Nola garbitu maindireak eta bestelako oherako arropa, gehiago iraun dezan
Maindireak eta zorro nordikoak beti perfektu izatea gustatzen zaigun etxerako arropa da. Ezin da ordaindu ohe garbi, leun, usain atsegin eta berria dirudien ohe batean sartzearen sentsazio hori!
Horregatik, maindireak garbitzeko zenbait aholku emango dizkigu, gehiago iraun dezaten, baita kuxinak ere. Horiek ere ezinbestekoak direlako atseden hartzeko gune nagusi horretan. Spoiler txiki bat egingo dizugu: garbigarri asko botatzeak ez du esan nahi garbiago geratuko direnik… alderantziz baizik.
Baina ikus dezagun: maindire garbiak, amets gozoak!
1. Irakurri arretaz garbitzeko jarraibideak: asko dute esateko!
Askotan moztu egiten ditugu maindireek edo zorro nordikoek dituzten garbitzeko jarraibideak (edo ahaztu egiten zaigu laguntzeko jarri direla), eta sarritan hantxe egon ohi da arropa egoera ezin hobean egoteko eta gehiago irauteko egoki garbitzeko gakoa.
Noski, zein materialekin egin diren, gure garbigailu motaren, garbigarriaren eta leungarriaren araberakoa ere izango da. Gomendatu nahi dizugun lehen gauza da etiketa hori aurkitzea eta, hitzez hitz jarraitzea, baita maindireak garbitzeko aholku hauek ere kontuan izatea.
Infografia honetan gure maindireetan eta oherako arropan agertzen diren ohiko sinboloen esanahia azaltzen dugu modu erraz batean, zalantza guztiak uxatzeko!
2. Aukeratu garbigailuko programa egokia
Etiketa irakurri baduzu, ikusiko duzu garbiketarako tenperatura bat gomendatzen zaizula. Datu hori funtsezkoa da maindireek gehiago irauteko higatu gabe.
Maindireek garbitzeko zailak diren orban asko izan arren, normalean, 40 eta 60 °C arteko ur beroarekin garbitzen dira. Zergatik? Horrela desinfektatu egiten direlako eta ezin hobeki garbitzen dituzulako, bertan izan daitezkeen akaroak eta bakteriak desagerraraziz.
Programari dagokionez, maindireen ehunerako egokia izan behar da. Adibidez, kotoizkoak badira, garbigailu gehienetan agertu ohi da: "kotoia 60 ºC".
Kotoia baino ehun delikatuago batekin eginak badaude edo, adibidez, brodaturen bat baldin badu, jantzi delikatuen programa berezi bat aukeratu behar dugu, ez hondatzeko eta garbi-garbi manten daitezen luzaroago.
Bestalde, ehun sintetikoak, normalean, ur hotzeko edo epeleko ziklo batean garbitu ohi dira.
Bideo honetan, maindireak erosten unean kontuan izan beharrekoak azalduko dizkizugu. Adibidez, materiala edo nola mantendu.
3. Garbi itzazu bakarrik, beste jantzirik gabe
Maindireak ongi garbitzeko, bakarrik garbitu behar dira. Hau da, ez da beste jantzirik sartuko danborrean, ezta maindire sorta desberdinik ere. Hobe da banaka garbitzea! Horrela, ziurtatuko dugu behar adina leku dagoela danborrean eta ura eta garbigarria ongi banatzen direla oherako jantzi guztien artean, hobeto garbituz.
Eta zenbatean behin? Hoberena, astean behin litzateke, batez ere, udan.
4. Zenbat garbigarri bota behar da?
Askok uste dute zenbat eta garbigarri gehiago bota, orduan eta hobeto dela; edo zenbat eta leungarri gehiago, orduan eta leunago irtengo dela. Bada, ez du zerikusirik! Egia esan, kontrakoa gertatzen da: garbigarri gehiegi botaz gero, garbigailuari gehiago kostatzen zaio xaboia maindireetatik kentzea (beno, arropa guztitik). Ondorioz, baliteke arropak usain txarra izatea edo "koipe" sentsazio bat eragitea. Gainera, ez da batere ona ingurumenerako…
Normalean, gure maindireek osa dezaketen 4,5 edo 5 kg-ko karga baterako, nahikoa izango da 50 ml garbigarrirekin. Halere, ikusi garbigailuaren argibideak eta erabili beti ontziaren tapoi-neurgailua. Ez bota alde-aldera!
Gainera, ez dugu gomendatzen, eskuarki, maindireak garbitzeko lixiba erabiltzea, azkenean ehunak apurtu daitezkeelako. Aparteko kasuetan soilik erabili behar da, orbanen bat kentzen ez bada edo desinfekzio sakonago bat egin behar baduzu, baina ez pasatu kantitatearekin.
5. Nola lortu maindireak gutxiago zimurtzea, eta nola zabaldu
Gure oherako arroparen zimurrak ahal diren neurriak saihesteko, garrantzitsua da garbiketa amaitu eta berehala ateratzea: danborraren barruan ahalik eta gutxien pasatzea, zikloa amaitu ondoren! Horrela, ez dute hartuko beharrezkoa ez den hezetasunik eta ez dira zimurtuko.
Zabaltzeko unean, hoberena aire zabalean lehortzea da, ahal bada, aireztatzean ez dituelako zenbait usain hartuko eta ez direlako zimurtuko. Zabaldu erditik ahalik eta zabalen hainbat soka perpendikular erabiliz eta, posible bada, ez erabili pintzarik.
6. Nola garbitu oherako kuxinen betegarria eta zorroa
Has gaitezen kuxinen betegarriekin! Beti bezala, irakurri etiketako argibideak. Ez zenituzke betegarriak 60 °C-tara baino gehiagotara garbitu behar, baina materialaren arabera, tenperatura altuagoa edo baxuagoa erabili ahal izango duzu.
Hauetan ere, ahal dela ez erabili lixibarik, eta hoberena normalean erabiltzen duzun garbigarri kantitatea ere murriztea izango litzateke. Nahikoa izango da erabili ohi duzunaren 1/3 erabiltzea. Gure kuxin-betegarriak lehorgailuan sar daitezke, baina begiratu etiketari zein tenperatura gomendatzen den jakiteko.
Zorroari dagokionez, garrantzitsuena fabrikatzailearen etiketa irakurri eta argibideei hitzez hitz jarraitzea da. Halere, orbanen bat baldin badu, garbitu baino lehen orban-kentzeko bat ematea gomendatzen dizugu. Eta ehun delikatuzko zorro bat bada, hoberena eskuz garbitzea izango da garbigarri neutro batekin.
Izugarri atsegin dugu bezeroek gure produktuak sormenez erabiltzea. Ausartu zaitez zu ere! Baina kontuan izan behar duzu IKEA taldeko produktuetan aldaketak eginez gero ezin izango ditugula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
