Elkarrekin, baina lan-ordutegi ezberdinekin
Honako hau ilunpetan janzten diren eta arropa alderantziz jartzen dutenentzat da. Logelara oin-puntetan sartzen diren eta ohearen hankekin jotzen direnentzat. Astelehenetik ostiralera bikotea lo egiteko bakarrik ikusten dituztenentzat. Ez utzi lan-ordutegiak etxeko bizitza mugatu dezan. Diseinatu bioi egokitzen den logela.
05:00ak dira. Lanera joateko jaiki behar zara. Zure bikotea lotan dago oraindik. Normalean:
A) Ilunpetan janzten zara eta gauzak armairuan aurkitzen dituzu?
B) Argia pizten duzu eta zure bikotea esnatzen duzu?
Edo C), guk egiten dugun modura, ohea ilunpetan jarraitu daitezen haren inguruan gortina lodia jartzen duzu eta armairuan LED argiak erabiltzen dituzu arropa argitzeko (eta ez gainerako logela)?
Makillatzerakoan gertatu daitezken istripuak saihestu. Makillatu zaitez argiekin piztuta argiztatutako apain-mahai batean zure bikotea itxita dauden gortinen atzean lotan dagoen bitartean.
22:00ak dira. Lanetik iritsi berri zara. Gose handia duzu eta ez daukazu ezer prestatuta. Logela sukaldearen ondoan dago eta zure bikotea ziur asko lotan dago, 05:00etan lanera joateko jaiki behar delako. Normalean:
A) Eramateko janaria eskatzen duzu (berriro!)?
B) Ahal duzun zarata gutxien eginez janaria prestatzen duzu eta platerak zikin uzten dituzu biharko (berriro!)?
Edo C), guk egiten dugun modura, RIBBA marko batzuen kristalak kentzen dituzu eta aparrez betez (zorro merke baten barruan dagoen hori) logelako horman zure etxeko zarata-erreduktorea sortzen duzu?
(Betegarria honako leihoan ikusten den gortina lodi honen antzeko bat sortzeko ere erabili dezakezu. Kanpoko zarata saihesteko era sinple bat ere bada).
Jarri zenbait gortina leihoetan kanpotik sartzen den argia galarazteko. Horrela, egun eguzkitsuetan ohean denbora gehiago egon ahal izango zara.
Bibrazio onak eta txarrak daude. Ohearen alboan eseki daitezkeen karga lekuek zure bikotearen alarma jo arren lotan jarraitzea errazten dizute.
23:30ak dira. Afaltzen bukatu duzu eta ohean pixka bat irakurri nahi duzu. Arazoa zure bikotea jadanik lo dagoela da. Normalean:
A) Tapakia hartzen duzu eta egongelan irakurtzen duzu (hain beroa eta erosoa ez izan arren)?
B) Ohean sartzen zara, gaueko lanpara pizten duzu eta zure bikotea biratzen behartzen duzu?
Edo C) guk egiten dugun modura, zuen artean, ohe erdian, gortina bat gehitzen duzu eta horman angeluan dauden fokuak instalatzen dituzu argia lotan dagoen zure bikotetik urrun eta liburura bideratzeko?
Horrela, bai zuk bai zure bikoteak lo sakon egin ahal izango duzue. Baliteke gauza politak belarrira esatea dagoeneko hain praktikoa ez izatea. Zergatik ez dituzue maitasun-oharrak horma intsonorizatuan uzten?
Izugarri atsegin dugu bezeroek gure produktuak sormenez erabiltzea. Ausartu zu ere! Baina kontuan izan behar duzu IKEA taldeko produktuetan aldaketak eginez gero ezin izango dituzula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
