Etxea aire giroturik gabe freskatzeko 6 aholku

1. Noiz aireztatu etxea udan

Etxea udan fresko mantentzeko, gauzarik garrantzitsuenetako bat ordu egokietan aireztatzea da. Zer esan nahi du horrek? Ez duela balio eguneko edozein momentutan parez pare leihoak irekitzeak, ezta pertsianak igotzeak ere.  
 
Aireztatzeko onena, goizeko lehen orduan egitea da (6ak eta 8ak bitartean), eta, ondoren, leihoak ixtea. Ez ireki berriro gaueko 11k arte gutxi gorabehera: eguzkia ezkutatu eta ordu pare batera. Une horretan, funtsezkoa izango da korronteei etekina ateratzea, leiho kontrajarriak irekiz. 
 
Gainera, oso gomendagarria da pertsianak jaistea edo gortina trinkoak istea eguzkia zuzenean jotzen ari denean leihoan. Hala, beroa kristaletan zehar sartzea saihestuko dugu. 
 
Bide batez, ba al zenekien leihoaren aurrean jarritako bustitako gortina, izara edo eskuoihalek tenperatura jaitsarazi dezaketela eguzki-argia blokeatzean eta sartzen den haize leuna hoztean? Oihalak landare-langargailu batekin busti ditzakezu.

2. Aukeratu material naturalak 

Bai ohea janzteko, bai etxe guztia janzteko (gortinak, alfonbrak, kuxin-zorroak...), oso garrantzitsua da urtarorako ehun egokiak aukeratzea aire giroturik gabe fresko egon nahi baduzu. Berezko freskotasun naturala duten ehunak: kotoia, lihoa, zeta eta lyocella, besteak beste. Horrelako ehunek beroaren eta hezetasunaren ondorioak gutxitzen lagunduko dizute. 
Erabili, halaber, kotoia edo lihoa bezalako material naturalak pijametan edo etxetik ibiltzeko arropan. Ehun sintetikoak mota horretako oihalengatik aldatzeak sekulako aldea egiten duela ziurtatzen dizugu.

3. Nola murriztu beroa hobeto lo egiteko 

Gau beroetan lo egitea ez da erraza. Baina aholku batzuk erabil ditzakegu gure logelan metatutako beroa murrizteko, aire giroturik gabe freskatuz. 
Hasieran esan dugun bezala, funtsezkoa da gela adierazitako orduetan aireztatzea. Arreta berezia jarri behar zaio oheratu aurretik aire-korronteak sortzeari. Komenigarria da, halaber, alferrikako gauzak logelatik kentzea minimalismoaren alde eginez, batez ere oheko arropari dagokienez: izarak bakarrik, besterik ez. 
Eduki gertu ura gauez hidratatzeko, hezegailu bat egunez erabiltzeko (pertsianak jaitsita daudelarik) eta, jakina, gau beroenetan mesede egingo dizun haizagailu bat.  

4. Freska zaitez barrutik zein kanpotik

Gure etxean egiten duguna ez ezik, funtsezkoa da “barrutik fresko” egotea, bero itogarriaren sentsazio hori desager dadin. 
Ba al zenekien haurren gorputzaren % 75a ura dela eta helduena % 60a? Gainera, egunean zehar, pertsona batek 2,5 litro ur inguru galtzen ditu. Kopuru hori berreskuratu egin behar dugu, batez ere urteko sasoi honetan, deshidratatuta eta bero ez sentitzeko.

Edan gutxienez bi litro ur egunean, saihestu alkohola, hartu gutxienez 3 fruta-pieza egunean, prestatu izozkiak eta etxeko zuku freskoak, eta jan produktu freskoak. Jarri arreta sasoiko barazkietan hilabete hauetan. 

5. Ureztatu landareak gauez

Terrazan, balkoian edo egongelako zein logelako leihoan landareak badituzu, urezta itzazu gauez. Hala, ureztatzean eta leihoa irekitzean, freskatu egingo duzu eremu hori eta aldameneko guztia. Zenbat eta landare gehiago izan, hobeto.

Zure landareentzat ere gomendagarriagoa da udan zehar gauez ureztatzea, modu eraginkorragoan aprobetxatuko baitute ura, gutxiago lurruntzean.

Gainera, lur bustiaren usaina dagoen usainik onenetakoa da… 

6. Teknologiaren eta argiaren erabilera egokia

Dakizun bezala, etxean beroa igortzen duten gailu elektriko asko daude: hala nola bitrozeramika erabili ondoren, ontzi-garbigailua, labea... baita telebista ere.  

Erabili tresna horiek guztiak "modu arduratsuan". Azken batean, etxean dauden bero-iturriak dira, eta etxea fresko mantentzea zailtzen digute, airea jarri ezean. Saihestu haietako batzuk aldi berean konektatzea eta argiak piztea, ahal den neurrian.  
Hori bai, argia aurrezteko eta beroa saihesteko, onena hauxe da:

• LED bonbillen alde egitea etxe osoan.
• Terrazan, erabili eguzki-argiztapena.
• Aldatu etxetresna elektrikoak kontsumo txikiko beste batzuengatik.