Balkoia aprobetxatzeko ideiak

Aprobetxatu tokia: lorategi bertikala balkoian

Balkoi txikietan argi izan behar da zentimetro bakoitzak balio duela. Eta, noski, baita bertikal daudenak ere. Garrantzitsua da hormetako tokia aprobetxatzen jakitea: 

• Jarri landareak sentsazio hostotsu eta intimo bat sortzeko lurrean tokirik okupatu gabe.  
• Baliatu honelako egiturez, ez dute zabalerako ia tokirik hartzen, eta horma osoa estaltzen laguntzen dute. 
• Beste modu bat loreontzi-euskarri zintzilikariak erabiltzea da, ahal dela sabaitik edo barandatik euts daitezkeenak.  
• Edo betiko zurezko sare bat lot daiteke hormara, landare igokariak goraino igotzen uzteko.  
• Beti dago loreontzi-euskarri euskarridunen alde apustua egiteko aukera, balkoiko barandatik zintzilikatzeko eta landarez eta lorez betetzeko, lurrari edo hormari espaziorik kendu gabe.

Altzari txiki eta tolesgarriak  

Edozein balkoitako funtsezko puntuekin jarraitzen dugu: toki txikietarako kanpoko altzariak.

Metro koadro gutxi ditugunean, garrantzitsua da ahalik eta moldaerrazen izan daitezen lortzea. Nola? Behar-beharrezko tokia hartzen duten eta arinak eta tolesgarriak diren altzarien bidez; adibidez, kanpoko jangelako sorta.

Hori bai, tolesgarria delako ez du “gatzgabea” edo “jarri eta kentzekoa” izan behar. Gehitu kanpoko kuxinak eta terrazan ematen dituzun unetxoak erosoago bilakatzen dituzten beste ehun-gai batzuk, jarri tapaki bat bizkarraldetik zintzilik, gehitu konbinazioari eguzkitako bat tokia baduzu… Pertsonaliza ezazu! 

Xehetasun txikiak: balkoirako dekorazioa

Balkoi batean atseden hartu eta erlaxatzeko toki bat izatea edo landareak jartzeko toki bat izatea funtsezkoa bada ere, zerbait gehiago ere behar da. Etxe barruan gertatzen den moduan, dekorazioa ere garrantzitsua da eta bere papera du. Kontuan hartu: 

• Landare loredunek eta kolore deigarrietako altzariek eta osagarriek argiz betetzen dituzte toki ilunak.  
• Loreontzi originalak aukeratuta edo material desberdinak txandakatuta, ukitu berezi bat emango diozu balkoi txikiari. 
• Kandelekin eta girlanda argidunekin gela polit apainduko duzu eta, aldi berean, argi erromantikoa eta atsegina lortuko duzu bertan arratsalde eta gauak pasatzeko.  
• Gauean freskatzen duenean, tapakia erabil dezakezu berotzeko, eta kolore eta ukitu atsegina ere emango die balkoiko aulkiei. 
• Kanpoko kuxinak oso egokiak dira erosotasuna lortzeko eta balkoia alaitzeko. Bai, nahiz eta aulki bakarrerako tokia egon! Eroso egon beharko, ezta? 
• Pentsatu duzu alfonbra bat jartzea? Hemen topatuko dituzu kanporako osagarri ugari! 
• Oraindik ez badituzu eguzki-argiarekin kargatzen diren SOLVINDEN lanparak ezagutzen, hauxe da unerik egokiena! 

Etxean belar aromatikoak haztea 

Benetan dugu gustuko eskala txikiko lorezaintza. Baita hiriko balkoi txiki batean ere. Beti daude erraz hazten diren belar aromatikoak eta bestelakoak. 
Hauek dira etxean erraz haz daitezkeen zenbait landare: 

Erromeroa 

Gure sukaldeko “oinarrizko” landareen artean gogorrena da. Urte osoan irauten du eta ez du zaintza berezirik behar.  

Albaka 

Eguzki eta ur asko behar ditu, baina zaintzeko erraza da. Gainera, ezer gutxi dago pesto-saltsa baino hoberik… Ez duzu uste? 

Izpilikua 

Oso gogorra da eta eguzki-argi asko duen edozein tokitara moldatzen da. Loreontzi handi batean jar dezakezu edo, hasieran, txikiago batean ipini, eta gero ontziz aldatu. Belar hori ez dugu janaria prestatzeko erabiliko, baina bai usain ZORAGARRIA emateko gure armairuei eta tiraderei.  
 

Gustatu al zaizu artikulua? Ez galdu landareak zaintzeko eta kanpoaldea aprobetxatzeko bukaeran utzi dizkizugun gainerako ideiak eta aholkuak.

Inspirazio gehiagoren bila? Eman begiratu bat Galdetu Alleni programako bideo honi eta aurkitu ideia gehiago zure kanpoko espazioa prest izateko.