erronka gainditua
Dekoratzaileak direnez, Katie eta bere pisukideak osagarri eta ehun ugari gorde behar dituzte. Lehen plastikozko kutxa handietan gordetzen zuten guztia, leku asko hartuz. «Zerbait hartu behar genuen guztietan, kutxa guztiak atera behar genituen», dio Katie-k. Bete-betean asmatu dute kutxak biltegiratze-sistema ireki batez ordezkatzean. «Orain guztia txukun eta eskura dugu, eta begira askoz hobeto ematen du».
Nola erakutsi gauzak
Aukeratu zure etxearen estilora nahiz izaerara egokitzen diren biltegiratze-soluzioak. «Biltegiratze-soluzio irekiak atsegin ditut, pertsona oso bisuala bainaiz», azaltzen du Katiek. «Sortzaileagoa izaten laguntzen didate gauzak erakusteko orduan, eta apalategiak altuera ezberdinetan jartzeak pertsonalizatzen ere laguntzen dit. Artikuluak sailetan elkartzea da onena; nik ehunak koloreka antolatzen ditut, eta beirazko piezak biltzen ditut. Apaletako batean bainugelarako erreserbako osagarriak ditugu».
Gure pisuan gauzak etengabe aldatzen ari direnez, garrantzitsua da guretzat hori islatzen duen biltegiratze soluzio bat izatea».”
Katie (Londres)
Izugarri atsegin dugu bezeroek gure produktuak sormenez erabiltzea. Ausartu zaitez zu ere! Baina kontuan izan behar duzu IKEA taldeko produktuetan aldaketak eginez gero ezin izango ditugula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
Egileak
Barruko diseinua: Katie Phillips
Argazkiak: Polly Wreford
