Saltatu
EU ESeuskara

Nola garbitu zure zurezko altzariak

Gure zurezko altzariak oso sendoak dira, baina ahalik eta denbora luzeenean perfektu mantentzea nahi badugu, behar bezala zaindu behar ditugu. Ikus dezagun nola garbitu zurezko altzariak motaren arabera: pinua, haritza, pagoa, banbua eta kanpoko altzariak. Gainera, oinarrizko gida bat oparituko dizugu, pdf formatuan, zur naturalezko altzari-mota guztietarako aholkuekin. Segi irakurtzen!

A TRIXIG wood treatment oil, indoor use

Nola garbitu pinuzko zurezko altzariak

Pinu naturala urteekin hobetzen den materiala da; horren adibide da gure IVAR biltegiratze-sistema edo izen bereko atedun armairua, biak pinu trinkoz eginak.

Horiek garbitzeko, zapi lehor bat erabili, hezetasunak markak utzi eta zura kaltetu dezakeelako, batez ere tratatuta ez badago. Distira eta erresistentzia handiagoa emateko, TRIXIG barruko zuretarako gure olioa eman dezakezu.

Esploratu gure pinu naturalezko altzariak
A TRIXIG wood treatment oil, indoor use
A TRIXIG wood treatment oil, indoor use
Esploratu gure pinu naturalezko altzariak

Nola garbitu banbuzko altzariak

1. trikimailua: gainazaleko garbiketa egiteko edo txirikordatu gabeko altzariak garbitzeko, busti zapi garbi bat ur beroa eta lixiba pixka bat (tanta gutxi, 3 edo 4) nahasi duzun ontzi batean. Garbitu xukatuta, zapi hezearekin, eta kendu hezetasuna.

2. trikimailua: nahasi 3 limoiren zukua eta litro bat ur lainoztagailu batean. Igurtzi ondo altzaria / azala, eta, hortzetako eskuila batekin, azpimarratu alderik zikinenak, eta lehortu dena.

Garbi, desinfektatuta eta distiratsu geratuko da! 

A bamboo NORDKISA bedside table

Nola garbitu haritzezko eta/edo pagozko altzariak 

Haritza zur gogorra, sendoa eta iraukorra da, zainak agerian ditu eta denborarekin kolore marroi urretsurantz iluntzen da. Pagoa ez da hain ezaguna, baina kalitate handikoa da. Gogorra eta iraunkorra da, eta zainak homogeneoak ditu; eguzkitan jartzean, krema-koloretik marroi arrosa argi batera aldatzen da.

Horiek garbitzeko, erabili zapi heze samar bat eta berehala lehortu beste zapi lehor batekin.

Distira gehiago eta hezetasunarekiko erresistentzia gehiago nahi baduzu, eman TRIXIG barruko zurarentzako olio-geruza bat: bere edertasun naturala nabarmentzen du, azala babesten du eta 4-6 ordutan lehor egongo da. Eta kitto!

A TRIXIG wood treatment oil, indoor use

Nola garbitu kanpoko zurezko altzariak

Kanpoaldeko zura, barrualdekoa baino erresistenteagoa den arren, zaindu egin behar da bere itxura mantentzeko eta erabiltzeko denbora luzatzeko.

Eguzkitik eta hezetasunetik babesteko, egokiena da TRIXIG kanpoko zuretarako olio-geruza bat ematea: distira ematen du, kolorea nabarmentzen du eta azala babesten du. 

Zura tratatu gabe badago, lehortu lehenbailehen bustitzen bada eta hausnartu kanpoko altzarietarako zorroak erabiltzea; horrela, urte osoan klimaren eraginpean egotea saihestuko duzu.

Ikusi kanpoko altzarientzako zorroak
A wooden outdoor table with three brushes next to a can of TRIXIG outdoor wood stain placed on the table.
An acacia ASKHOLMEN table, outdoor
Ikusi kanpoko altzarientzako zorroak

Zur naturalezko era guztietako altzariak garbitzeko eta zaintzeko aholkuak 

  • Zurezko altzari gehienak zapi lehor batekin edo mustuka batekin garbitzen dira, besterik ez. Hori bai, ez erabili amoniakorik, zura higatu eta horren distira kentzen baitu. 
  • Ahal baduzu, garbitu hautsa egunero. Bestela, astean behin gutxienez. 
  • Betaren noranzkoan garbitu behar duzu beti, igurtzi eta atzamarkarik egin gabe, zapi leun batekin.
  • Ez jarri eguzkitan zuzenean, kolorea eta distira galtzea nahi ez baduzu. 
  • Eguzkitik ez ezik, hezetasunetik ere babestu behar dituzu, horretarako tratatuak ez badaude. Lehortu lehenbailehen ur pixka bat erortzen bada.

Izugarri gustatzen zaigu bezeroek gure produktuak sormenez erabiltzea. Ausartu zaitez! Baina kontuan izan behar duzu IKEA taldeko produktuetan aldaketak eginez gero ezin izango ditugula berriz saldu edo hasieran zuten helbururako erabili; beraz, kasu horretan, IKEA taldeko berme komertzialak eta itzultzeko eskubidea indargabetzen dira.

Hau ere interesatu ahal zaizu

Nola lortu lanerako gune atsegina logelan

Logela handi zuri bat etxeko bulegorako toki batekin, leiho handi batzuen aurrean.

Etxe bat bisitatu: estresik gabeko logela baterako dekorazio lasaigarria

Ohe-jantzi neutrala eta loreduna logela zuri batean, eta hormetan argazkiak zuri-beltzetan.

Etxe bati bisita: umeentzako gela nortasunez betea

Haurrentzako gela horma urdinekin, ohe-buru grisa iluna horman muntatuta eta bi irakurtzeko lanpara zuri, baita marradun oherako arropa.

Kontaiguzu zure esperientzia!