DIY: Nola egin txotxongilo-antzerki bat kartoizko kaxa batekin
Orain etxean denbora gehiago pasa behar dugunez, zergatik ez aprobetxatu familia-giroan dibertitzeko? Kartoizko kaxa soil batekin, zuk eta umeek inoiz ikusi gabeko ikuskizuna sortzeaz gain, plan desberdin eta dibertigarri bat lortu ahal izango duzue di-da batean. Kaxa bat, guraize batzuk, bizpahiru pintura tanta eta oihal bat besterik ez dituzue behar. Zuen txotxongilo-antzerkia nola egin erakutsiko dizugu, urrats erraz batzuk jarraituz. Ikusi bideoa zein erraza den ikusteko!
Izar bihurtzeko materialak
Zuen txotxongilo-antzerkia egin ahal izateko, honako materialak bildu behar dituzue:
- Kartoizko kaxa handi bat
- Koloretako pinturak
- Pintzelak edo brotxak
- Oihala
- Haria edo soka
- Markatzailea
- Guraizeak edo kuterra
Antzerkia apaintzeko materialak falta bazaizkizue, honako gure atalean lor ditzakezue: Jostailuak eta jokoak.
Familia osoarentzako lana
Orain txotxongilo-antzerkia prest duzuela, bertan kontatuko dituzuen istorio eta abentura itzelak prestatzeko ordua da. Hain da dibertigarria!
Emaitza ikusi nahi baduzu edo zalantzarik baduzu, hurrengo bideoa ikusi dezakezu, txotxongilo-antzerki bat urratsez urrats nola egiten den ikusteko.
Ideia gehiago nahi dituzu? Ezagutu familiarekin egin ditzakezun beste plan originalak, ikusi zalantzarik egin gabe hurrengo artikulua, Umeentzako pijama-festa dibertigarri baterako aholkuak.
Istorio ederrentzako eszenatoki koloretsu bat
Lehenik, moztu kaxaren atzeko aldea, zutik gera dadin aldeak eta sabaia mantenduz. Ondoren, marraztu arkatzarekin eszenatokiari eman nahi diozuen itxura eta moztu guraizeekin edo kuter batekin. Baina, adi hatzekin!
Behin egitura prest izanda, kaxa dekoratzeari ekiteko unea da. Gustukoen duzuen eta gehien dibertituko zaituzten diseinua egin dezakezue. Guk koloretako lerroak egin ditugu, MÅLA pintura fluoreszente distiratsuak erabili eta gure antzerkia askoz biziagoa eginez. Baina diogun bezala, nahi duzuen itxura eman diezaiokezue. Irudimena askatzean dago koska! Gainera, behin pintura lehortuta ere, errotuladoreekin xehetasunak margotu edo edozein apaingarri itsats dezakezue.
Azkenik, aukeratu oihal polit bat teloirako. Aukeratu non zabalduko den oihala zati bakar batean edo bitan moztu dezazun, eta ipini haria aldeetako batean. Tolestura jos dezakezu, edo jostura bat soka itsasteko erabili. Eseki gortinak eta, horra! Prest duzu eszenatokia.
Izugarri atsegin dugu bezeroek gure produktuak sormenez erabiltzea. Ausartu zaitez zu ere! Baina kontuan izan behar duzu IKEA taldeko produktuetan aldaketak eginez gero ezin izango ditugula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
