Diseinatu eta sortzeko modu berri bat
Harresiak beharrean zubiak eraikitzeko sortu zen ekimen kooperatibo hau eta Afrikako bost herrialdetako eta IKEA-ko diseinatzaileek sorkuntzarako ikuspuntu berri bat hartu zuten. Emaitza ÖVERALLT da, altzari, ontzitegi eta oihalen bilduma berria, gure artean konektatzera bultzatzen gaituena.
Hasiera berriak
2017an IKEA-k Cape Town-eko Design Indaba-rekin indarrak batu zituen Afrikako gaur egungo diseinuen berri izateko. Lankidetasun honek ÖVERALLT-era eraman gaitu, Afrikako moda, eskultura, arkitektura eta altzarigintzako diseinatzaileek, IKEA-ko diseinatzaileekin batera sortu duten bildumara. "Diseinatzeak egoskortasun arazoak konpon ditzakeela uste dugu" diote Reform Studio-ko Hend Riadek eta Mariam Hazemek.
Pertsonaliza ezazu
ÖVERALLT bildumak Issa Diabaté diseinatzaile eta arkitektoaren altzariak, ontzitegia, oihalak eta egur kontratxapatuzko aulkiak baitan hartzen ditu, zeinak IKEA-ko Kevin Gouriou diseinatzailearekin batera lan egin zuen. Issak diseinuzko pieza sinple bat sortzea pentsatu zuen, pertsonalizazioa eta konexioa sustatuko zituen mihise zuri bat. "Diseinuak bildu diren lekuaren arabera izaera desberdinak har ditzakete", dio.
Istorio pertsonalak
Sindiso Khumalok eta Renee Rossouwek IKEA-ko diseinatzailea den Johanna Jelinekekin lan egin zuten bildumarako oihal koloretsuak sortzeko. "Hegoafrikako oihal harro bat diseinatu nahi nuen" dio Cape Town-en bizi den Renee artista eta arkitektoak. "Beraz, nire animaliarik gogokoena zuen artelana proposatu zuen: elefante afrikarra. Animalia eder eta azkarra da, gazteak zaintzen dakiena."
Diseinatzeko prozesuan zehar interesgarria izan da ikustea berdintasun gehiago dauzkagula desberdintasun baino, gure ikuspuntuak kontrakoak badira ere.”
Sindiso Khumalo, oihal diseinatzailea
Sorrera-konbinazioak
ÖVERALLT edizio mugatuko bildumak kanpoko eta barruko aulki kulunkari bat eta oinazpi bat ere dauka, Senegaleko Bibi Seck produktu diseinatzaileak IKEA-ko Mikael Axelssonekin batera sortutakoak. Bibik ideia hori izan zuen haren amaren lorategian zegoela, Dakarren. "Diseinuak mundua txikiagoa egiten du eta kultura desberdinetako pertsonak elkartzen ditu" dio Bibik.
Erreformak gauza asko hartzen ditu bere baitan: jadanik dagoen ideia bat berregitea, objektuak berriro garatzea, materialak berrerabiltzea, kulturak berpiztea eta gure mundua erreformatzea.”
Reform Studio-ko Hend Riad eta Mariam Hazem.
Aukera berriak
ÖVERALLT oihalezko poltsa Hend Riadek eta Mariam Hazemek diseinatu dute eta misio jasangarria duen poltsa da. Hari baten antza duten zerrenda distiratsuak bilgarri kirrikatsuen ekoizpenean sortutako soberakinekin eginak
daude. Berrerabiltzeko kontzeptua beteta, Hend eta Mariam orain soberakinak eko-material bihurtzeko modu desberdinak probatzen eta bilatzen ari dira.
Zoragarria da bezeroek barnean daramaten artista ateratzen dutenean gure produktuei esker. Has zaitez! Hala ere, kontuan izan IKEA produktuak aldatzen edo eraldatzen badituzula, ezin direla berriro saldu edo jatorrizko xedetarako erabili; halaber, IKEA-ren berme komertzialak eta produktuak itzultzeko duzun eskubidea galduko dituzu.
ÖVERALLT maiatzean egongo da dendetan eskuragarri.
